JɔnN Deesi 22:6 - Tampulma

⁶ Doone malaika ti fun ŋɔ min, “Chenani mu kaa ŋɔ hin deŋlu a ya wuti. Ya kunyana Koosa naa funɛ kpa o siim weri ti a du o witinsi ta ni, funɛ tum o malaika di o biksi o tumtumsa chenani la zi wa ya lalaga.”

JɔnN Deesi 22:6 Σταυροειδείς Αναφορές

Mat. 13:41

Mu waa nibine be zi wa tum Koosa malaikasi tau di ba la lagmi ba naa la tum tum tagna awa ba naa la biksi nara tum tagna nyinbaan a purigi ba a li ba naa Koosa dɔ ni.

Luk 1:70

Saha digi Koosa funɛ ŋɔ o witinsa naa o fun lisi a nyɛ o titi ni di ba sɔbi a li o sɛm tɔn ti ni,

Luk 16:16

“Chiksɛ naa Koosa fun kpa nyɛ Mosis ni awa chenani Koosa witinsi ta fun sɔbi chen biksi ma chenani ma zi nyɛn, hali saha naa Jɔn fun wa a biksi ma di Koosa duglɛu wa o dɔ nara. Lalaknɔ nidamata se sɛrɛu di o dɔ ba.

Tuma 12:11

Doone Pita fun zim chenani yɛɛ a ŋɔ o titi ni, “O ya wutirɛ ya kunyan Koosa fun tum o malaikasi ta digi di o wa yisi min a li Hɛrɔd nin ni. O gbanko funɛ yisi minu a li chenani Ju tim ta kaa namsi min niu.”

Tuma 3:18

Koosa funɛ nyɛ o witinsi ta mɔɔli saha digi di naa o vɔu di o zi wa tumu chen, zi wa namsiu. Koosa fun nyɛ ba sɛm ta ya wuti.

Room 1:2

Laaboor weri nɔ ya kin nawara o fun vɔu saha digi chen a fun nyɛ o witinsi ta sɔbi a li o sɛm tɔn ti ni.

1 Kɔr. 14:32

Ba naa la sɛm a li o kpok ti ni, o lawa ba kpak ba titiu nɛnɛ.

1 Kɔr. 7:29

Mu niinbisa, wu namsɛ saha duglɛu. Nan daha ma naa kpak haanasa, ma nyɛn a chi ba wa kpak haanasa.

Ju 12:9

Ya titi nyama funɛ buksi ya ka ya nyɛ ba jirima. Koosa naa ya ya nyana gbanko a kpa o mi fali ti a nyɛ ya, buksi ya, o lawa ya nyɛ un jirimau a kaali chenani ya nyɛ ya nyama wa jirimau.

2 Pita 1:21

Koosa witinsi ta sɛma wa fun li nibinsa watɛɛ, amaa Koosa siim weri ti funɛ kpa o sɛma a nyɛ ba di ba kpa a biksi nara.

2 Pita 3:2

Mu daŋni maa lisi sɛm naa Koosa witinsi ta fun sɛm saha digi wɛwa awa chenani ya kunyana naa funɛ yisi ya a li ya tum tagna ni yaa tiŋ un, fun a biksi o nitumɛ. Ba fun kpa chenani ba nu a wa biksi ma.

JɔnN Deesi 1:1

Min waa, Jɔn, la sɔbi tɔn nɔ a nyɛ Koosa tumtumsi ni di mu biksi ba chenani la zi ya lalaga. Koosa funɛ te kpa kin nama maga a sogli a zi kpa a a li gbampulim a nyɛ Yesu Kristo ni. Waa funɛ kpa a a nyɛ mu waa naa ya Yesu tumtum ni.

JɔnN Deesi 18:20

Doone mu fun nu ta ka o ŋɔ, “Ma naa ya Koosa nitumɛ awa o witinsa wa ba naa maga nyɛn o tɔhɔn ti ni, ma nyɛ ma tusa sɔɔni kinkan domi tɔ zen ti chel daha. Waa funɛ na o galimsa a ta un yɔri ma daha.”

JɔnN Deesi 19:9

Malaikasi ta digi fun wa ŋɔ min, “Sɔbi chenani mu kaa sɛm nan a dau. Ba naa ba zi yir ba wa piisi be ti di diwe a li haan fali dam ti ni, ba tusa zi sɔɔni.” O funɛ sɛm nannɛ a peti a bu sɛm tama a gbaari, “Sɛm na ya Koosa wuti sɛmwa.”

JɔnN Deesi 21:5

Doone naa funɛ kanɛ a li Koosa jirima bar kani ni, fun ŋɔ min, “Mu naami kina maga kifalɛ.” O fun bu ŋɔ min, “Sɔbi chenani mu kaa ŋɔ hin nan a dau, domi mu sɛma deŋlu a ya wuti.

JɔnN Deesi 21:9

Doone malaikasa naa funɛ kpak salma gbaŋsa a kpa wichɔɔrtisa nɔpɛ a du a ni, digi fun wa ŋɔ min, “Kuwa mu biksi hin piisi be ti haan.”

JɔnN Deesi 22:1

Malaika ti fun biksi min Koosa mi fali pul naa la chaani a chi diga. O funɛ li Koosa awa piisi be ti jirima bar kani nɛɛ,

JɔnN Deesi 22:16

“Min, Yesu, funɛ tum mu malaika di o mɔɔli kin nama maga a nyɛ ba naa maga la tiŋ min ni. Min ya koor Devid be luli. Mu chaani kinkan chi chau wul.”

JɔnN Deesi 22:7

Yesu ŋɔ ma, “Ma nu mu sɛm na. O wa zi vusi ka mu bur wa. Ba naa maga se su chenani mu sɔbi a li tɔn nɔ ni, ba tusa zi sɔɔni.”

JɔnN Deesi 4:1

A gantɛl ni mu fun bu nyini a na kundɔŋ a chi mu deesi. Koosa tɔhɔn ti bulzɔɔnɔ funɛ puku, ka ta zaŋa naa mu fun te nu chen chi kaabul fun ŋɔ min, “Zini kuwa bar nɔ ka mu biksi hin chenani la zi wa ya.”