JɔnN Deesi 5:6 - Tampulma

⁶ Mu fun nyini a na ka piisi be nyɛn doon. O chi ba funɛ kɔrigi unu. O fun chiŋi a dugli Koosa jirima bar kani ti ka sela naasi ta awa nihɛɛta nara fumlɛ danaasi ta go dooni. Piisi be ti funɛ kpak nyindaasa anɔpɛ awa se nɔpɛwa. O se nɔpɛ ta funɛ ya Koosa siimsa nɔpɛ naa Koosa fun tum tɛɛnɛ nɔ maga ni.

JɔnN Deesi 5:6 Σταυροειδείς Αναφορές

Luk 1:69

Waa funɛ nyɛ ya nibin zen naa ya Devid be luli. Waa la zi yisi ya a li ya tum tagna ni ya tiŋ un.

Jɔn 1:29

Chɔɔsa funɛ pisi Jɔn fun na Yesu ka o wa o wati. O fun ŋɔ ba naa funɛ nyɛn dooni, “Maa na, baal nɔ chi piisi be naa Ju tima yaa kpa kɔɔri kɔɔra a nyɛ Koosa ni chene. Waa nyɛ Koosa bu vɛ na tɛɛnɛ nɔ maga nara galimsa.

Jɔn 1:36

a na Yesu ka o val wa kaali. Jɔn fun ŋɔ ba, “Ma na baal nɔ, o chi Koosa piisi be tire.”

Tuma 8:32

Nannɛ o funɛ karimi, “O funɛ chi piisire ba kpa un a kɔrigi. O gbanko funɛ chi piisi be naa ba ka funi o pusa ka o vɛ chɛɛmirɛ. O yaa fun mooriu.

JɔnN Deesi 1:4

Min waa, Jɔn, la sɔbi tɔn nɔ bar digi a nyɛ Yesu nitiŋɛ ba naa purige bunɔpɛ a li Azia pulum ni. Koosa naa funɛ nyɛn a ha vɛɛn nyɛn, o zi nyɛnu. O wa siimsa nɔpɛ a naa nyɛn o suwachak ni a li o tɔhɔn ni,

JɔnN Deesi 12:11

Chenani Kristo naa ya Koosa piisi be, fun sou awa chenani ya niinbisa fun biksi nara o wɛ a fun saksi di ba sou a nyɛ un, kin nama funɛ nyaŋi sintana.

JɔnN Deesi 13:8

Koosa funɛ te sɔbi ba naa maga la zi wa la o mi fali ti, sɔna a du o tɔn ti ni a zi naami tɛɛnɛ nɔ maga. O piisi be naa ba fun kpu chen, dɔ tɔn ti. Ba naa maga sɔna vɛ nyɛn tɔn ti ni, funɛ jɛɛmi sel zen tire.

JɔnN Deesi 14:1

Doone mu fun nyini a na ka piisi be ti wa kɔk di fumnaasi danaasi tusugsa nara funɛ chiŋi bi naa ba yir Zaiyɔn. Ba funɛ sɔbi o sɔn awa o nyana sɔnnɛ a sak ba tilsi ni.

JɔnN Deesi 17:14

Ba wa ba walɛ zi la chem piisi be ti wa o nitiŋɛ ba naa o fun lisi a nyɛ o titi ni ka ba vɛ bur a li o tiŋi ni, wa laal ni. Waa la zi nyaŋi koorsi ta, domi waa ya koorsa maga kaŋkoora.”

JɔnN Deesi 21:22

Ba wa fun sa Koosa bar jɛɛmi dama, domi ba naa nyɛn dooni funɛ jɛɛmi ba kunyana Koosa naa kpak kpok a kaali kina maga awa piisi be ti bawu maga ni.

JɔnN Deesi 21:23

Ba naa funɛ nyɛn dooni wa funɛ nyini nha awa pɛn se ni di a nyɛ ba chaani. Koosa awa piisi be ti jirima awa ba chaani kinkan funɛ nyɛ ba chaani.

JɔnN Deesi 22:1

Malaika ti fun biksi min Koosa mi fali pul naa la chaani a chi diga. O funɛ li Koosa awa piisi be ti jirima bar kani nɛɛ,

JɔnN Deesi 22:3

Kin nawara Koosa fun ŋɔ nɔ a nyɛ wa zi nyɛn tɔhɔn ti ni. Koosa awa piisi be jirima bar kani nyɛn dooni. Chendaha ba tumtumsa duŋduŋ nyɛn dooni a la jɛɛmi ba.

JɔnN Deesi 4:8

A maga funɛ kpak chɛnɛ anɔnɔrawa ka se ta su a bara maga. Ba yaa funɛ lɔ boola a vɛ hiisi a ŋɔ, “Ya kunyana Koosa naa ya tu chaan tiina a kpak kina maga kpok, i vɛ kpak piili a nyɛn a vɛ kpak peti.”

JɔnN Deesi 5:11

Mu fun bukoo nyini a na ka Koosa malaikasa nyɛn dooni. Ba funɛ iiu a vɛ kpak guri a chiŋi a go doon maga. Mu funɛ nu a,

JɔnN Deesi 5:12

ka a lɔ bool wa ta zaŋa ni a ŋɔ, “Piisa be naa ba fun kɔrigi chen, o deŋlu wa ya jɛɛmi hin, domi i dɔ kina maga a kpak zima awa kpok wa jirima wa chaani kinkan wa tu sɔɔni.”

JɔnN Deesi 5:13

Doone mu fun nu kin naa maga funɛ nyɛn Koosa tɔhɔn ti awa tɛɛnɛ nɔ maga wa nisitɛ bar nyɛni wa teku ni ka a fun lɔ bool a ŋɔ, “Ma nyɛ ya pɛgi naa kanɛ Koosa jirima bar kani ni awa piisi be ti, domi ba kpak jirima awa chaani wa kpok kinkan hali saha naa vɛ kpak bɔ.”

JɔnN Deesi 5:14

A funɛ lɔ a bool ti peti, sela naasi ta fun ŋɔ, “Ami,” ka nihɛɛti ta fun si a pimi tɛɛnɛ ni a jɛɛmi ba.

JɔnN Deesi 6:16

Ba funɛ sumi di bɛ ta chesi ba ni, chen ni naa kanɛ Koosa jirima bar kani ni wa zi na ba, ka piisi be ti wa zi kpa o paan a du ba ni a na ba galimsa a ta ba yɔri.