JɔnN Deesi 9:21 - Tampulma

²¹ Ba yaa funɛ kpu nara a tum luri bilim tuma a daŋni nihaana yɔri yɔri a la ŋmɛ. Tum tagna naa maga ba yaa funɛ tum, ba wa fun gil a a bur tiŋ Koosa.

JɔnN Deesi 9:21 Σταυροειδείς Αναφορές

Mat. 15:19

Kinkin naa nyɛn ba tusa ni, nyɛ nibinsa lisi wu tagna a la tum chɔkumsi tuma awa sakaal tuma, a la kpu nara a la ŋmɛ a la suni wɛ a la chɔk nara sɔna.

2 Kɔr. 12:21

O muksi minu mu wa wa ma wati, Koosa zi nyɛ mu na hiisau ma daha. Mu tuha zi chɔku kinkan domi ma nidamata wa zi gil ma chɔkumsa tuma awa ma sakaal tuma awa ma tum doŋa kinkan a bur wa tiŋ Koosa.

Gal. 5:20

Ba yaa nyɛ vursiwa jirimarɛ a la tum hiti tuma. Ba yaa ha dɔŋwa a la di dɔŋa wa amɔrɛ a na paan a du dɔŋ ni a kpak handɔta wa dɔŋa a ya se tima. Ba purigi dɔŋwa,

JɔnN Deesi 13:13

Sel zen naa funɛ li tɛɛnɛ ni chen, fun tum tum zene damata. Hali o funɛ nyɛ din li buudahau a tu wa tɛɛnɛ nara maga suwachak ni.

JɔnN Deesi 13:15

Ba funɛ kpa kpok a nyɛ naa funɛ li tɛɛnɛ ni chen di o nyɛ vur ti kinyini a koti a sɛm sɛma. Vur ti fun ŋɔ di ba kpaksi ba naa maga vɛ jɛɛmi un, a kpu.

JɔnN Deesi 13:7

Ba fun nyɛ sel zen ti nyinbaan di o la chem Koosa nara wa laal ni a nyaŋi ba a kpa kpok a nyɛ un di o dɔ pulumsa awa buure ba naa maga la sɛm sɛm kurgɛ.

JɔnN Deesi 14:8

Malaikasa lɛ tiina fun za a tiŋ te tel tiin ti gantɛl a ŋɔ, “Tɔhɔn zen naa ba yir Babilɔn, fun chɔk. Chɔkumsi tuma a naa o nara fun tum, chi sin kpokre o fun muksi ba ba nyɔ.”

JɔnN Deesi 16:6

Ba funɛ kpu i nara awa i witinsa ka ba chɛl li a chɔ tɛɛnɛ ni. O deŋlu wa i nyɛ ba chɛl ba nyɔ lalaknɔ.”

JɔnN Deesi 17:2

Tɛɛnɛ nɔ tim maga awa ba koorsa wa un funɛ tum sakaal tuma. Chenani ba wa un fun tum chi sinnɛ ba nyɔ a dɛɛsi.”

JɔnN Deesi 17:4

O funɛ niŋi kibilima awa kisɛmwa a laari tula kina naa ba kpa salma awa buŋkul lilɛ a kɔɔri, kidamata. O funɛ kpak salma gbaŋa a li o nin ni a kpa kidoŋa a li o sakaal tum ni a du un ni.

JɔnN Deesi 17:5

Ba fun sɔbi o sɔn naa mun soglee a sak o til ni. Ma nyɛ mu kpa un li gbampulim a ŋɔ ma. O mun ya, “min ya Babilɔn naa ya tɔ zen awa sakaal tima wa ba naa maga la tum tum doŋa kinkan niina.”

JɔnN Deesi 18:3

O wa tɛɛnɛ nɔ tim maga funɛ tum sakaal tuma kinkan. O chi o funɛ kpa sin a nyɛ ba ba nyɔ. O wa ba koorsa gbanko fun tum sakaal tuma ka nikpiŋɛ ba naa funɛ nyɛn bawu maga ni, fun na nyɔɔra kinkan a li un ni.”

JɔnN Deesi 19:2

Chenani o di nara sɛria deŋlu a ya wuti. O funɛ na sakaal tiina naa zen chenu galimsa a ta un yɔri, domi o funɛ nyɛ tɛɛnɛ nɔ tim maga wa un tum sakaal tumwa. Waa funɛ lɛrgi o diŋna domi o funɛ kpu o tumtumsiwa.”

JɔnN Deesi 21:8

Amaa ba naa bur a li mu tiŋi ni a li nara gantɛl a la tiŋ doŋ tuma a la kpu nara a la tum chɔkumsi tuma a la tum tu bilim tuma a la jɛɛmi vursa a ya nusun tima, mu zi na ba galimsau a kpa bau a yo du bɛɛŋ naa din nyɛn saha maga ni a ta ba yɔri.”

JɔnN Deesi 22:15

Amaa ba naa la tum tum doŋa a la tum tu bilim tuma a la tum chɔkumsi tuma a la kpu nara a la jɛɛmi vursa ka ba tusa sɔɔni awa nusun ni, ba maga zi wa kpalimi tɔhɔn ti dentil niu.

JɔnN Deesi 9:20

Tɛɛnɛ nɔ tima ba naa maga malaikasa naasi ta ha fun vɛ lisi di a kpu ba, wa fun gil ba tum tagna a bur tiŋ Koosa. Ba yaa funɛ jɛɛmi alizin tagniwa a kpa salma, aniita, lugɛ naa sɛrɛ a chi sumin, buŋkula awa daasa a kɔɔri vursa a naa vɛ naali akoo a nu sɛma koo a val, a jɛɛmi a.