JɔnN Deesi 3:10 - Tampulma

¹⁰ Saha naa ba naa maga nyɛn tɛɛnɛ nɔ maga ni zi wa namsi kinkan, ka mu zi zaamsi ba, duglɛu. Ma funɛ tum ma tumau wa kanyita ni a chi chenani mu fun biksi ma. Chendaha mu zi wa lisi mau a li namsi ti saha ni.

JɔnN Deesi 3:10 Σταυροειδείς Αναφορές

Mat. 24:14

Nibinsa zi wa kpa Koosa laaboor weri tiu a biksi nara di Koosa daŋni o dɔ bau. Nara maga zi wa na nyinbaanu a nu o laaboor weri ti ka tɛɛnɛ nɔ maga peti.”

Mat. 26:41

Ma si a il a kisumi Koosa, chen ni sintana wa zi wa mur ma ma tiŋ o nɔ. Ma tusa daŋni ma ya chenani mu sɛm chenu, amaa ma bara vɛ kpoki.”

Mat. 6:13

Domi i kpak jirima awa chaani wa kpok kinkan hali saha naa vɛ kpak bɔ. Ami.))’

Maak 14:9

N ŋɔ ma wutirɛ, doonani maga ba zi wa biksi Koosa laaboor weri ti, ba zi wa sɛm nihaan nɔ wɛu awa chenani o fun a tum nyɛ min. O sɔn zi wa chɔu aa la.”

Luk 2:1

A saha ti koor digi funɛ dɔ dooni. Ba funɛ yir un Ɔgastus. O funɛ daŋni o gur a zim nibinsa ba naa nyɛn o koor ti ni.

Jɔn 17:6

“I funɛ lisi nara a li tɛɛnɛ nɔ tim maga ni a nyɛ i titi ni. I fun kpa ba a nyɛ min ka mu fun biksi ba i wɛ ba tiŋ i nɔ.

Room 1:8

Mu daŋni n te ŋɔ di Yesu Kristo kpa chenani mu kunyana Koosa ma maga daha a nyɛ un. Nara sɛmu bawu maga ni chenani ma se su Yesu Kristo.

1 Kɔr. 10:13

Sintana zaamsi nibine magau di ba tum tum tagna. Chenani o zaamsi ba, o zaamsi ma gbankou. Amaa Koosa ya wuti tiina. O wa zi nyɛ wu zaamsɛ a naa kaali ma kpok, wa pu ma, chen ni ma wa zi wa chel. O zi nyɛ ma kpoku ma kpak kanyita wa wu zaamsɛ ni a yisi ma a li a ni.

Ɛfɛ. 6:13

Ma kpak Koosa kpok ti nɛnɛ, chen ni sintana wa wa di o wa kpak ma, ma zi koti a nyaŋi unu hali o wa peti.

2 Tim. 2:12

Ya di ya namsi maga, wuzu digi ya wa un zi wa ya koorsau. Ya vɛ un, o gbanko zi vɛ yau.

Jems 3:12

Mu niinbisa, ma ha na ka soom nɔn sul nɔnau, akoo a na maŋgo ka o nɔn gɔnda nɔnauu? Adaha teku ni naa kpak yisa wa kikoti a burgi pul ni.

1 Pita 4:12

Mu bi daŋnɛ, ma ta nyɛ o jɛri ma di ma namsi kinkannɛ lalaknɔ.

2 Pita 2:9

Koosa zim chenani o yisi ba naa la tiŋ un nɛnɛ a li ba namsi niu. O gbanko zimu chenani o chiŋsi ba naa la tum tum tagna hali saha naa o wa wa di o di tɛɛnɛ nɔ tim maga sɛria a lɛrgi ba diŋsa.

JɔnN Deesi 1:9

Mu waa, Jɔn, ya ma niinbe. Mu wa ma la namsi Yesu daha, amaa o suŋi yau ya di un, chen ni ya zi la zu o koor tiu wuzu digi. Ba fun kpa min a la nyɛ mu nyɛn pulum we naa ba yir Patmɔs ka ni go un. Ba funɛ ya chene, domi mu funɛ mɔɔli Koosa laaboor weri ti a ŋɔ nara wuti naa Yesu fun biksi ya a li gbampulim ni chen wɛ.

JɔnN Deesi 11:10

Sel zen ti wa kpu nara balɛ ta, tɛɛnɛ nɔ tim maga tusa funɛ sɔɔniu, domi ba nyɛ ba na namsiu kinkan. Ba funɛ zɔ zɔɔlɛu a kpa dɔŋa wa kina.

JɔnN Deesi 13:10

O ya Koosa tutɔrɛ ba zi wa kpaksi ma bɔnɛ a tɔ dɛ a kpa chisi zene a kpu ma bɔnɛ. O lawa ma naa ya Koosa nara di ma namsi wa kanyita niu a kpak nɛnɛ hali o bɔ wa tel. Kin nama zi sir yau.

JɔnN Deesi 13:14

Domi kpok naa sel zen naa nyuha funɛ huusi a peti chen, fun kpa a nyɛ un chen, o fun koti a tum tum zene a la mur tɛɛnɛ nɔ tim maga. O fun ŋɔ ba di ba kɔɔri vura o chi sel zen naa nyuha funɛ huusi ka o ha vɛɛn kpak miisa chen a jɛɛmi un.

JɔnN Deesi 13:8

Koosa funɛ te sɔbi ba naa maga la zi wa la o mi fali ti, sɔna a du o tɔn ti ni a zi naami tɛɛnɛ nɔ maga. O piisi be naa ba fun kpu chen, dɔ tɔn ti. Ba naa maga sɔna vɛ nyɛn tɔn ti ni, funɛ jɛɛmi sel zen tire.

JɔnN Deesi 14:12

Chendaha o lawa Koosa nara ba naa la tiŋ Koosa chiksɛ nɔ ka ba vɛ bur Yesu tiŋi ni, ba li lalaknɔ namsi wa kanyita niu.

JɔnN Deesi 14:6

Doone mu fun nyini a na ka malaika funɛ za buudaha bar boli ni. O fun chuŋi Koosa laaboor weri ti di o la nyɛ pulumsa awa buure ba naa maga la sɛm sɛm kurgɛ a nyɛn tɛɛnɛ nɔ ni.

JɔnN Deesi 16:14

Alizin tagna tora ta funɛ kpak kpok di a tum tum zene damata. Ba fun gba a lagmi tɛɛnɛ nɔ tim maga koorsa awa ba walɛ, chen ni Koosa wuzu zen naa o zi wa di ba sɛria chen wa tel, ba zi chem unu a li laal ni.

JɔnN Deesi 17:2

Tɛɛnɛ nɔ tim maga awa ba koorsa wa un funɛ tum sakaal tuma. Chenani ba wa un fun tum chi sinnɛ ba nyɔ a dɛɛsi.”

JɔnN Deesi 17:8

Sel zen naa i fun na chen, wa bu to o miisa ni. O wa zi vusi ka o li bɔ naa vɛ kpak bar peti chen ni a kaali din dama. Koosa funɛ te sɔbi ba naa maga la zi wa la o mi fali ti, sɔna a du o tɔn ti ni a zi naami tɛɛnɛ nɔ maga. Ba naa kaɛɛ a na ka sel zen naa funɛ sou chen bu kpak miisa, alaazibu zi kpak bau kinkan.

JɔnN Deesi 2:10

Ma ta ɔm chenani ma namsi zi wa gbaari. Sintana zi wa nyɛ ba kpak ma bɔnɛu a tɔ dɛ di o zaamsi ma a nyɛ ma namsi kinkan wuzu fi. Ba daŋni ba kpu ma, ma kpak nɛnɛ ka mu zi kpa Koosa mi fali ti a nyɛ ma.

JɔnN Deesi 3:8

Mu zim chenani maa tumu awa chenani ma vɛ kpak kpoku, amaa ma tiŋ mu biksi ti a vɛ li mu gantɛl nara bambaan ni. Chendaha mu fun puk mu koor ti bulzɔɔnɔ di ma zu. Nandigi wa to a la zi tɔ un.

JɔnN Deesi 6:10

Ba fun tɛsi ta zaŋa a ŋɔ, “Ya kunyana, hin ya tu chaan tiina awa wuti tiina a kpak kina maga kpok. Yɛrɛ o zi vusi ka i di tɛɛnɛ nɔ tim maga sɛria a lɛrgi ba diŋsa chenani ba fun kpu ya chen daha?”

JɔnN Deesi 8:13

Mu fun nyini a na ka tiisi nyɛn dooni a za buudaha bar boli ni. O fun ŋɔ wa ta zaŋ ni, “Malaikasa tora a naa kaɛɛ nan wa hu a kaabulsa, yɛrɛ o kaa wa du ba naa nyɛn tɛɛnɛ nɔ maga ni?”