JɔnN Deesi 8:7 - Tampulma

⁷ Malaikasi ta te tel tiina fun hu o kaabul. Doonbe naa funɛ sɛri a chi chɛl vaan chesi tɛɛnɛ nɔ maga ni ka nasɛha nyiksi a du un ni. O fun purigi tɛɛnɛ nɔ maga butora a lisi bar digi a fu tɛɛnɛ ti awa bugila wa kɔsa a naa nyɛn un ni.

JɔnN Deesi 8:7 Σταυροειδείς Αναφορές

Jems 1:11

Nha wa yɛli a num kinkan. Bugilfita ta yaa zaksiu a chɛsi a bu vɛ weri wa nyini. Chen vɛɛna, malɛ tima wa nyɛn ba kpiŋi ni, ba gbanko zi wa sitiu.

1 Pita 1:24

Ba fun a sɔbi a li Koosa sɛm tɔn ti ni a ŋɔ, “Nibinsa maga chi kɔsawa a kpak bunɔɔta a chi kɔsa yeligisa. Yeligisa yaa looriu. Kɔsa ka hul.

JɔnN Deesi 12:4

Sel zen ti fun purigi buudaha butora a lisi bar digi a kpa o munzuha a chaasi wula a ta tɛɛnɛ nɔ maga ni. Sel zen ti fun chiŋi nihaan naa la duuri chen suwachak ni, chen ni o lulɛɛ, o zi se be tiu.

JɔnN Deesi 16:2

Tel te tiin ti fun te la biti a dau tɛɛnɛ ni. Chɔɔra tagna a naa nyɛ nara namsi kinkan, fun nyɛn ba naa sel zen ti fun dani ka ba jɛɛmi o vur ti chen.

JɔnN Deesi 16:21

Doonbe kinkan fun li buudaha a wa yaksi nara. Doonbe ta yuyuk awa niŋmɛna booto yuyuk funɛ ya kibɛgimnɛ. Nara tima fun ŋɔ nɔɔna a nyɛ Koosa ni domi waa funɛ nyɛ doonbe ta yuyuk.

JɔnN Deesi 6:8

mu fun nyini a na zaaga ka o chi suwasi ni ka o nyɛn dooni. Naa funɛ zini zaag ti chen, sɔn funɛ ya ‘sou’. Nidigi sɔn funɛ ya ‘nisitɛ bar nyɛni’ fun tiŋ o gantɛl. Ba fun purigi tɛɛnɛ nɔ maga bunaasi a lisi bar digi a nyɛ ba di ba kpa nyinbaan kurgɛ a kpu ba naa maga nyɛn dooni. Nara balɛ ta fun kaali a nyɛ lɔsa awa wichɔɔrta chel dooni. Ba gbanko fun kpa chisi zene awa sel zene a kpu ba.

JɔnN Deesi 7:1

A gantɛl ni mu fun nyini a na ka Koosa malaikasa naasi chiŋi tɛɛnɛ nɔ maga koŋsa naasi ta ni. Ba fun tɔ tɛɛnɛ nɔ maga peha bar lilɛ anabaasi, chen ni peha ti wa kikoti a ya tɛɛnɛ ni akoo ni ni koo a viigi bugila.

JɔnN Deesi 9:15

Malaikasa naasi ta fun li mɔɔga ti ni a purigi tɛɛnɛ nɔ maga nara butora a lisi ba digi di a kpu ba. Ba fun kpa a a chiŋsi hali a wuzu naa Koosa fun ŋɔ di a tum chen.

JɔnN Deesi 9:18

Nyɔɔsa naa ya kibilim a chi sumin awa din a naa funɛ li zaagni ta nɔɔni ni fun kpu tɛɛnɛ nɔ tima ba naa maga malaikasa naasi ta fun purigi butora a lisi bar digi chen.

JɔnN Deesi 9:4

Ba fun ŋɔ a di a ta se kpachaga koo kɔsa, amaa a la dusi ba naa malaika ti vɛ dani ba tilsa duŋduŋ.