Tuma 17:3 - Tampulma

³ O fun biksi ba di Yesu ya Kristo naa Koosa fun ŋɔ di o zi wa tumu wuzu digi chen a karimi Koosa sɛm tɔn ti bar digi doonani ba fun sɔbi di o zi wa namsiu a sou ka Koosa lɛli un a li o sou ni.

Tuma 17:3 Σταυροειδείς Αναφορές

Luk 24:32

O funɛ kaali chene, ba ŋɔ dɔŋ ni, “Ya wa un funɛ nyɛn nyinbaan ni aa la ka o fun a biksi ya chenani ba sɔbi o wɛ a li Koosa sɛm tɔn ti ni, ya tusa sɔɔni ka yaa dɛɛsi.”

Luk 24:44

Yesu fun ŋɔ ba, “O deŋlu di kin naa maga Mosis awa Koosa witinsi ta awa ba naa sɔbɛ boola funɛ sɔbi mu wɛwa saha digi a li Koosa sɛm tɔn ti ni, a ya wutirɛ. Ma wa lisi di saha naa mu fun nyɛn ma wati chen, mu fun biksi ma a wɛɛ?”

Luk 24:46

a ŋɔ ba di ba sɛm di naa Koosa vɔu di o tum chen zi wa namsiu a sou ka Koosa lɛli un a li o sou ni wuzu butora wuzu.

Jɔn 20:9

Ba ha wa fun zim chenani ba fun sɔbi a li Koosa sɛm tɔn ti ni chen mun. Ba funɛ sɔbiu a ŋɔ, “O lawa Kristo si o sou niu.”

Tuma 1:4

O gbanko fun ŋɔ ba, “Ma lisi chenani mu fun ŋɔ ma di mu nyana vɔu di o kpa o papaha a nyɛ ma. Ma nyɛn Jɛrusalɛm nɔ ni hali o wa kpa o papaha ti a wa nyɛ ma.

Tuma 18:28

Apɔlɔs wa Ju tim ta fun di amɔrɛ kpok a nyaŋi ba a li nara tima suwachak ni. O fun lisi Koosa sɛm tɔn ti bar digi a biksi ba a li gbampulim ni di Yesu ya Kristo naa Koosa fun ŋɔ di o zi wa tumu wuzu digi chen.

Tuma 18:5

Sailas awa Timoti funɛ la tel Kɔrint a la Masɛdonia pulum ni, Pɔɔl fun gil o sela tɔn ta kɔɔri a kpa o saha maga a biksi nara Koosa laaboor weri ti wɛ. O fun kpak o titi a biksi Ju tim ta a li gbampulim ni di Yesu ya Kristo naa Koosa fun vɔu di o zi wa tumu wuzu digi chen.

Tuma 3:18

Koosa funɛ nyɛ o witinsi ta mɔɔli saha digi di naa o vɔu di o zi wa tumu chen, zi wa namsiu. Koosa fun nyɛ ba sɛm ta ya wuti.

Tuma 9:22

Nidamata funɛ nu Sɔɔl biksi ti a gbaari. O fun biksi ba di Yesu ya naa Koosa fun vɔu di o zi wa tumu wuzu digi chen nɛnɛ, chen ni Ju tim ba naa nyɛn dooni chen, wa kidi un amɔrɛ.

Gal. 3:1

Ma Galesia tima ya womniwa. Anti kpa o kpok a du ma ni di ma gil Koosa wuti nyinbaan? Ya wa fun wa biksi ma gbampulim ni chenani Yesu Kristo fun sou a li o daakakli ti nii? Ma wa fun la nɔɔni di ya sɛm ta ya wutirɛɛ?