JɔnN Deesi 3:11 - Tampulma

¹¹ Mu zi bur wau lalaga. Ma kpak chenani ma tiŋ min nɛnɛ, chen ni nandigi wa zi lisi Koosa mi fali naa mu zi kpa a nyɛ ma, a li ma ni.

JɔnN Deesi 3:11 Σταυροειδείς Αναφορές

1 Kɔr. 9:25

Nar la buksi chɔchɔha, o yaa kpak o titirɛ a li kina maga ni. O yaa chɔu di o la di nyuchik naa ba yaa kpa a chik o nyuha. Nara yaa chɔu a la di ba la di papaha. Chen papaha ti wara vusi a la chɔk, amaa ya waa chɔu di ya la di papaha naa la zi vɛ wa chɔki.

Filip. Tima 4:5

O zi wa bur wa lalagau. Chendaha o lawa ma ya jɛrgɛu nara wati.

2 Tim. 2:5

Nar awa o dɔŋtima chɔ chɔchɔha a daŋni o di, o lawa o tiŋ ba nihɛɛti nɔu.

2 Tim. 4:8

Ya kunyan ti wa bur wa di o di ya sɛria wa wuti, o zi bɔ min mu chimu, domi mu tum tum werewa a nyɛ un. O zi wa ya chenu a nyɛ ba naa maga la daŋni un a la pɔ un di o bur wa.

Jems 1:12

Tu sɔɔn nyɛn nibine naa yaa di o zaamsi nɛɛ. O zaamsi saha wa peti, Koosa zi wa kpa o mi fali naa o fun vɔu, a nyɛ ba naa la daŋni un nɛɛ.

Jems 5:9

Mu niinbisa, ma ta zulimi dɔŋa, chen ni Koosa wa zi wa di ma sɛria. O zi wa di ma sɛriau lalaga.

JɔnN Deesi 1:3

Ba naa karimi tɔn nɔ a ŋɔ ba dɔŋtim ni awa ba naa nu chenani la zi wa ya ka ba tiŋ mu sɛma, ba tusa zi sɔɔniu kinkan. Saha naa kin nama kaa wa ya duglɛu.

JɔnN Deesi 16:15

Maa nu chenani ya kunyana ŋɔ ma. O ŋɔ, “Mu zi bur wau ka ma vɛ zim mu wɛ a chi ŋmɛɛr. Chenani Koosa bu vɛ na ma galimsa chi ma gatiwa. Ma doso a kilaari a saha maga, chen ni mu wa wa, ma wa zi kpak bar kpal a chiŋi ma na hiisa nara suwachak ni.”

JɔnN Deesi 2:10

Ma ta ɔm chenani ma namsi zi wa gbaari. Sintana zi wa nyɛ ba kpak ma bɔnɛu a tɔ dɛ di o zaamsi ma a nyɛ ma namsi kinkan wuzu fi. Ba daŋni ba kpu ma, ma kpak nɛnɛ ka mu zi kpa Koosa mi fali ti a nyɛ ma.

JɔnN Deesi 2:13

Mu zimu di doonani ma nyɛn nan, sintana dɔ nidamata. Hali o nitiŋɛ funɛ kpu naa ba yir Antipas domi o funɛ biksi nara mu wɛ, ma wa fun bur a li mu tiŋi ni.

JɔnN Deesi 22:12

Yesu ŋɔ, “Ma nu mu wati. O wa zi vusi ka mu wa bɔ ma chim a li chenani ma tum.

JɔnN Deesi 22:20

Naa chiŋɛ mu sɛm na gantɛl ni ŋɔɛɛ di, “Wuti o wa zi vusi ka mu bur wa.” Nyɛ o ya a chi chenani i ŋɔ chen. Ya kunyana, bur kuwa.

JɔnN Deesi 22:7

Yesu ŋɔ ma, “Ma nu mu sɛm na. O wa zi vusi ka mu bur wa. Ba naa maga se su chenani mu sɔbi a li tɔn nɔ ni, ba tusa zi sɔɔni.”

JɔnN Deesi 3:3

Ma lisi chenani ma fun te nu Koosa laaboor weri ti a nyɛ ma se su un. Ma kpak un nɛnɛ a gil chenani ma vɛ tiŋ min nɛnɛ. Ma vɛ si chiŋi a kpak si sɛm a tiŋ min nɛnɛ, mu zi wa wa ma watiu ka ma vɛ zim mu wɛ. Mu waali ti zi chi chenani ŋmɛɛr ya wa ŋmɛ kina chen.

JɔnN Deesi 4:10

A funɛ lɔ a bool ta chene, nihɛɛta nara fumlɛ danaasi ta yaa fun siu a pimi tɛɛne ni a jɛɛmi naa funɛ kanɛ Koosa jirima bar kani a nyɛn hali saha naa vɛ kpak bɔ, ni. Ba yaa fun bini ba salma nyuchigsau a dau a li o suwachak ni a kpa aa chiksi a ŋɔ,

JɔnN Deesi 4:4

Bar kanɛ fumlɛ danaasi funɛ go un. Nihɛɛta nara fumlɛ danaasi funɛ kani doonma ni. Ba maga funɛ laari kipilimiwa a chik salma nyuchigsa.