JɔnN Deesi 7:17 - Tampulma

¹⁷ Piisi be naa duglɛ Koosa jirima bar kani zi ya ba nigbaŋiu a zi te ba suwachak a dɛu ni pali di ba nyɔ. Hali Koosa titi zi fisi siniu a ta a li ba se ni.”

JɔnN Deesi 7:17 Σταυροειδείς Αναφορές

Mat. 2:6

‘Ba zi wa lul nyuhu tiinau a li Bɛtlihɛm ni. Waa la zi il mu Ju tima. Chendaha Bɛtlihɛm ya kibirigire a kaali tɔsi naa maga nyɛn Judia pulum ni.’ ”

Mat. 5:4

Ba naa tusa chɔkɛɛ ba tum tagna daha, Koosa zi belimi bau a nyɛ ba tu sɔɔna.

Jɔn 10:11

“Min la dɛɛsi mu piisisi ta a kaali piisi gbaŋsi maga. Hali mu saksɛu di mu sou a nyɛ a.

Jɔn 10:14

Min la dɛɛsi mu piisisi ta a kaali piisi gbaŋsi maga. Mu zim au ka a ka zim min.

Jɔn 4:10

Yesu fun ŋɔ un, “I fu zim chenani mu du, i fu zi sumi min di mu nyɛ hin niu i nyɔ. Mu wa zi dɔ ni bugul nɔ ni a nyɛ hin. Mu ka zi kpa ni paliu a nyɛ hin.”

Jɔn 4:11

Haan ti wa fun zim o sɛm ta mun a ŋɔ, “Mu kunyana, i wa kpak guuga ka bugul nɔ luŋ. Leene i kaa la dɛu ni pali a wa nyɛ min?

Jɔn 4:14

Ba naa maga ka nyɔ ni naa n nyɛ ba, nyɔksi wa zi bu kpak ba. Mu daŋni mu kpa Koosa mi fali naa vɛ kpak bɔ a nyɛ nara ni. O mi fali ti chi nisire naa nyɛ ni pal ba tuhu ni saha maga.”

Tuma 20:28

Waa funɛ nyɛ o be sou a nyɛ ya, chen ni ya zi kotiu a bur a tiŋ un a ya o nara. O siim weri ti funɛ lisi ma di ma ya Yesu nitiŋɛ ba naa funɛ nyɛn Ɛfɛsus ni, nihɛɛta. Ba waa chi piisisa ka ma ka chi ba nigbaŋɛ. Ma kpak Yesu nɛnɛ, chen ni ma zi kotiu a kok ba.

1 Pita 5:2

Ba naa la tiŋ Koosa chi o piisisiwa. Waa nyɛ ma ya ba nigbaŋɛ. Maa nyini ba nɛnɛ. Ma ta nyini ma na nyɔɔra a li ma tum ni, amaa maa kpak un ma bambe ni di ma tum tuma a nyɛ ba kinkan. O wa ya muksirɛ ma tum chen. Ma tutɔrɛ maa tum. Chene Koosa daŋni.

JɔnN Deesi 14:4

Ba wa fun kpak haanasa akoo a daŋni nihaana yɔri yɔri a ya tu chaan tima. Piisi be ti funɛ lisi bau a li tɛɛnɛ nɔ tim maga ni, chen ni ba wa zi bu waligi dɔŋ ni. Ba waa ya ba naa o fun te lisi a nyɛ Koosa ni.

JɔnN Deesi 21:22

Ba wa fun sa Koosa bar jɛɛmi dama, domi ba naa nyɛn dooni funɛ jɛɛmi ba kunyana Koosa naa kpak kpok a kaali kina maga awa piisi be ti bawu maga ni.

JɔnN Deesi 21:23

Ba naa funɛ nyɛn dooni wa funɛ nyini nha awa pɛn se ni di a nyɛ ba chaani. Koosa awa piisi be ti jirima awa ba chaani kinkan funɛ nyɛ ba chaani.

JɔnN Deesi 21:4

O zi fiisi ba sine magau a ta a li ba se ni. Sou awa namsi wa bara wiha wa zi bu nyɛn. Chenani o fun te du wa bu toli.”

JɔnN Deesi 21:6

Mu tum peteu. Mu vɛ kpak piili a nyɛn a vɛ kpak peti. Mu mi fali naa mu kpa nyɛ nara ni chi nisire. Ba naa maga nyɔksa kpak, mu zi nyɛ ba nyɔ dooniu yɔri.

JɔnN Deesi 22:1

Malaika ti fun biksi min Koosa mi fali pul naa la chaani a chi diga. O funɛ li Koosa awa piisi be ti jirima bar kani nɛɛ,

JɔnN Deesi 4:11

“Ya kunyana awa ya Koosa, hin naami kina maga. O ya i tutɔrɛ a nyɛn. Chendaha o deŋli wa ya jɛɛmi hin, domi i kpak jirima awa chaani wa kpok kinkan a kaali a maga.”

JɔnN Deesi 5:6

Mu fun nyini a na ka piisi be nyɛn doon. O chi ba funɛ kɔrigi unu. O fun chiŋi a dugli Koosa jirima bar kani ti ka sela naasi ta awa nihɛɛta nara fumlɛ danaasi ta go dooni. Piisi be ti funɛ kpak nyindaasa anɔpɛ awa se nɔpɛwa. O se nɔpɛ ta funɛ ya Koosa siimsa nɔpɛ naa Koosa fun tum tɛɛnɛ nɔ maga ni.