JɔnN Deesi 7:9 - Tampulma

⁹ A gantɛl ni mu fun nyini a na ka zɛmɛ kinkan nyɛn dooni. Nandigi wa fun koti a gur ba. Ba funɛ li tɛɛnɛ nɔ maga pulumsa awa buurisa maga ni ka ba maga sɛm sɛm kurgɛ. Ba fun laari takta ziŋɛ pilima a kpak bone kpachaga ba nisa ni a chiŋi Koosa jirima bar kani awa piisi be ti suwachak ni.

JɔnN Deesi 7:9 Σταυροειδείς Αναφορές

Luk 12:1

Nara tusugsa funɛ lagmi dɔŋ ni aa zaksi dɔŋa, Yesu fun ŋɔ o gantɛl tiŋsi ta ni, “Farisi tim ta ya nusun timwa. Chendaha ma doso ba biksi ni.

Luk 21:36

Ma doso a kiil saha maga. Maa sumi Koosa di o nyɛ ma o kpok ma di namsi naa kaa wa chen a wa chiŋi n waa nibine be suwachak ni.”

Jɔn 12:13

Ba kpa bone kpachaga a li di ba la chem un. Ba funɛ la o bar chemi chene a la chɛɛmi a ŋɔ, “Tabarkala. I waa naa Koosa tum di i ya ya koora, yaa zaami hinu kinkan.”

Room 11:25

Mu niinbisa, mu daŋni mu zimu wuti naa Koosa fun biksi ya gbampulim ni, chen ni ma wa zi daŋni sɔn o funɛ lisi ma daha. Wuzu digi ba naa maga vɛ ya Ju tima Koosa fun lisi chen, zi wa o watiu. Hali chen saha ti o zi nyɛ Ju tim nidamata se kpoku.

Ɛfɛ. 6:13

Ma kpak Koosa kpok ti nɛnɛ, chen ni sintana wa wa di o wa kpak ma, ma zi koti a nyaŋi unu hali o wa peti.

Ju 11:12

Hali Abraham funɛ dugli siwi, bi damata funɛ li un ni. Ba iiu a chi wula naa nyɛn buudaha ni awa hɛchɛ naa nyɛn mɔɔga nɔ ni, ka nara vɛ koti a guri.

Ju 12:22

Ma wa chi ba. Ma funɛ dugli bi naa ba yir Zaiyɔn ka o nyɛn Koosa tɔhɔn ti ni. Doonee Koosa naa nyɛnɛɛ, awa o malaika damata ka ba vɛ koti a gur a, nyɛn. Ba funɛ yir dooni Jɛrusalɛm titi.

JɔnN Deesi 11:15

Doone malaikasa nɔpɛ tiina fun hu o kaabul. Mu fun nu ta kpoka a li Koosa tɔhɔn ti ni ka a ŋɔ, “Ya kunyana awa Kristo naa o fun lisi a nyɛ o titi ni kpak kpok a dɔ tɛɛnɛ nɔ maga. Waa la zi dɔ un hali saha naa vɛ kpak bɔ.”

JɔnN Deesi 22:3

Kin nawara Koosa fun ŋɔ nɔ a nyɛ wa zi nyɛn tɔhɔn ti ni. Koosa awa piisi be jirima bar kani nyɛn dooni. Chendaha ba tumtumsa duŋduŋ nyɛn dooni a la jɛɛmi ba.

JɔnN Deesi 3:18

Ma wa mu wati a wa yau salma naa ba fun kpa du din ni a chaksi di ma ya kin tima wuti awa gar pilima naa ma laari, chen ni ma wa zi bu na hiisa. Ma wa yau se luri a du ma se ni, chen ni ma zi bukoo kinau.

JɔnN Deesi 4:4

Bar kanɛ fumlɛ danaasi funɛ go un. Nihɛɛta nara fumlɛ danaasi funɛ kani doonma ni. Ba maga funɛ laari kipilimiwa a chik salma nyuchigsa.

JɔnN Deesi 5:11

Mu fun bukoo nyini a na ka Koosa malaikasa nyɛn dooni. Ba funɛ iiu a vɛ kpak guri a chiŋi a go doon maga. Mu funɛ nu a,

JɔnN Deesi 5:9

Ba fun lɔ bool fali a ŋɔ, “I ya nizenu wa i la tɔn ti a kasi kitɔɔli ta a puk un. Ba funɛ kpu hin, i fun kpa i chɛl a la nidamata nyuuna a nyɛ Koosa ni. I funɛ lisi bau a li pulumsa awa buurisa maga ni ka ba maga sɛm sɛm kurgɛ.

JɔnN Deesi 6:11

Ba naa funɛ nyɛn Koosa jirima bar kani ti ni a go, bɔnɛ fun kpa takta ziŋɛ pilima a nyɛ ba a ŋɔ ba di ba hiisi tama, hali tɛɛnɛ nɔ tim maga wa kpu ba niinbisa a chi ba funɛ kpu ba a gbaari peti.

JɔnN Deesi 7:8

O funɛ dani tusuk fidalɛwa a li Zɛbulun awa Josɛf wa Bɛnjamin a li ba maga buurisi ta ni.