JɔnN Deesi 3:15 - Tampulma

¹⁵ Mu zim chenani maa tum. Ma se wa sɛri a li chenani ma daŋni ma tum mu tuma, amaa ma wa bur a li mu tiŋi ni. Mu fu daŋni mu zim di ma se sɛriu akoo ma zi gil mu tiŋirɛ.

JɔnN Deesi 3:15 Σταυροειδείς Αναφορές

Mat. 10:37

“Nar la daŋni o nyana koo o niina a kaali min, o wa deŋli di o tiŋ min. Nar la daŋni o nibabichɛla koo o nihabichɛla a kaali min, o gbanko wa deŋli di o tiŋ min.

Mat. 24:12

domi nibinsa tum tagna la pisi bawu maga ni, nidamata wa zi bu daŋni dɔŋa.

Mat. 6:24

“Nibɛgim wa kisuŋi nihɛɛta nara balɛ. O zi daŋni digiu a ha digi. O si zi su digiu a vɛ digi. Chen vɛɛna, ma wa zi koti a tum a nyɛ Koosa ni a ya si tima.

Room 12:11

Ma ta ya zanyɛrka tima, amaa ma kpak se sɛm a tum a nyɛ ma kunyan ti ni saha maga.

1 Kɔr. 16:22

Nibine naa vɛ daŋni ya kunyan ti, Koosa zi ŋɔ nɔu a nyɛ un. Ya kunyana, kuwa.

2 Kɔr. 12:20

O muksi minu mu wa wa ma wati, ma bɔnɛ wa zi tiŋ chenani mu daŋni maa tiŋ. Ma zi wa di dɔŋa wa amɔrɛu a kpak dɔŋa handɔta a na paan a du dɔŋ ni a ya se tima a kichɔk dɔŋ sɔna a kilɔ dɔŋ gantɛla a zer ma titi a vɛ tiŋ ma nihɛɛta nɔɔna. O du chen, ma wa zi daŋni chenani mu wa ma zi nyɛn.

Filip. Tima 1:9

Nannɛ muu sumi Koosa ma daha. Mu sumi unu di ma zi wa zim unu wuti ni a kidaŋni dɔŋa kinkan aa gbaari,

2 Tɛs. 1:3

Mu niinbisa, ya yaa zaami Koosau ma daha saha maga. O weru di yaa zaami un chen, domi ma se suuli gbaariu kinkan ka maa daŋni dɔŋa.

1 Pita 1:22

Ma funɛ nu Koosa laaboor weri naa ya wuti chen, ma fun a chaksi ma tusa a li ma tum tagna ni a tiŋ un, chen ni ma fun piili a daŋni ma dɔŋtima a li bambe ni. Maa daŋni ba kinkan ma bambe ni.

JɔnN Deesi 2:2

Mu zim chenani ma bambe duu awa chenani ma kpak un ma bambe ni di ma tum ma tuma wa kanyita ni a ta kuuli. Mu zimu di ma wa kpak wu digi wa ba naa la tum tum tagna ni a zaamsi ba naa ŋɔ di ba ya Koosa wuti nibiksɛwa a na di ba ya nusun timwa.

JɔnN Deesi 2:4

amaa wu digirɛ ma vɛ seen a yaali. Ma wara daŋni min a chi chenani ma fun te daŋni min chen.

JɔnN Deesi 3:1

“Sɔbi kin nama a la nyɛ naa la nyini Yesu nitiŋɛ ta a li Sardis ni. “Mu waa kpak Koosa siimsa nɔpɛ awa wula nɔpɛ. Ma nu chenani mu kaa ŋɔ ma. Mu zim chenani maa tumu awa chenani nara sɛm di ma tiŋ minu nɛnɛ amaa ma wa tiŋ nɛnɛ.

JɔnN Deesi 3:16

Domi ma se wa sɛri wa mu tiŋi ni, ma nyɛ sɛsirɛ kpak min. Ma nyɛ mu daŋni mu wa chɔk ma.