JɔnN Deesi 8:1 - Tampulma

¹ Doone piisi be ti fun kasi kitɔɔli anɔpɛ tiina a puk tɔn ti maga. Doon funɛ duu balimm kinkan hali a wa tel minti fumtora.

JɔnN Deesi 8:1 Σταυροειδείς Αναφορές

Mat. 27:66

Ba wa lanjimasi ta fun kaali a la tel Yesu hugil ti mun. Ba fun pɛɛsi zɔɔnɔ ti buŋkul fari ti, a kpa lanjimasi ta a chiŋsi ba bar chiŋɛ ni.

JɔnN Deesi 5:1

Mu fun nyini a na ka naa kanɛ Koosa jirima bar kani ni chen, funɛ kpak tɔnnɛ o nindil ni. Ba fun sɔbi a sak o suwachak awa o gantɛl ni a guti un a tɔ un tɔɔli bunɔpɛ.

JɔnN Deesi 5:9

Ba fun lɔ bool fali a ŋɔ, “I ya nizenu wa i la tɔn ti a kasi kitɔɔli ta a puk un. Ba funɛ kpu hin, i fun kpa i chɛl a la nidamata nyuuna a nyɛ Koosa ni. I funɛ lisi bau a li pulumsa awa buurisa maga ni ka ba maga sɛm sɛm kurgɛ.

JɔnN Deesi 6:1

Piisi be ti funɛ la tɔn ti, o fun kasi kitɔɔli naa te chen a puk tɔn ti bar digi. Sela naasi ta digi fun ŋɔ min a chi nasɛha, “Kuwa a wa na.”

JɔnN Deesi 6:12

Doone mu fun nyini a na ka piisi be ti fun kasi kitɔɔli anɔra tiina a bu puk tɔn ti tama a gbaari. Tɛɛnɛ nɔ maga fun vaan zigsi kinkan ka nha fun biri a chi dinhala. Pɛna fun burgi kisɛm a chi chɛl,

JɔnN Deesi 6:3

Doone piisi be ti fun kasi kitɔɔli alɛ tiina a bu puk tɔn ti tama a gbaari. Sel naa funɛ chi nupɔl chen, fun ŋɔ min, “Kina.”

JɔnN Deesi 6:5

Doone piisi be ti fun kasi kitɔɔli atora tiina a bu puk tɔn ti tama a gbaari. Sel naa kpak nyuha a chi nibine chen, fun ŋɔ min, “Kina.” Mu fun nyini a na zaag bilim ka o nyɛn dooni. Naa funɛ zini zaag ti chen funɛ kpak kina kizaamsirɛ o nin ni.

JɔnN Deesi 6:7

Doone piisi be ti fun kasi kitɔɔli anaasi tiina a bu puk tɔn ti tama a gbaari. Sel naa kpak nyuha a chi tiisi naa pisi o chɛnɛ, fun ŋɔ min, “Kina,

JɔnN Deesi 6:9

Doone piisi be ti fun kasi kitɔɔli anyuun tiina a bu puk tɔn ti tama a gbaari. Mu fun nyini a na ka biŋbiŋa nyɛn dooni. Ba naa tɛɛnɛ nɔ tim maga fun kpu domi ba funɛ biksi ba Koosa laaboor weri ti wɛ a vɛ bur gantɛl a li ba biksi ni, ba funɛ nyɛn biŋbiŋ ti mun nɛɛ.