Tuma 2:4 - Tampulma

⁴ ka Koosa siim weri ti fun wa si ba bambe ni, a nyɛ ba fun piili a sɛm sɛm naa vɛ ya ba titi sɛma.

Tuma 2:4 Σταυροειδείς Αναφορές

Mat. 10:19

Ba wa kpa ma a wa sɛria bar diili dɛ, ma ta nyɛ chenani ma kaa wa sɛmi kimuksi ma. Saha naa ma kaa wa sɛm, Koosa zi wa biksi ma sɛm naa ma zi wa sɛmu.

Maak 16:17

Ba tum nɛɛ ma zi wa zim ba naa se su min. Ba zi koti a kpa mu sɔnu a duŋni alizin tagna a li nara ni a bu sɛm sɛm falɛ,

Luk 1:15

Koosa zi wa nyɛ o ya nibin zenu o se ni. O wa zi wa nyɔ sin kpok, ka Koosa kpa o siim weri a du un ni. Saha naa ba zi wa lul un a kpa la, Koosa siim weri ti zi wa si un niu.

Luk 1:41

Ɛlizabɛt funɛ nu ka Mɛri zaami, o be ti fun si a go o tuha. A saha ti Koosa fun nyɛ o siim weri ti si Ɛlizabɛt ni,

Luk 1:67

Chen saha tirɛ Koosa siim weri ti fun si o nyan Zɛkaraya ti ni a sɛm a chi Koosa witinsi ta digi.

Luk 12:12

Koosa siim weri ti zi biksi ma chenani ma zi sɛmu.”

Luk 21:15

Min kaa wa biksi ma chenani ma kaa wa la sɛm awa nɛha ni, chen ni ma dɔma wa zi wa koti a vɛ ma sɛma a tɔ di laaboor weri ti wa deŋli.

Luk 4:1

Yesu funɛ li Jɔɔdan mɔɔga ti ni, Koosa siim weri ti fun si un ni a kpa un kaali kɔha.

Jɔn 14:26

Mu nyan ti wa tum o siim weri ti di o wa chiŋi mu bar chiŋi ni. Waa la zi biksi ma kin nama maga ma daŋni ma zim aa lisi ma chenani maga mu fun ŋɔ ma.

Jɔn 20:22

O funɛ sɛm peti a hiisi du ba a ŋɔ, “Ma la Koosa siim weri nɔ.

Tuma 1:5

Jɔn funɛ chaksi nara wa nire, amaa o wa zi vusi ka Koosa chaksi ma wa o siim weri ti ni.”

Tuma 1:8

Koosa wa tum o siim weri ti di o nyɛn ma bambe ni, o kpok ti zi wa siu ma ni a nyɛ ma ŋɔ Jɛrusalɛm tima, Judia tima, Samaria tima awa ba naa nyɛn bawu maga ni mu wɛ.”

Tuma 10:46

Hali ba fun nu ba naa vɛ ya Ju tim chen funɛ sɛm sɛm kurgɛ a la pɛgi Koosa o tum zene ta o tum a nyɛ ba chen daha. Doone Pita fun ŋɔ ba,

Tuma 10:47

“Koosa funɛ kpa o siim weri ti a du nara nama ni a gbaari ya ni. Ya kaa ya chaksi ba wa ni ni, nandigi wa to a la zi ŋɔ di ya ta chaksi ba.”

Tuma 11:15

Mu funɛ la tel dooni a sɛm ba chene, Koosa siim weri ti fun wa zu ba naa maga la nu chen, bambe ni a chi chenani o fun te zu ya.

Tuma 11:24

Barnabas funɛ ya nibin werire. O si funɛ su Yesu nɛnɛ ka Koosa siim weri ti fun te o suwachak. Nidamata fun nyɛ ba se su ya kunyan ti o daha.

Tuma 13:52

Yesu nitiŋɛ ba naa se su Koosa laaboor weri ti a li Antiɔk ni, ba tusa funɛ sɔɔniu kinkan ka Koosa siim weri ti te ba suwachak.

Tuma 13:9

Sɔɔl sɔn digi funɛ ya Pɔɔl. O funɛ na chenani Ɛlimas ya, Koosa siim weri ti fun si un ni o nyini o se ni,

Tuma 15:8

Koosa naa zim chenani nibinsa bambe du, fun kpa o siim weri ti a du ba ni a chi chenani o fun te kpa du ya ni chen. Nan funɛ biksi ya di ba naa funɛ vɛ ya Ju tima zi kotiu a wa zim un a chi ya.

Tuma 19:6

Pɔɔl fun kpa o nisa a saksi ba ni di Koosa siim weri ti wa zu ba bambe ni. Ba fun piili a sɛm sɛm kurgɛ a la sɛm nara ni Koosa laaboor weri ti wɛ.

Tuma 2:11

Ya bɔnɛ ka ya Krit tima awa Arab tima. Ya sɛm sɛm kurgɛwa, amaa ya nuu ka ba ŋɔ ya a li ya titi sɛma ni chenani Koosa fun tum alaazibu tuma.”

Tuma 2:3

Doone ba fun nyini a na ka o chi din ful purige a kani ba nyuuni ni,

Tuma 4:31

Ba funɛ sumi Koosa a peti, dɛ naa ba fun lagmi chen, zigsi ka o siim weri ti si ba bambe ni. Ba fun li a ŋɔ nara ni Koosa laaboor weri ti wɛ awa bambi kpoka ni.

Tuma 4:8

Koosa siim weri ti fun si Pita ni o ŋɔ ba, “Ma koorsi na awa ma nihɛɛta,

Tuma 6:3

Ya dɔŋtima, ma nyɛ ya lisi nara banɔpɛ ba naa nyɛn ya ni a kpak jirima awa nɛha kinkan a nyɛ Koosa siim weri ti te ba suwachak, kinyini malɛ ta.

Tuma 6:5

Ba sɛm ta funɛ nyɛ Yesu nitiŋɛ ta tu sɔɔnau kinkan. Doone ba fun lisi baal naa sɔn ya Stivin. O si funɛ su Yesu nɛnɛ ka Koosa siim weri ti fun te o suwachak. Ba gbanko fun lisi Filip, Prɔkɔrɔs, Nikanɔr, Timɔn, Parminas awa Nikolas naa funɛ si a bur tiŋ Ju tim jɛɛmi nyinbaan. O funɛ li tɔhɔn naa ba yir Antiɔk. Ba fun kpa ba a gbaari Stivin ni.

Tuma 6:8

Nara tima funɛ na chenani Koosa funɛ suŋi Stivin kinkan a la nyɛ un kpok di o tum tum zene awa alaazibu tuma a nyɛ ba.

Tuma 7:55

amaa Koosa siim weri ti fun si Stivin bambi ni a nyɛ o nyini a na Koosa jirima awa o chaani kinkan a li o tɔhɔn ti ni. O funɛ vɛɛn nyɛ o na Yesu ka o chiŋi Koosa nihɛɛti bar kani ni dooni.

Tuma 8:17

Pita awa Jɔn funɛ sumi Koosa peti, ba fun kpa ba nisa a saksi ba nyuuni ni Koosa siim weri ti zu ba ni.

Tuma 9:17

Ananias fun si a la zu dam ti a kpa o nisa a sak Sɔɔl ni a ŋɔ un, “Mu niinbe Sɔɔl, ya kunyana Yesu naa i na nyinbaan ni chen, funɛ tum min di mu wa lɛli i se. O gbanko funɛ tum min di o nyɛ Koosa siim weri ti zu hin ni a te i suwachak.”

Room 15:13

Ma se su Koosa naa ya bambi bɛgim tiina. Chendaha o zi nyɛ ma tu sɔɔna awa bara sɔɔna kinkan, chen ni ma bambi bɛgim naa ma kpak un ni zi zenu aa gbaari a li o siim weri ti kpok ni.

1 Kɔr. 12:10

a nyɛ bɔnɛ kpok di baa tum alaazibu tuma. Bɔnɛ koti aa sɛm Koosa wɛ a li o kpok ti ni, ka bɔnɛ koti aa zim papaha a naa li Koosa wati awa papaha a naa vɛ li o wati. Bɔnɛ sɛm sɛm kurgɛ, ka bɔnɛ koti a biksi a muna aa nyɛ nara ni.

1 Kɔr. 13:1

Mu koti a sɛm sɛm kurgɛ hali awa malaikasa sɛma a vɛ daŋni nara, mu chɛɛmiu a chi nibine naa ba yaa mo luŋa ka o vɛ zim o mun.

1 Kɔr. 13:8

Sɛm naa ba yaa sɛm a li Koosa kpok ti ni a nyɛ nara ni, a zi wa kpak bɔu wuzu digi. Sɛm kurgɛ ta ba yaa sɛm a li Koosa kpok ti ni, a zi wa gilu wuzu digi. Zima naa nara kpak, o gbanko zi wa gilu wuzu digi. Amaa daŋni wa kpak peti.

1 Kɔr. 14:18

Mu zaami Koosau di o nyɛ mu gbanko sɛm sɛm kurgɛ a kaali chenani ma maga sɛm nan.

1 Kɔr. 14:5

Ma maga kote aa sɛm sɛm kurgɛ, mu fu daŋni chenu. Amaa ma kote aa sɛm a li Koosa kpok ti ni, chen zi sɔɔni mu tuhau kinkan. Nibine naa la sɛm a li Koosa kpok ti ni, waa bɔ wa naa la sɛm sɛm kurgɛ, see o koti a biksi a muna a suŋi Yesu nitiŋɛ ta.

Ɛfɛ. 3:19

Mu daŋni ma wa zim chenani Yesu Kristo daŋni ya chenu. O daŋni yau hali ya vɛ koti a zim a la peti, amaa mu daŋni o daŋni ti siu ma ni, chen ni ma zi weru o chi Koosa wer chen.

Ɛfɛ. 5:18

Ma ta nyɛ sin dɔ ma. Ma ka nyɛ Koosa siim weri ti dɔ ma.

Ɛfɛ. 6:18

Maa sumi Koosa kin nama daha saha maga, chen ni o zi suŋi mau. Ma nyɛ o siim weri ti kibiksi ma chenani ma zi sumi Koosa. Ma il nɛnɛ awa kanyita kinkan ni, aa kisumi un di o suŋi o nara maga.

1 Pita 1:12

Koosa siim weri ti gbanko wa fun biksi o witinsi ta di ba wa tum a nyɛ ba titi nɛɛ, amaa ba tum a nyɛ ma nɛɛ. Koosa fun a tum o siim weri ti a li o tɔhɔn ti ni di o kpa o kpok ti a nyɛ ba naa funɛ wa biksi ma Koosa laaboor weri ti wɛ. O witinsi ta funɛ sɛm o laaboor weri ti wɛu a daŋni ma zim un. Hali Koosa malaikasa daŋni ba zim o laaboor weri ti munu.

2 Pita 1:21

Koosa witinsi ta sɛma wa fun li nibinsa watɛɛ, amaa Koosa siim weri ti funɛ kpa o sɛma a nyɛ ba di ba kpa a biksi nara.