JɔnN Deesi 3:5 - Tampulma

⁵ Mu zi nyɛ ba naa kpak nɛnɛu hali a la tel o bɔ laari kipilimau ka mu zi nyɛ ba sɔna naa ba fun sɔbi aa du Koosa mi fali tɔn ti ni kpalimi dooni. Mu si sɛm mu nyana awa o malaikasi ta gbampulim niu a li ba suwachak ni di min dɔ ba.

JɔnN Deesi 3:5 Σταυροειδείς Αναφορές

Mat. 10:32

“Nibine naa maga ŋɔ nara ni gbampulim ni di min dɔ ba, n zi sɛm chenu a nyɛ ba mu kunyan Koosa naa nyɛn o tɔhɔn ti ni suwachak ni.

Luk 10:20

Chenani alizin tagni ta nu ma nɔna nyɛ ma tusa sɔɔniu. Koosa funɛ sɔbi ma sɔnau a du o tɔn ni a li o tɔha ti ni. Ma nyɛ ma tusa sɔɔni nan daha a kaali chenani a fun te sɔɔni.”

Luk 12:8

“Nibine naa maga ŋɔ nara ni di min dɔ ba, n waa nibine be zi sɛm chenu a nyɛ Koosa malaikasi ta ni.

Filip. Tima 4:3

Nihaana nama awa Klɛmɛnt wa tumtumsa bɔnɛ wa min, ya waa funɛ tum kinkan di ya biksi nara tima Koosa laaboor weri ti wɛ. Mu dɔŋtiin birigi naa wa min la tum Kristo tuma, mu sumi hinu di i suŋi ba. Koosa fun sɔbi ba naa la o mi fali ti, sɔna a du o tɔn ni. Ba sɔna nyɛn dooni.

Juud 1:24

Koosa kote a kpak ma di ma ta bur gantɛl. Wuzu digi o zi nyɛ ma tu chaanau awa tu sɔɔna hali a wa peti a kpa ma a du o suwachak ni.

JɔnN Deesi 13:8

Koosa funɛ te sɔbi ba naa maga la zi wa la o mi fali ti, sɔna a du o tɔn ti ni a zi naami tɛɛnɛ nɔ maga. O piisi be naa ba fun kpu chen, dɔ tɔn ti. Ba naa maga sɔna vɛ nyɛn tɔn ti ni, funɛ jɛɛmi sel zen tire.

JɔnN Deesi 17:8

Sel zen naa i fun na chen, wa bu to o miisa ni. O wa zi vusi ka o li bɔ naa vɛ kpak bar peti chen ni a kaali din dama. Koosa funɛ te sɔbi ba naa maga la zi wa la o mi fali ti, sɔna a du o tɔn ti ni a zi naami tɛɛnɛ nɔ maga. Ba naa kaɛɛ a na ka sel zen naa funɛ sou chen bu kpak miisa, alaazibu zi kpak bau kinkan.

JɔnN Deesi 19:8

Ba funɛ nyɛ o haan ti nyinbaanu di o laari kichaani weri. A waa ya tum were naa Koosa nara fun tumi.”

JɔnN Deesi 2:11

“Ma cheŋi ma diŋsa a nu chenani Koosa siim weri ti sɛm a nyɛ Yesu nitiŋɛ ba naa nyɛn Azia pulum ni. Ba naa kpak nɛnɛ hali a la tel o bɔ, Koosa wa zi kpa ba a gbaari ba naa o zi wa na ba galimsa a ta ba yɔri.”

JɔnN Deesi 2:7

“Ma cheŋi ma diŋsa a nu chenani Koosa siim weri ti sɛm a nyɛ Yesu nitiŋɛ ba naa nyɛn Azia pulum ni. Ba naa maga vɛ bur mu tiŋi ni, mu zi nyɛ ba nyinbaanu ba di Koosa mi fali bugil nɔnau. O bi Koosa tɔhɔn naa weri nee. Ba naa maga nyɛn dooni, ba tusa sɔɔnɛu kinkan.”

JɔnN Deesi 20:12

Mu fun na tɛɛnɛ nɔ tim maga ba naa funɛ ya nibirige awa ba baa funɛ vɛ yaali ka Koosa lɛli ba a li ba sou ni. Ba funɛ chiŋi o jirima bar kani suwachak nɛɛ. Ba fun puk Koosa mi fali tɔn ti awa tɔni naa ba fun sɔbi ba tuma a du a tuhu ni. O fun di ba sɛria a li chenani ba sɔbi a du tɔni ta ni.

JɔnN Deesi 20:15

Ba naa ba ha vɛ sɔbi ba sɔna a du Koosa mi fali tɔn ti ni, ba fun kpa ba a yo du bɛɛŋ ti gbanko ni.

JɔnN Deesi 21:27

Tum tagna nitumɛ awa ba naa tum chɔkumsi tuma a la suni wɛ, ba wa zi koti a zu dooni. Ba naa ba fun sɔbi ba sɔna a du piisi be ti mi fali tɔn ti ni duŋduŋ la zi zu dooni.

JɔnN Deesi 22:19

Nandigi lisi kundɔŋ a li tɔn nɔ ni, Koosa wa zi nyɛ o zu o tɔhɔn ti a di o mi fali bugili nɔn a naa wɛ mu ŋɔ ma a li tɔn ti ni.

JɔnN Deesi 3:12

Ba naa kpak nɛnɛ hali a la tel o bɔ, mu zi nyɛ ba burgiu a chi zantɔglsa a li Koosa bar jɛɛmi dam ni hali saha naa vɛ kpak bɔ. Mu zi sɔbi Koosa sɔn awa o tɔhɔn ti sɔnu a sak ba ni. O tɔhɔn ti ya Jɛrusalɛm fali naa Koosa zi nyɛ o wa nyɛn tɛɛnɛ nɔ maga ni wuzu digi. Mu gbanko zi sɔbi mu sɔn faliu a sak ba ni.

JɔnN Deesi 3:4

Ma naa nyɛn Sardis ni, bɔnɛ ha wa tum tum tagna naa nyɛ ma tusa doŋ. Mu zi nyɛ ma kipilimau ma laari a nyɛ ma wa min lagmi dɔŋ ni chenani ma ya chen daha.

JɔnN Deesi 6:11

Ba naa funɛ nyɛn Koosa jirima bar kani ti ni a go, bɔnɛ fun kpa takta ziŋɛ pilima a nyɛ ba a ŋɔ ba di ba hiisi tama, hali tɛɛnɛ nɔ tim maga wa kpu ba niinbisa a chi ba funɛ kpu ba a gbaari peti.