JɔnN Deesi 6:1 - Tampulma

¹ Piisi be ti funɛ la tɔn ti, o fun kasi kitɔɔli naa te chen a puk tɔn ti bar digi. Sela naasi ta digi fun ŋɔ min a chi nasɛha, “Kuwa a wa na.”

JɔnN Deesi 6:1 Σταυροειδείς Αναφορές

Jɔn 1:29

Chɔɔsa funɛ pisi Jɔn fun na Yesu ka o wa o wati. O fun ŋɔ ba naa funɛ nyɛn dooni, “Maa na, baal nɔ chi piisi be naa Ju tima yaa kpa kɔɔri kɔɔra a nyɛ Koosa ni chene. Waa nyɛ Koosa bu vɛ na tɛɛnɛ nɔ maga nara galimsa.

Tuma 4:20

Ya wa kigil di ya ŋɔ nara ni chenani ya fun na a nu.”

JɔnN Deesi 11:19

Nihɛɛti ta funɛ sɛm peti, ba fun puk Koosa bar jɛɛmi dam naa nyɛn o tɔhɔn ti ni, bulzɔɔnɔ, ka tɛɛnɛ nɔ tim maga fun na o tuha. Doonee ba fun na adaka awa doonani ba fun sɔbi di Koosa wa nara funɛ ya nɔ bɛgim. Nasɛha fun nyiksi a tɛsi. Tɛɛnɛ fun zigsi ka doonbe chesi kinkan.

JɔnN Deesi 13:8

Koosa funɛ te sɔbi ba naa maga la zi wa la o mi fali ti, sɔna a du o tɔn ti ni a zi naami tɛɛnɛ nɔ maga. O piisi be naa ba fun kpu chen, dɔ tɔn ti. Ba naa maga sɔna vɛ nyɛn tɔn ti ni, funɛ jɛɛmi sel zen tire.

JɔnN Deesi 14:2

Mu fun nu ta kpok a li Koosa tɔhɔn ti ni a chi ni chuuri gbɛntɛl ni awa nasɛha jimi kinkan. Ta ta gbanko funɛ chi nidamata la mo gɔnjisa.

JɔnN Deesi 19:6

Mu fun bu nu zɛmɛ kinkan ta a chi ni chuuri kinkan awa nasɛha tɛsi, ka ba ŋɔ, “Ma nyɛ ya pɛgi Koosa. Waa dɔ kina maga a kpak kina maga kpok a ya ya kunyana.

JɔnN Deesi 4:8

A maga funɛ kpak chɛnɛ anɔnɔrawa ka se ta su a bara maga. Ba yaa funɛ lɔ boola a vɛ hiisi a ŋɔ, “Ya kunyana Koosa naa ya tu chaan tiina a kpak kina maga kpok, i vɛ kpak piili a nyɛn a vɛ kpak peti.”

JɔnN Deesi 5:1

Mu fun nyini a na ka naa kanɛ Koosa jirima bar kani ni chen, funɛ kpak tɔnnɛ o nindil ni. Ba fun sɔbi a sak o suwachak awa o gantɛl ni a guti un a tɔ un tɔɔli bunɔpɛ.

JɔnN Deesi 5:12

ka a lɔ bool wa ta zaŋa ni a ŋɔ, “Piisa be naa ba fun kɔrigi chen, o deŋlu wa ya jɛɛmi hin, domi i dɔ kina maga a kpak zima awa kpok wa jirima wa chaani kinkan wa tu sɔɔni.”

JɔnN Deesi 5:8

Piisi be ti funɛ la, sela naasi ta awa nihɛɛta nara fumlɛ danaasi ta fun si a pimi tɛɛnɛ ni o suwachak ni. Nihɛɛti ta maga funɛ kpak gɔnjisiwa awa salma gbaŋsa a kpa kin naa sɔɔra weree a du a tuha ni. Kin naa sɔɔra weree chen funɛ ya Koosa nara sumi.

JɔnN Deesi 6:3

Doone piisi be ti fun kasi kitɔɔli alɛ tiina a bu puk tɔn ti tama a gbaari. Sel naa funɛ chi nupɔl chen, fun ŋɔ min, “Kina.”

JɔnN Deesi 6:5

Doone piisi be ti fun kasi kitɔɔli atora tiina a bu puk tɔn ti tama a gbaari. Sel naa kpak nyuha a chi nibine chen, fun ŋɔ min, “Kina.” Mu fun nyini a na zaag bilim ka o nyɛn dooni. Naa funɛ zini zaag ti chen funɛ kpak kina kizaamsirɛ o nin ni.

JɔnN Deesi 6:7

Doone piisi be ti fun kasi kitɔɔli anaasi tiina a bu puk tɔn ti tama a gbaari. Sel naa kpak nyuha a chi tiisi naa pisi o chɛnɛ, fun ŋɔ min, “Kina,

JɔnN Deesi 8:1

Doone piisi be ti fun kasi kitɔɔli anɔpɛ tiina a puk tɔn ti maga. Doon funɛ duu balimm kinkan hali a wa tel minti fumtora.