JɔnN Deesi 5:1 - Tampulma

¹ Mu fun nyini a na ka naa kanɛ Koosa jirima bar kani ni chen, funɛ kpak tɔnnɛ o nindil ni. Ba fun sɔbi a sak o suwachak awa o gantɛl ni a guti un a tɔ un tɔɔli bunɔpɛ.

JɔnN Deesi 5:1 Σταυροειδείς Αναφορές

JɔnN Deesi 10:2

O funɛ kpak tɔn wewe o nin ni ka o puk. O fun tu wa tɛɛnɛ nɔ maga a kpa o naŋgeri dil a du teku ni ni a kpa naŋgeri gal a chiŋsi jibaŋ ni.

JɔnN Deesi 4:3

O se funɛ liliu a chi buŋkul were a naa sɛrɛ a chaani, ka doonkagla naa chi suwasi ni go un.

JɔnN Deesi 4:9

Sela naasi ta funɛ lɔ a booliwa a pɛgi naa funɛ kanɛ Koosa jirima bar kani ni, domi o kpak jirima awa chaani kinkanu a nyɛn hali saha naa vɛ kpak bɔ.

JɔnN Deesi 5:13

Doone mu fun nu kin naa maga funɛ nyɛn Koosa tɔhɔn ti awa tɛɛnɛ nɔ maga wa nisitɛ bar nyɛni wa teku ni ka a fun lɔ bool a ŋɔ, “Ma nyɛ ya pɛgi naa kanɛ Koosa jirima bar kani ni awa piisi be ti, domi ba kpak jirima awa chaani wa kpok kinkan hali saha naa vɛ kpak bɔ.”

JɔnN Deesi 5:7

Piisi be ti fun la la tɔn ti a li naa kanɛ Koosa jirima ba kanɛ nindil ni.

JɔnN Deesi 6:1

Piisi be ti funɛ la tɔn ti, o fun kasi kitɔɔli naa te chen a puk tɔn ti bar digi. Sela naasi ta digi fun ŋɔ min a chi nasɛha, “Kuwa a wa na.”

JɔnN Deesi 6:16

Ba funɛ sumi di bɛ ta chesi ba ni, chen ni naa kanɛ Koosa jirima bar kani ni wa zi na ba, ka piisi be ti wa zi kpa o paan a du ba ni a na ba galimsa a ta ba yɔri.

JɔnN Deesi 8:1

Doone piisi be ti fun kasi kitɔɔli anɔpɛ tiina a puk tɔn ti maga. Doon funɛ duu balimm kinkan hali a wa tel minti fumtora.