JɔnN Deesi 5:12 - Tampulma

¹² ka a lɔ bool wa ta zaŋa ni a ŋɔ, “Piisa be naa ba fun kɔrigi chen, o deŋlu wa ya jɛɛmi hin, domi i dɔ kina maga a kpak zima awa kpok wa jirima wa chaani kinkan wa tu sɔɔni.”

JɔnN Deesi 5:12 Σταυροειδείς Αναφορές

Mat. 28:18

Yesu fun la dugli ba a ŋɔ, “Koosa funɛ kpa buudaha awa tɛɛnɛ kpok magau a nyɛ min.

Jɔn 1:29

Chɔɔsa funɛ pisi Jɔn fun na Yesu ka o wa o wati. O fun ŋɔ ba naa funɛ nyɛn dooni, “Maa na, baal nɔ chi piisi be naa Ju tima yaa kpa kɔɔri kɔɔra a nyɛ Koosa ni chene. Waa nyɛ Koosa bu vɛ na tɛɛnɛ nɔ maga nara galimsa.

Jɔn 17:2

Hin funɛ nyɛ min nyinbaan di mu kpa i mi fali naa vɛ kpak bɔ a nyɛ tɛɛnɛ nɔ tim maga ni. Mu kpa un a nyɛ ba naa i fun lisi a nyɛ min chen.

2 Kɔr. 8:9

Ma zimu chenani ya kunyan Yesu Kristo funɛ daŋni ya a la suŋi ya kinkan. O funɛ kpa o kidamatiwa a ta, a fun a ya fara tiina ma daha, chen ni ma zi lau a li o kidamati ta ni.

1 Tim. 1:17

Ma nyɛ ya yaa kipɛgi Koosa a kinyɛ un jirima kinkan. Waa ya ya koora naa nyɛnɛɛ hali saha naa vɛ kpak bɔ, a ya nibɛgim duŋduŋ. Nandigi wa koti a na un. Ami.

JɔnN Deesi 1:6

a vɔti ya koorsa a lisi ya di ya ya Koosa dam kɔkɔɔrsa di ya tum tuma a nyɛ o nyan Koosa ni. Yesu kpak jirima awa chaani wa kpok kinkan hali saha naa vɛ kpak bɔ. Ami.

JɔnN Deesi 13:8

Koosa funɛ te sɔbi ba naa maga la zi wa la o mi fali ti, sɔna a du o tɔn ti ni a zi naami tɛɛnɛ nɔ maga. O piisi be naa ba fun kpu chen, dɔ tɔn ti. Ba naa maga sɔna vɛ nyɛn tɔn ti ni, funɛ jɛɛmi sel zen tire.

JɔnN Deesi 15:3

Ba funɛ lɔ Mosis naa funɛ ya Koosa tumtumna awa piisi be ti bool a ŋɔ, “Ya kunyana Koosa naa kpak kina maga kpok, alaazibu fun kpak ya i tum zene daha. I waa naa ya tɛɛnɛ nɔ tim maga koora. Tum naa maga i tum, a ya deŋliu a ya wuti.

JɔnN Deesi 19:1

A gantɛl ni mu fun nu zɛmɛ kinkan ta zaŋa a li Koosa tɔhɔn ti ni ka ba ŋɔ, “Ma nyɛ ya pɛgi Koosa, domi o kpak jirima awa chaani kinkan wa kpok a lisi ya a li ya tum tagna ni hali a wa peti.

JɔnN Deesi 4:11

“Ya kunyana awa ya Koosa, hin naami kina maga. O ya i tutɔrɛ a nyɛn. Chendaha o deŋli wa ya jɛɛmi hin, domi i kpak jirima awa chaani wa kpok kinkan a kaali a maga.”

JɔnN Deesi 5:13

Doone mu fun nu kin naa maga funɛ nyɛn Koosa tɔhɔn ti awa tɛɛnɛ nɔ maga wa nisitɛ bar nyɛni wa teku ni ka a fun lɔ bool a ŋɔ, “Ma nyɛ ya pɛgi naa kanɛ Koosa jirima bar kani ni awa piisi be ti, domi ba kpak jirima awa chaani wa kpok kinkan hali saha naa vɛ kpak bɔ.”

JɔnN Deesi 5:6

Mu fun nyini a na ka piisi be nyɛn doon. O chi ba funɛ kɔrigi unu. O fun chiŋi a dugli Koosa jirima bar kani ti ka sela naasi ta awa nihɛɛta nara fumlɛ danaasi ta go dooni. Piisi be ti funɛ kpak nyindaasa anɔpɛ awa se nɔpɛwa. O se nɔpɛ ta funɛ ya Koosa siimsa nɔpɛ naa Koosa fun tum tɛɛnɛ nɔ maga ni.

JɔnN Deesi 5:8

Piisi be ti funɛ la, sela naasi ta awa nihɛɛta nara fumlɛ danaasi ta fun si a pimi tɛɛnɛ ni o suwachak ni. Nihɛɛti ta maga funɛ kpak gɔnjisiwa awa salma gbaŋsa a kpa kin naa sɔɔra weree a du a tuha ni. Kin naa sɔɔra weree chen funɛ ya Koosa nara sumi.

JɔnN Deesi 5:9

Ba fun lɔ bool fali a ŋɔ, “I ya nizenu wa i la tɔn ti a kasi kitɔɔli ta a puk un. Ba funɛ kpu hin, i fun kpa i chɛl a la nidamata nyuuna a nyɛ Koosa ni. I funɛ lisi bau a li pulumsa awa buurisa maga ni ka ba maga sɛm sɛm kurgɛ.

JɔnN Deesi 6:1

Piisi be ti funɛ la tɔn ti, o fun kasi kitɔɔli naa te chen a puk tɔn ti bar digi. Sela naasi ta digi fun ŋɔ min a chi nasɛha, “Kuwa a wa na.”

JɔnN Deesi 7:12

a ŋɔ, “Ami. Ya pɛgi a zaami hin, domi i kpak zima awa jirima wa chaani wa kpok kinkan hali saha naa vɛ kpak bɔ. Ami.”