JɔnN Deesi 7:14 - Tampulma

¹⁴ Mu fun ŋɔ un, “Mu wa zim ba, ŋɔ min.” O fun ŋɔ min, “Ba fun val a wa li namsi kinkan saha a kpa piisi be ti chɛl a chaksi ba kilaarɛ di a ta kpak doŋa.

JɔnN Deesi 7:14 Σταυροειδείς Αναφορές

Mat. 24:21

Koosa funɛ te naami nibinsa saha digi hali wa zinan, namsi kinkan ha wa zin nyɛn. Namsi wa bu to a zi wa maksi nara a kaali chen.

Maak 13:19

Koosa funɛ te naami nibinsa saha digi hali wa zinan, namsi kinkan ha wa zin nyɛn. Namsi wa bu to a zi wa maksi nara a kaali chen.

Jɔn 16:33

Chenani ma nyɛn tɛɛnɛ nɔ maga ni zi nyɛ ma na namsiu kinkan. Chenani ma wa min ya nibɛgim a nyɛn ka zi nyɛ ma bara sɔɔniu. Chendaha mu fun ŋɔ ma kin nama. Ma kpak ma bambe. Mu kpok ti ya kizen a kaali tɛɛnɛ nɔ tim maga kpok.”

Tuma 14:22

Ba funɛ nyɛn nyinbaan ni a la chene, ba fun nyɛ Yesu nitiŋɛ ta se suuli gbaari a kpami ba di ba kpak Yesu nɛnɛ. Ba fun ŋɔ ba, “O deŋlu wa ya te namsiu kinkan ka Koosa zi wa dɔ ya a peti.”

Room 5:3

Hali nara namsi ya, ya tusa gbanko zi sɔɔniu. Ya zimu di namsi ti nyɛ ya na kanyita.

1 Kɔr. 6:11

Ma bɔnɛ funɛ ya chene, amaa lalaknɔ Koosa funɛ chaksi ma tum tagnau a li ma ni. Koosa dɔ ma. Ma wa bu kpak galimsa o wati Yesu Kristo awa Koosa siim weri ti tum daha.

2 Tɛs. 1:4

Chendaha ya yaa ŋɔ Yesu nitiŋɛ doonani maga ya nyɛn di ma ya ya jirima narawa. Hali nara namsi ma kinkan, ma se ha vɛɛn su Koosau kinkan ka maa di ma namsi.

Ju 13:12

Chendaha Yesu gbanko fun namsi kinkan a li Jɛrusalɛm gantɛl ni, chen ni o chɛl ti zi chiŋi ya tum tagna bar chiŋi niu.

Ju 9:14

Kristo chɛl tum kinkan a kaali chen. Waa la chaksi ya tum tagna a li ya bambe ni, chen ni ya zi kotiu a tum tum were a nyɛ Koosa naa nyɛnɛɛ, ni. Ya tum tagna fu kpalimi ya ni, Koosa fu zi wa na ya galimsau a ta ya yɔri. Koosa siim weri naa nyɛn hali saha naa vɛ kpak bɔ, fun suŋi Kristo di o sou a nyɛ ya. O wa fun tum tum tagin hali tama.

1 Jɔn 1:7

Amaa ya nyɛ ya tusa chaani a chi chenani Koosa tuha chaani chen, ya wa ya dɔŋtima zi kpak nɔ bɛgimu ka Koosa be Yesu chɛl zi yisi ya doŋ magau a li ya ni.

JɔnN Deesi 1:5

wa Yesu Kristo naa funɛ biksi ya Koosa wuti ti ka o te lɛli un a li o sou ni ya maga suwachak ni, ba maga zi suŋi mau a kinyɛ ma bara sɔɔna. Yesu ya koor zen a kaali tɛɛnɛ nɔ maga koorsa. Waa funɛ daŋni ya a kpa o chɛl a chaksi ya tum tagna a li ya bambe ni,

JɔnN Deesi 12:11

Chenani Kristo naa ya Koosa piisi be, fun sou awa chenani ya niinbisa fun biksi nara o wɛ a fun saksi di ba sou a nyɛ un, kin nama funɛ nyaŋi sintana.

JɔnN Deesi 15:2

Mu fun na Koosa nara ba naa maga vɛ jɛɛmi sel zen ti akoo o vura a vɛ nyɛ o kpa o sɔn awa kɔksa nɔra di fumnɔra danɔra a dani ba. Ba fun chiŋi a dugli bɛɛŋa naa funɛ pɛn a lili a chi diga ka din nyɛn o daha ni, a kpak gɔnjisa a naa Koosa fun kpa a nyɛ ba.

JɔnN Deesi 17:6

Mu funɛ na di nihaan ti nyɔ Koosa nara awa ba naa ba fun kpu domi ba ha vɛ bur Yesu gantɛl tiŋi ni, chɛl a dɛɛsi. Alaazibu fun kpak min kinkan o daha.

JɔnN Deesi 2:9

Mu zim chenani ma namsiu kinkan a ya fara tima, amaa ma ta suglɛ di ma funɛ kpa kidamatiwa a chiŋsi a li Koosa tɔhɔn ti ni. Bɔnɛ nyɛn ma ni aa chɔk ma sɔna. Sintana dɔ ba, domi ba ŋɔ di ba ya Ju timwa a vɛ yaali.

JɔnN Deesi 22:14

“Ba naa chaksi ba kilaarɛ di a ta kpak doŋa a kpak nyinbaan di ba zu tɔhɔn ti bulzɔɔnɔ a di Koosa mi fali bugili nɔna, ba tusa zi sɔɔniu.

JɔnN Deesi 5:9

Ba fun lɔ bool fali a ŋɔ, “I ya nizenu wa i la tɔn ti a kasi kitɔɔli ta a puk un. Ba funɛ kpu hin, i fun kpa i chɛl a la nidamata nyuuna a nyɛ Koosa ni. I funɛ lisi bau a li pulumsa awa buurisa maga ni ka ba maga sɛm sɛm kurgɛ.

JɔnN Deesi 7:9

A gantɛl ni mu fun nyini a na ka zɛmɛ kinkan nyɛn dooni. Nandigi wa fun koti a gur ba. Ba funɛ li tɛɛnɛ nɔ maga pulumsa awa buurisa maga ni ka ba maga sɛm sɛm kurgɛ. Ba fun laari takta ziŋɛ pilima a kpak bone kpachaga ba nisa ni a chiŋi Koosa jirima bar kani awa piisi be ti suwachak ni.