Tait. 3:10 - Tampulma

¹⁰ Nar daŋni o purigi ba naa la tiŋ Yesu di ba tiŋ un, i tɛ un nin bilɛ. O vɛ di o wa zi nu i sɛma, i wa un wa bu kpak wu digi wa dɔŋ ni.

Tait. 3:10 Σταυροειδείς Αναφορές

Room 16:17

Mu niinbisa, mu sumi mau ma il aa zim ba naa la daŋni ba waligi ma a li dɔŋ ni a bur ma a li Yesu tiŋi ni. Chenani baa biksi awa chenani nara fun te wa biksi ma yo dɔŋa. Ma ta lagmi ba ni.

1 Kɔr. 11:19

O wa kpak beeli waligi nyɛn ma ni, chen ni ma zi kotiu a na ba naa la tiŋ wuti ti.

2 Kɔr. 13:2

Mu funɛ nyɛn ma wati bilɛ tiin chen, mu funɛ tɛ ma naa la tum tum tagna chen ninu. Lalaknɔ mu bol ma niu, mu ha vɛɛn a tɛ ma awa ba naa ka, ninu. Mu saksiu di mu wa lɛrgi ma diŋsa kinkan.

Gal. 5:12

Hali mu daŋni kinkan di ba naa la muksi ma, zi ya ba titi namugilisau.

Gal. 5:20

Ba yaa nyɛ vursiwa jirimarɛ a la tum hiti tuma. Ba yaa ha dɔŋwa a la di dɔŋa wa amɔrɛ a na paan a du dɔŋ ni a kpak handɔta wa dɔŋa a ya se tima. Ba purigi dɔŋwa,

2 Tɛs. 3:14

Nandigi nyɛn dooni a vɛ daŋni o tiŋ chenani ya sɔbi tɔn nɔ nan, ma ta nyɛ o lagmi ma ni, chen ni o zi na hiisau.

2 Tɛs. 3:6

Mu niinbisa, ya kunyan Yesu Kristo ŋɔ ya di ya ŋɔ ma kin nama wɛ. Ma ta nyɛ ma wa ba naa kpak zanyɛrka lagmi, domi ba wara tiŋ ya biksi ti.

2 Tim. 3:5

Ba zi jɛɛmi Koosa wa ba nyina niu aa vɛ kpak o kpok ti. Ta lagmi ba naa la tum chen ni.

2 Pita 2:1

Witinsa ba naa funɛ vɛ zim Koosa, fun wa biksi Ju tima saha digi. Nibiksɛ ba naa vɛ zim un gbanko zi lagmi ma niu a sogli a biksi ma. Ba biksi naa vɛ ya wuti a la chɔk, wa tɔ ya kunyana naa siwɛɛ ba daha. Chendaha Koosa zi wa chɔk bau lalaga.

2 Jɔn 1:10

Nandigi wa ma wati a wa gbaari chenani ya fun biksi ma Kristo wɛ chen, ma ta la un amaa ma ŋɔ un di o la. Ma ta tiŋ un li ta nyinbaan ni.