JɔnN Deesi 8:5 - Tampulma

⁵ O funɛ fu kin naa sɔɔra weree chen a peti, o fun zer din ti a biti du salma gbaŋ ti tuha ni a zer a maga a yo ta tɛɛnɛ nɔ maga ni. Tɛɛnɛ fun zigsi kinkan ka nasɛha nyiksi a jim kinkan.

JɔnN Deesi 8:5 Σταυροειδείς Αναφορές

Mat. 24:7

Tɛɛnɛ nɔ maga nara awa ba koorsa zi wa siu a chem dɔŋa wa laal ni. Tɛɛnɛ zi wa jimu kinkan ka lɔsa zi wa chel pulumsi ta maga niu.

Luk 12:49

Yesu fun bukoo ŋɔ ba, “Ma zimu chenani din yaa di ka tɛɛnɛ weru. Mu biksi ti chi chene. Mu daŋni kinkan di tɛɛnɛ nɔ maga nara zi wa na nyinbaanu a nu un.

Tuma 16:26

Tɛɛnɛ fun vaan zigsi kinkan. Hali dɛɛna gbanko zɛchigsa funɛ zigsi. Zɔɔnɔsa maga puk a titi ka kin nawara funɛ vɔti ba kasi.

Tuma 4:31

Ba funɛ sumi Koosa a peti, dɛ naa ba fun lagmi chen, zigsi ka o siim weri ti si ba bambe ni. Ba fun li a ŋɔ nara ni Koosa laaboor weri ti wɛ awa bambi kpoka ni.

JɔnN Deesi 11:13

Tɛɛnɛ ti fun vaan zigsi kinkan a kpu ba nara tusugsa nɔpɛ a purigi tɔhɔn ti bufi a lisi bar digi a chɔk. Ba naa funɛ ka, hansura fun kpak ba hali a la gali ka ba nyɛ Koosa naa nyɛn o tɔhɔn ti ni wa jirima kinkan.

JɔnN Deesi 11:19

Nihɛɛti ta funɛ sɛm peti, ba fun puk Koosa bar jɛɛmi dam naa nyɛn o tɔhɔn ti ni, bulzɔɔnɔ, ka tɛɛnɛ nɔ tim maga fun na o tuha. Doonee ba fun na adaka awa doonani ba fun sɔbi di Koosa wa nara funɛ ya nɔ bɛgim. Nasɛha fun nyiksi a tɛsi. Tɛɛnɛ fun zigsi ka doonbe chesi kinkan.

JɔnN Deesi 4:5

Din fun nyiksi awa nasɛha a li Koosa jirima bar kani ti. Fitin hɛmsɛ abanɔpɛ funɛ nyɛn o suwachak ni. A waa funɛ ya Koosa siimsa nɔpɛ.

JɔnN Deesi 6:12

Doone mu fun nyini a na ka piisi be ti fun kasi kitɔɔli anɔra tiina a bu puk tɔn ti tama a gbaari. Tɛɛnɛ nɔ maga fun vaan zigsi kinkan ka nha fun biri a chi dinhala. Pɛna fun burgi kisɛm a chi chɛl,

JɔnN Deesi 8:3

Salma biŋbiŋa funɛ nyɛn Koosa jirima bar kani suwachak nɛɛ. Malaikasi ta digi fun kpak salma gbaŋa a kpa kin naa sɔɔra weree a du un ni a wa chiŋi o suwachak ni. Kin naa sɔɔra weree chen funɛ ya Koosa nara sumi. Ba fun kpa kin naa sɔɔra weree kinkan a gbaari un di malaika ti kpa fu a nyɛ Koosa ni.