Tuma 2:43 - Tampulma

⁴³ Koosa funɛ nyɛ o nitumɛ ta tum tum zene awa alaazibu tumwa kinkan. Tum na daha, Yesu gantɛl tiŋsi ta maga funɛ nyɛ ba jirima kinkan.

Tuma 2:43 Σταυροειδείς Αναφορές

Jɔn 14:12

Wutirɛ mu ŋɔ ma, ba naa se su min, ba zi tum chenani mu tumu. Hali ba zi tumu tum zene a kaali chenani mu tum, domi mu zi wa bur la mu nyan ti watiu.

Luk 8:37

Ba funɛ nu ba sɛm chen, hansura fun kpak ba maga kinkan. Ba fun wa sumi Yesu di o li ba pulum ni. Saha naa o fun si a la zu arŋ ti chen,

Luk 7:16

Zɛmɛ ta funɛ na chenani Yesu fun tum, hansura fun kpak ba kinkan. Ba funɛ pɛgi Koosa a ŋɔ, “Hin ya witiin zen ti.” Ba gbanko ŋɔ, “I wau di i wa suŋi i nara.”

Maak 16:17

Ba tum nɛɛ ma zi wa zim ba naa se su min. Ba zi koti a kpa mu sɔnu a duŋni alizin tagna a li nara ni a bu sɛm sɛm falɛ,

Tuma 9:40

Pita fun nyɛ ba kpa a maga a li a gbiri a sumi Koosa. Doone o fun burgi o titi a chem Dɔɔkas a ŋɔ un, “Tabita, si kani.” O fun lɛli o se a na Pita a vaan si kani.

Tuma 4:33

Nitumɛ ta fun ŋɔ nara tima ni chenani ba fun na ka Koosa lɛli ba kunyana Yesu a li o sou ni wa ba se ni. Koosa funɛ suŋi ba kinkan di ba sɛm ta zu nara tima bambe nɛnɛ.

Tuma 9:34

Pita fun wa ŋɔ un, “Ɛnɛus, Yesu Kristo nyɛ i na alaafɛ. Si a guti i kichɔɔli.” Ɛnɛus fun vaan na alaafɛ a si a guti un.

Tuma 2:22

“Ma Ju tima, maa nu chenani mu kaa ŋɔ ma nan nɛnɛ. Tum zene awa alaazibu tuma a naa Koosa nyɛ Yesu Nazarɛt nar fun tum, biksi ma di Koosa funɛ lisi un. Ma titi zim kin nama wɛu domi a ya ma bambaan nɛɛ.

Tuma 5:5

Ananias funɛ nu Pita sɛm ta, o fun vaan chel a sou. Ba naa maga funɛ nu chenani yɛɛ, hansura fun kpak ba kinkan.