Tuma 13:2 - Tampulma

² Wuzu digi Yesu nitiŋɛ ta funɛ jɛɛmi ya kunyan ti a la vɔu nɔ, Koosa siim weri ti fun ŋɔ ba, “Min funɛ lisi Barnabas awa Sɔɔl di ba tum tum digi a nyɛ min. Ma waligi ba a nyɛ min.”

Tuma 13:2 Σταυροειδείς Αναφορές

Mat. 17:21

Nan alizin tagin nɔ ka ma vɛ sumi Koosa nɛnɛ, ma wa kikoti a duŋni un a ta.))

Mat. 6:16

“Ma vɔti nɔɔna, ma ta nyɛ ma se nyakmi a chi ba naa vɔti nɔɔna a li gbampulim ni. Ba waa bɔrsi ba se, chen ni nara maga zi zim di ba vɔti nɔɔniwa. Ma nu mu sɛma. Ba waa piin na ba papahau.

Mat. 9:38

Ma sumi Koosa naa ya kumi tiina, di o nyɛ nikumɛ kinkan wa kum a du o napaga ni.”

Luk 10:1

Wuzu bilɛ wuzu Yesu funɛ lisi nara fumnɔpɛ dalɛwa di ba te o suwachak aa la zu tɔsi naa o kaa wa biksi chen.

Luk 2:37

O funɛ ya luhaannɛ bun fummɛnasa danaasiwa. O funɛ nyɛn Koosa bar jɛɛmi dam ti nɛɛ a vɛ la bar digi. Nha wa dusum maga, o yaa funɛ jɛɛmi Koosarɛ a la sumi un a la vɔu nɔ.

Tuma 10:19

Pita ha funɛ vɛɛna lisi chenani o fun na chen mun ka Koosa siim weri ti fun ŋɔ un, “Kinu mu wati. Nara batora chiŋɛ bulzɔɔnɔ ti ni a daŋni ba na hin.

Tuma 10:30

Kɔnilius fun ŋɔ un, “Wuzu bunaasi gantɛl ni saha naa niparɛ yaa si ba par ni chen, mu funɛ nyɛn bar nɔwa a sumi Koosa. Chen saha ti awa lalaknɔ funɛ ya kibɛgimnɛ. Baal digi fun laari kichaani a vaan wa chiŋi mu suwachak ni,

Tuma 13:3

Yesu nitiŋɛ ta fun sumi Koosa chen daha a kpa ba nisa a saksi ba ni a nyɛ ba kaali.

Tuma 13:4

Koosa siim weri ti fun ŋɔ Barnabas awa Sɔɔl ni di ba la tɔhɔn naa ba yir Selusia a la zu arŋa a la Saiprus pulum naa ni go chen.

Tuma 14:26

a la zu arŋa dooni a bur kaali Antiɔk naa nyɛn Siiriya pulum ni chen. Antiɔk ti nɛɛ Yesu nitiŋɛ ta fun te kpa Pɔɔl awa Barnabas a du Koosa nin ni di o suŋi ba ba la tum o tuma a li tɔsi naa bole ni a peti.

Tuma 20:28

Waa funɛ nyɛ o be sou a nyɛ ya, chen ni ya zi kotiu a bur a tiŋ un a ya o nara. O siim weri ti funɛ lisi ma di ma ya Yesu nitiŋɛ ba naa funɛ nyɛn Ɛfɛsus ni, nihɛɛta. Ba waa chi piisisa ka ma ka chi ba nigbaŋɛ. Ma kpak Yesu nɛnɛ, chen ni ma zi kotiu a kok ba.

Tuma 22:21

Mu kunyan ti fun bukoo ŋɔ min, ‘Mu kaa tum hin i la ba naa vɛ ya Ju tim watɛɛ a li tɔ bar bole ni. Adaha kila.’ ”

Tuma 4:36

Ba nidigi sɔn funɛ ya Josɛf. Nitumɛ ta gbanko funɛ yir un Barnabas. Barnabas ti mun ya, ‘naa la kpami nara’. O funɛ li lul naa ba yir Livai nɛɛ a li pulum ni gore. Ba yir dooni Saiprus.

Tuma 6:4

Ya tuma la zi ya yaa sumi Koosa a kibiksi nara o laaboor weri ti wɛ.”

Tuma 8:29

Koosa siim weri ti fun ŋɔ Filip ni, “Kila a la tiŋ o gantɛl.”

Tuma 9:15

Ya kunyan ti fun bu ŋɔ un, “Mu funɛ lisi un di o tum mu tuma a kibiksi Ju tim ta, ba naa vɛ ya Ju tima awa ba koorsa mu wɛ. Adaha la tum chenani mu ŋɔ hin.

Room 1:1

Mu waa, Pɔɔl, naa ya Yesu Kristo tumtumna, min la sɔbi tɔn nɔ. Koosa fun a yir min a lisi min di mu ya o nitumi a la ŋɔ nara ni o laaboor weri ti wɛ.

Room 10:15

Koosa fu vɛ tum nandigi, anti fu zi koti a biksi nara tima o wɛ? Ma zim chenani ba fun sɔbi a li Koosa sɛm tɔn ti ni a ŋɔ, “Ba naa la gba a la mɔɔli Koosa laaboor weri ti, ba waali weru kinkan.”

Room 15:16

Waa funɛ nyɛ mu ya Yesu Kristo tumtumna ba naa vɛ ya Ju tim daha. Chendaha mu sɔbi a nyɛ ma chen. Mu chi Koosa dam kɔkɔɔrsa ba naa yaa kpa kina a nyɛ Koosa ni digirɛ. Mu biksi ba naa vɛ ya Ju tima o laaboor weri ti wɛ, chen ni mu zi kpa ba naa o siim weri ti fun lisi chen a nyɛ unu.

1 Kɔr. 12:11

Amaa Koosa bɛgim siim weri ti kpa papaha nama maga a nyɛ ya. O tutɔ nɛɛ, o nyɛ ya papaha a kurgi.

1 Kɔr. 7:5

Adaha ma ta vɛ dɔŋa. Nibaal awa o haan vɔwɛɛ a ŋɔ di ba ha gil dɔŋa wuzu bilɛ, chen ni ba zi sumi Koosau awa tu kibɛgim ni a bu wa lagmi dɔŋ ni, chen weree. Amaa o vɛ ya chene, ma ta waligi dɔŋ ni, chen ni sintana wa zi koti a zaamsi ma, domi ma wa kikoti a kpak ma titi nɛnɛ.

2 Kɔr. 11:27

Mu funɛ tumu a la gali a gil mu do bu damata. Nyɔksa awa lɔsa fun a kpak min. Mu kilaarɛ wa fun mak min ka mu vɛ kpak bar chɔɔli wuzu kama.

2 Kɔr. 6:5

Ba yaa fun tuksi yau a tɔ ya dɛ. Tɔhɔn dami yaa funɛ li ya nɛɛ. Ya yaa funɛ tumu hali a wa gbarigi a gil ya diwe awa ya do.

Gal. 1:15

Amaa Koosa funɛ te lisi min di mu ya o tumtumna ka ba zi lul min. O funɛ te yir a suŋi min,

Ɛfɛ. 3:7

Koosa funɛ kpa o kpok tiu a nyɛ min di mu burgi o tumtumna a biksi nara o laaboor weri ti wɛ. O funɛ suŋi minu kinkan hali a la gali. O funɛ ya o papaharɛ.

Kɔl. 4:17

Mu daŋni ma ŋɔ Arkipus ni di o lawa o tum tum naa Koosa fun kpa nyɛ un chenu a peti.

1 Tim. 2:7

Chendaha o fun nyɛ mu ya o nitumi a tum min di mu la biksi ba naa vɛ ya Ju tima di ba se su un ka ba wa zim wuti ti. Mu sɛma ya wutirɛ. Mu wa ya nusun tiina.

2 Tim. 1:11

Koosa fun lisi min di mu ya o nitumi a la biksi nara o laaboor weri ti wɛ.

2 Tim. 2:2

I funɛ nu ka muu biksi nara bu damata. I gbanko tiŋ mu nɔ sɛma aa kibiksi ba naa ya wuti tima ba zi kotiu a la biksi ba dɔŋtima.

2 Tim. 4:11

Mu gbanko tum Tikikus Ɛfɛsus ni. Luk duŋduŋ nyɛn mu wati. I wa Maak kuwa mu wati, domi waa kote a suŋi min a li mu tum ni.

2 Tim. 4:5

Amaa ii kpak o wuti ti nɛnɛ saha maga. I di namsi aa kibiksi Koosa laaboor weri ti wɛ a nyɛ nara ni aa kitum i tuma nɛnɛ a nyɛ un.

Ju 5:4

Nandigi wa fun lisi o titi di o ya Koosa dam kɔkɔɔra, chen ni nibinsa zi nyɛ un jirimau. Koosa duŋduŋ lisi un, a chi chenani o fun te lisi Ɛrɔn saha digi chen.