JɔnN Deesi 3:14 - Tampulma

¹⁴ “Sɔbi kin nama a la nyɛ naa la nyini Yesu nitiŋɛ ta a li Laodisia ni. “Mu waa naa ba ya yir Ami ka mu biksi nara Koosa wuti wɛ. Waa funɛ nyɛ mu naami kina maga a li o piili ti ni.

JɔnN Deesi 3:14 Σταυροειδείς Αναφορές

Jɔn 1:3

Koosa fun nyɛ o naami tɛɛnɛ awa buudaha awa kin naa maga nyɛn a ni. Kin magawa Koosa fun nyɛ o naami.

Jɔn 8:14

Yesu fun ŋɔ ba, “Mu zim doonani mu fun liu a zim doonani mu la. Chendaha sɛm naa mu sɛm mu titi wɛ nan ya wuti. Ma wa zim doonani mu fun li a zim doonani mu la.

2 Kɔr. 1:20

Koosa funɛ tum Yesu di o nyɛ vɔwɛ naa maga Koosa fun kpa nyɛ nara ni a li o piili ti ni, chen ya wuti. Ya zaami Koosau a la nyɛ un jirima kinkan kin nama daha.

Kɔl. 1:15

Kristo bambi chi Koosa naa ya vɛ koti a naali, bambire. O be bɛgim ti zenee a kaali kina maga.

Kɔl. 1:18

Waa ya ba naa tiŋ un chen, nyuhu tiina. Ba naa tiŋ un chen chi o barawa. Waa nyɛ ba o mi fali ti. Koosa funɛ te lɛli un a li o sou ni, chen ni o duŋduŋ la zi te kina maga suwachak.

Kɔl. 2:1

Mu daŋni ma zimu chenani mu baga nyɛn ma awa Laodisia tima wa ba naa vɛ zim min.

Kɔl. 4:16

Ma wa karimi tɔn nɔ peti, ma kpa un a la nyɛ Yesu nitiŋɛ ba naa nyɛn Laodisia ni chen, chen ni ba gbanko zi karimi unu. Ba gbanko zi kpa tɔnu a nyɛ ma. Ma wa la un, ma karimi un nɛnɛ.

JɔnN Deesi 1:11

ka o ŋɔ min, “Sɔbi chenani i kaa na a du tɔn ni a nyɛ Yesu nitiŋɛ ba naa nyɛn Ɛfɛsus, Sumana, Pɛgamum, Tiataya, Sardis, Filadɛlfia, awa Laodisia a li Azia pulum ni.”

JɔnN Deesi 1:5

wa Yesu Kristo naa funɛ biksi ya Koosa wuti ti ka o te lɛli un a li o sou ni ya maga suwachak ni, ba maga zi suŋi mau a kinyɛ ma bara sɔɔna. Yesu ya koor zen a kaali tɛɛnɛ nɔ maga koorsa. Waa funɛ daŋni ya a kpa o chɛl a chaksi ya tum tagna a li ya bambe ni,

JɔnN Deesi 19:11

Doone mu fun nyini a na ka Koosa tɔhɔn ti bulzɔɔnɔ puk, ka zaag pilim chiŋi dooni. Ba funɛ yir naa la zini un chen, wuti tiina awa naa tiŋ o ŋɔ. O yaa funɛ la laal ni saha maga a la di o dɔma sɛria awa chenani deŋlee ni.

JɔnN Deesi 2:1

“Sɔbi kin nama a la nyɛ naa la nyini Yesu nitiŋɛ ta a li Ɛfɛsus ni. Mu waa naa kpak wula nɔpɛ mu nindil ni a val a go fitinsa bar chiŋɛ nɔpɛ ka ba fun kpa salma a kɔɔri a bambaan ni, ma nu chenani mu kaa ŋɔ ma.

JɔnN Deesi 21:6

Mu tum peteu. Mu vɛ kpak piili a nyɛn a vɛ kpak peti. Mu mi fali naa mu kpa nyɛ nara ni chi nisire. Ba naa maga nyɔksa kpak, mu zi nyɛ ba nyɔ dooniu yɔri.

JɔnN Deesi 22:13

Mu vɛ kpak piili a nyɛn a vɛ kpak peti.

JɔnN Deesi 22:6

Doone malaika ti fun ŋɔ min, “Chenani mu kaa ŋɔ hin deŋlu a ya wuti. Ya kunyana Koosa naa funɛ kpa o siim weri ti a du o witinsi ta ni, funɛ tum o malaika di o biksi o tumtumsa chenani la zi wa ya lalaga.”

JɔnN Deesi 3:7

“Sɔbi kin nama a la nyɛ naa la nyini Yesu nitiŋɛ ta a li Filadɛlfia ni. “Mu waa naa ya tu chaan tiina awa wuti tiina a kpak koor Devid dam safibe. Mu kpa un a puti mu koor ti bulzɔɔnɔ, nandigi wa kikoti a far un. Mu kpa safibe ti a pur bulzɔɔnɔ ti, nandigi wa kikoti a puti un.