JɔnN Deesi 4:4 - Tampulma

⁴ Bar kanɛ fumlɛ danaasi funɛ go un. Nihɛɛta nara fumlɛ danaasi funɛ kani doonma ni. Ba maga funɛ laari kipilimiwa a chik salma nyuchigsa.

JɔnN Deesi 4:4 Σταυροειδείς Αναφορές

Mat. 19:28

Yesu fun ŋɔ un, “Wutirɛ n kaa ŋɔ ma nan. Mu waa nibine be wa bur wa di mu wa dɔ tɛɛnɛ nɔ maga nara a di ba sɛria, ma gantɛl tiŋsa nara fidalɛ na gbanko zi wa di Ju tim buri fidalɛ sɛriau.

Luk 22:30

Wuzu digi ma wa min zi wa di diweu a li mu koor ti ni ka ma kani koorsa bar kanɛ ni di ma di Ju tim buri fidalɛ ti sɛria.”

2 Tim. 4:8

Ya kunyan ti wa bur wa di o di ya sɛria wa wuti, o zi bɔ min mu chimu, domi mu tum tum werewa a nyɛ un. O zi wa ya chenu a nyɛ ba naa maga la daŋni un a la pɔ un di o bur wa.

JɔnN Deesi 11:16

Nihɛɛta nara fi danaasi ba naa funɛ kani a go Koosa chen, fun si pimi tɛɛnɛ ni a jɛɛmi un a ŋɔ,

JɔnN Deesi 14:3

Ba naa wa piisi be ti funɛ chiŋi, ba se funɛ chem doonani Koosa jirima bar kani awa sela naasi ta wa nihɛɛta fumlɛ danaasi ta fun nyɛn, a lɔ bool fali. Kɔk di fumnaasi danaasi tusugsa ba naa piisi be ti fun lisi a li tɛɛnɛ nɔ tim maga, ba duŋduŋ funɛ koti a lɔ bool fali ti.

JɔnN Deesi 19:14

Lanjima damata ba naa nyɛn Koosa tɔhɔn ti ni fun tiŋ o gantɛl a zini zaag pilima a laari kipilima were.

JɔnN Deesi 19:4

Nihɛɛta nara fumlɛ danaasi ta awa sel zene naasi a naa funɛ go Koosa jirima bar nyɛni fun si a pimi o suwachak ni a jɛɛmi un a ŋɔ, “Ami. Ma nyɛ ya maga pɛgi un a gbaari.”

JɔnN Deesi 2:10

Ma ta ɔm chenani ma namsi zi wa gbaari. Sintana zi wa nyɛ ba kpak ma bɔnɛu a tɔ dɛ di o zaamsi ma a nyɛ ma namsi kinkan wuzu fi. Ba daŋni ba kpu ma, ma kpak nɛnɛ ka mu zi kpa Koosa mi fali ti a nyɛ ma.

JɔnN Deesi 20:4

Doone mu fun na jirima bar kanɛ dooni. Ba funɛ kpa kpok a nyɛ ba naa kanɛ dooni di ba di sɛriasa. Mu gbanko funɛ na ba naa tɛɛnɛ nɔ tim maga fun kpu domi ba funɛ biksi ba Yesu wuti wɛu. Ba wa funɛ jɛɛmi sel zen ti akoo o vura, a vɛ nyɛ o kpa o sɔn a dani ba tilsa awa ba nisa. Kristo fun lɛli ba a li ba sou ni a nyɛ ba wa un ya koorsa a dɔ bun tusuga.

JɔnN Deesi 3:18

Ma wa mu wati a wa yau salma naa ba fun kpa du din ni a chaksi di ma ya kin tima wuti awa gar pilima naa ma laari, chen ni ma wa zi bu na hiisa. Ma wa yau se luri a du ma se ni, chen ni ma zi bukoo kinau.

JɔnN Deesi 4:10

A funɛ lɔ a bool ta chene, nihɛɛta nara fumlɛ danaasi ta yaa fun siu a pimi tɛɛne ni a jɛɛmi naa funɛ kanɛ Koosa jirima bar kani a nyɛn hali saha naa vɛ kpak bɔ, ni. Ba yaa fun bini ba salma nyuchigsau a dau a li o suwachak ni a kpa aa chiksi a ŋɔ,

JɔnN Deesi 4:6

Bɛɛŋa naa funɛ pɛn a lili a chi diga gbanko funɛ nyɛn o suwachak ni. Sela naasi funɛ chiŋi a go un a gbaari. A maga se funɛ iiu a nyɛn a se awa a naŋkporsi ni.

JɔnN Deesi 5:11

Mu fun bukoo nyini a na ka Koosa malaikasa nyɛn dooni. Ba funɛ iiu a vɛ kpak guri a chiŋi a go doon maga. Mu funɛ nu a,

JɔnN Deesi 5:14

A funɛ lɔ a bool ti peti, sela naasi ta fun ŋɔ, “Ami,” ka nihɛɛti ta fun si a pimi tɛɛnɛ ni a jɛɛmi ba.

JɔnN Deesi 5:6

Mu fun nyini a na ka piisi be nyɛn doon. O chi ba funɛ kɔrigi unu. O fun chiŋi a dugli Koosa jirima bar kani ti ka sela naasi ta awa nihɛɛta nara fumlɛ danaasi ta go dooni. Piisi be ti funɛ kpak nyindaasa anɔpɛ awa se nɔpɛwa. O se nɔpɛ ta funɛ ya Koosa siimsa nɔpɛ naa Koosa fun tum tɛɛnɛ nɔ maga ni.

JɔnN Deesi 5:8

Piisi be ti funɛ la, sela naasi ta awa nihɛɛta nara fumlɛ danaasi ta fun si a pimi tɛɛnɛ ni o suwachak ni. Nihɛɛti ta maga funɛ kpak gɔnjisiwa awa salma gbaŋsa a kpa kin naa sɔɔra weree a du a tuha ni. Kin naa sɔɔra weree chen funɛ ya Koosa nara sumi.

JɔnN Deesi 6:11

Ba naa funɛ nyɛn Koosa jirima bar kani ti ni a go, bɔnɛ fun kpa takta ziŋɛ pilima a nyɛ ba a ŋɔ ba di ba hiisi tama, hali tɛɛnɛ nɔ tim maga wa kpu ba niinbisa a chi ba funɛ kpu ba a gbaari peti.

JɔnN Deesi 7:11

Sela naasi ta awa nihɛɛti ta awa malaikasa a naa maga fun si a pimi tɛɛnɛ ni Koosa jirima bar kani suwachak ni a jɛɛmi un,

JɔnN Deesi 7:9

A gantɛl ni mu fun nyini a na ka zɛmɛ kinkan nyɛn dooni. Nandigi wa fun koti a gur ba. Ba funɛ li tɛɛnɛ nɔ maga pulumsa awa buurisa maga ni ka ba maga sɛm sɛm kurgɛ. Ba fun laari takta ziŋɛ pilima a kpak bone kpachaga ba nisa ni a chiŋi Koosa jirima bar kani awa piisi be ti suwachak ni.

JɔnN Deesi 9:7

Hɔɔni ta funɛ chi zaagna a naa ba saksi a di a la chem laal. A se funɛ chi nibinsa sewa ka ba fun chiksi salma nyuchigsa.