Tuma 17:4 - Tampulma

⁴ Ju tim ta bɔnɛ se funɛ suu di chenani Pɔɔl sɛm chen ya wutirɛ a chiŋi o wa Sailas gantɛl ni. Girik tima ba naa funɛ jɛɛmi Koosa awa nihaana ba naa ya nibirige nidamata gbanko funɛ ya chene.

Tuma 17:4 Σταυροειδείς Αναφορές

Jɔn 7:35

Ju tim ta wa fun zim o sɛm ta mun a la pɛɛsi dɔŋa, “Leene o kaa gba la ka ya vɛ na un? O zi la Ju tim ba naa wa hɔɔra nyɛnɛɛ a la biksi ba chenuu?

Tuma 13:43

Ba fun si a la damsa, ba naa ya Ju tim ta awa ba naa vɛ ya Ju tima a la jɛɛmi Koosa, ba nidamata fun tiŋ nara balɛ ta. Ba funɛ la chene, Pɔɔl awa Barnabas fun sɛm ba a kpami ba di ba kpak chenani Koosa suŋi ba chen nɛnɛ.

Tuma 13:50

Amaa Ju tim ta funɛ nyɛ tɔhɔn ti nihɛɛta awa nihaana ba naa la jɛɛmi Koosa a ya malɛ tima, paan fun siu a du Pɔɔl awa Barnabas ni. Ba fun muksi ba kinkan a duŋni ba a li dooni.

Tuma 14:1

Pɔɔl awa Barnabas fun la tel Ikonium a la zu Ju tim ta bar lagmi dɛ a sɛm ba a chi chenani ba fun sɛm a li Antiɔk ni. Ju tim ta awa ba naa vɛ ya Ju tima nidamata fun nyɛ ba se su Koosa laaboor weri ti ba sɛm ta daha.

Tuma 14:4

Tɔhɔn ti tima ba naa funɛ lagmi dooni, a purigi a li chenani ba lisi ni. Bɔnɛ fun nyɛn Ju tim ta wati. Bɔnɛ ka fun nyɛn Pɔɔl awa Barnabas wati.

Tuma 15:22

Jems funɛ sɛm peti, nitumɛ ta, nihɛɛti ta awa Yesu nitiŋɛ ta maga fun lisi nara balɛ a li ba tuhu ni di ba la lagmi Pɔɔl awa Barnabas ni ba la Antiɔk. Ba sɔna funɛ ya Judas Barsabas awa Sailas. Yesu nitiŋɛ ta maga fun nyɛ ba jirima kinkan.

Tuma 15:27

Nara balɛ ta ya lisi a gbaari ba ni chen sɔna ya Judas awa Sailas. Chenani ba zi sɛm ma awa chenani ya sɔbi a li tɔn ti ni ya kibɛgimnɛ.

Tuma 15:32

Judas awa Sailas funɛ ya Koosa witinsi ta nara balɛwa. Ba gbanko fun kpami Yesu nitiŋɛ ba naa funɛ nyɛn dooni, di ba kpak Yesu nɛnɛ a vusi.

Tuma 15:40

Yesu nitiŋɛ ta fun kpa Pɔɔl awa Sailas naa o fun lisi, a du Koosa nin ni di o suŋi ba. Ba fun li dooni,

Tuma 16:3

Ju tima ba naa maga funɛ nyɛn dooni, fun zim di ba wa teŋ Timoti, domi o nyan ti wa fun ya Ju tima. Chendaha Pɔɔl fun te nyɛ ba teŋ un ka o kpa un gbaari ba ni.

Tuma 17:10

Dusum funɛ wa biri, Yesu nitiŋɛ ta fun tum Pɔɔl awa Sailas a li tɔhɔn naa ba yir Bɛrɛa. Ba fun la tel doon a la zu Ju tim ta bar lagmi dɛ.

Tuma 17:12

Ju tim ta awa nibaala wa nihaan birige, ba naa maga ya Girik tima nidamata, fun nyɛ ba se su Koosa laaboor weri ti.

Tuma 17:14

Ya niinbisi ta fun vaan lisi ba bɔnɛ a li ba ni di ba wa Pɔɔl kila ni nɔ. Sailas awa Timoti fun kpalimi Bɛrɛa ni.

Tuma 17:17

O yaa fun la zu Ju tim ta bar lagmi dɛ a biksi ba awa ba naa vɛ ya Ju tima a la jɛɛmi Koosa, Yesu wɛ. O biksi ti fun nyɛ ba wa un di amɔrɛ. O gbanko yaa fun la yawa a ŋɔ ba naa chiŋɛɛ di ba nu o sɛm ta.

Tuma 17:34

Ba naa funɛ nyɛn dooni chen bɔnɛ nyɛ ba se su Koosa a chiŋi Pɔɔl gantɛl ni. Ba bɔnɛ sɔna funɛ ya Diɔnisius naa ya tɔhɔn nihɛɛti ta digi, awa Damaris naa ya nihaan.

Tuma 18:4

Pɔɔl yaa funɛ zu Ju tim ta bar lagmi dɛu ba wuzu hiise wuzu o wa ba awa ba naa vɛ ya Ju tima di amɔrɛ di o nyɛ ba se su o sɛma.

Tuma 19:10

O funɛ biksi dooni bunsa lɛwa hali Ju tim ta maga awa ba naa vɛ ya Ju tima aa nyɛn Azia pulum ni fun nu ya kunyan ti laaboor weri ti wɛ.

Tuma 2:44

Yesu nitiŋɛ ta maga fun kpalimi dɔŋ wati a kpa ba kina a bɔni dɔŋa.

Tuma 21:28

Ba fun tɛsi a ŋɔ, “Ma Ju tima, ma wa suŋi ya. Baal naa ya kpak nan, waa ya naa yaa biksi nara bar damati ni di Ju tim ta, ba chiksɛ ta awa Koosa bar jɛɛmi dam nɔ ya yɔrirɛ. Hali lalaknɔ o kpa ba naa vɛ ya Ju timwa a wa zu bar nɔ a chɔk doonani Koosa fun lisi a nyɛ o titi ni chen.”

Tuma 28:24

Ba bɔnɛ fun nyɛ ba se su o biksi ti. Ba bɔnɛ ka wa fun nyɛ ba se su un.

Tuma 4:23

Pita awa Jɔn fun vaan bur kaali di ba la lagmi Yesu gantɛl tiŋsi ta ni a ŋɔ ba chenani Koosa dam kɔkɔɔrsi ta awa Ju tim nihɛɛti ta fun ŋɔ ba.

2 Kɔr. 8:5

Ba papaha ti funɛ kaali chenani ya lisi. Ba fun te kpa ba titi a nyɛ ya kunyan ti ni a tiŋ Koosa nɔ a lisi ba kin ta a nyɛ ya.