JɔnN Deesi 5:9 - Tampulma

⁹ Ba fun lɔ bool fali a ŋɔ, “I ya nizenu wa i la tɔn ti a kasi kitɔɔli ta a puk un. Ba funɛ kpu hin, i fun kpa i chɛl a la nidamata nyuuna a nyɛ Koosa ni. I funɛ lisi bau a li pulumsa awa buurisa maga ni ka ba maga sɛm sɛm kurgɛ.

JɔnN Deesi 5:9 Σταυροειδείς Αναφορές

Mat. 20:28

N waa min nibine be wa fun wa di n wa dɛu tumtumsa di ba wa tum a nyɛ min. N ka funɛ wau di n wa tum a nyɛ tɛɛnɛ nɔ maga nara nɛɛ a sou a la nibinsa nyuuna a nyɛ ba.”

Mat. 26:28

N zi kpa unu a nyɛ nidamata ni, chen ni Koosa zi gil ba tum tagnau a nyɛ ba. Mu ya chen, chen la zi biksi di o wa nara ya nɔ bɛgimnɛ.

Tuma 20:28

Waa funɛ nyɛ o be sou a nyɛ ya, chen ni ya zi kotiu a bur a tiŋ un a ya o nara. O siim weri ti funɛ lisi ma di ma ya Yesu nitiŋɛ ba naa funɛ nyɛn Ɛfɛsus ni, nihɛɛta. Ba waa chi piisisa ka ma ka chi ba nigbaŋɛ. Ma kpak Yesu nɛnɛ, chen ni ma zi kotiu a kok ba.

1 Kɔr. 6:20

Ma wa dɔ ma titi, domi Koosa yau ma o titi. Ma yawi funɛ iiu kinkan. Adaha ma doso a kpa ma bara ta aa nyɛ un jirima.

1 Kɔr. 7:23

Waa funɛ yau ma. Ma yawi funɛ iiu kinkan. Adaha ma ta lisi di maa tum a nyɛ nibinsi nee.

Ɛfɛ. 1:7

Yesu Kristo funɛ sou ya daharɛ, chen ni o zi kotiu a la ya nyuuna a nyɛ ya a gil ya tum tagna a nyɛ ya. Yɛrɛ o zen mak Koosa suŋi ya,

Ɛfɛ. 5:19

Maa lɔ boola naa Koosa siim weri ti nyɛ ma aa kipɛgi Koosa ma bambe ni saha maga.

Kɔl. 1:14

A li o be daŋni ti ni, Koosa funɛ la ya nyuuna a nyɛ ya a gil ya tum tum tagna a ta.

Kɔl. 1:23

Amaa o lawa maa tiŋ wa wutiu a nyɛ ma se su un nɛnɛ, chen ni kundɔŋ wa to a la zi bur ma gantɛl, a kpak bambi bɛgim a li chenani ma fun te nu Koosa laaboor weri ti chen.

Tait. 2:14

O funɛ sou a daakakli ti nɛɛ a nyɛ ya, chen ni o zi la ya nyuunau a nyɛ ya a chaksi ya a dɔ ya a nyɛ ya se sɛm di ya tum tum were a nyɛ un.

Ju 11:14

Ba naa funɛ biksi nara chen, funɛ nyini ba bar nyɛni.

2 Pita 2:1

Witinsa ba naa funɛ vɛ zim Koosa, fun wa biksi Ju tima saha digi. Nibiksɛ ba naa vɛ zim un gbanko zi lagmi ma niu a sogli a biksi ma. Ba biksi naa vɛ ya wuti a la chɔk, wa tɔ ya kunyana naa siwɛɛ ba daha. Chendaha Koosa zi wa chɔk bau lalaga.

1 Jɔn 1:7

Amaa ya nyɛ ya tusa chaani a chi chenani Koosa tuha chaani chen, ya wa ya dɔŋtima zi kpak nɔ bɛgimu ka Koosa be Yesu chɛl zi yisi ya doŋ magau a li ya ni.

1 Jɔn 2:2

O funɛ sou ya tum tagna daharɛ, chen ni o zi koti a yisi yau a li Koosa paan ni. O wa fun sou ya tum tagna duŋduŋ daharɛ. O funɛ sou tɛɛnɛ nɔ tim maga tum tagna gbanko daharɛ.

JɔnN Deesi 10:11

Mu funɛ se un peti, o fun bu ŋɔ min, “Mu daŋni i la biksi chenani Koosa fun sɛm pulum damata awa ba naa la sɛm sɛm kurgɛ awa ba koorsa wɛu.”

JɔnN Deesi 11:9

Ba naa funɛ li pulum maga awa buuri a la sɛm sɛm kurgɛ, fun na ba bara ka ba chɔ dooni a ta nyɛ nara la sogli ba. Ba zi ya chenu wuzu butora awa wuzu bore.

JɔnN Deesi 13:7

Ba fun nyɛ sel zen ti nyinbaan di o la chem Koosa nara wa laal ni a nyaŋi ba a kpa kpok a nyɛ un di o dɔ pulumsa awa buure ba naa maga la sɛm sɛm kurgɛ.

JɔnN Deesi 13:8

Koosa funɛ te sɔbi ba naa maga la zi wa la o mi fali ti, sɔna a du o tɔn ti ni a zi naami tɛɛnɛ nɔ maga. O piisi be naa ba fun kpu chen, dɔ tɔn ti. Ba naa maga sɔna vɛ nyɛn tɔn ti ni, funɛ jɛɛmi sel zen tire.

JɔnN Deesi 14:6

Doone mu fun nyini a na ka malaika funɛ za buudaha bar boli ni. O fun chuŋi Koosa laaboor weri ti di o la nyɛ pulumsa awa buure ba naa maga la sɛm sɛm kurgɛ a nyɛn tɛɛnɛ nɔ ni.

JɔnN Deesi 15:3

Ba funɛ lɔ Mosis naa funɛ ya Koosa tumtumna awa piisi be ti bool a ŋɔ, “Ya kunyana Koosa naa kpak kina maga kpok, alaazibu fun kpak ya i tum zene daha. I waa naa ya tɛɛnɛ nɔ tim maga koora. Tum naa maga i tum, a ya deŋliu a ya wuti.

JɔnN Deesi 17:15

Malaika ti fun bu ŋɔ min, “Lisi chenani nihaan sakaal ti fun kani mɔɔg damata bambaan ni. A waa ya pulumsa awa buure ba naa maga la sɛm sɛm kurgɛ.

JɔnN Deesi 4:11

“Ya kunyana awa ya Koosa, hin naami kina maga. O ya i tutɔrɛ a nyɛn. Chendaha o deŋli wa ya jɛɛmi hin, domi i kpak jirima awa chaani wa kpok kinkan a kaali a maga.”

JɔnN Deesi 5:12

ka a lɔ bool wa ta zaŋa ni a ŋɔ, “Piisa be naa ba fun kɔrigi chen, o deŋlu wa ya jɛɛmi hin, domi i dɔ kina maga a kpak zima awa kpok wa jirima wa chaani kinkan wa tu sɔɔni.”

JɔnN Deesi 5:6

Mu fun nyini a na ka piisi be nyɛn doon. O chi ba funɛ kɔrigi unu. O fun chiŋi a dugli Koosa jirima bar kani ti ka sela naasi ta awa nihɛɛta nara fumlɛ danaasi ta go dooni. Piisi be ti funɛ kpak nyindaasa anɔpɛ awa se nɔpɛwa. O se nɔpɛ ta funɛ ya Koosa siimsa nɔpɛ naa Koosa fun tum tɛɛnɛ nɔ maga ni.