JɔnN Deesi 22:18 - Tampulma

¹⁸ Min, Jɔn, la te ba naa maga nu tɔn nɔ sɛma, nin kinkan. Nandigi wa kpa kundɔŋ a gbaari mu sɛm nama ni, Koosa zi kpa wichɔɔrtisa a naa malaikasa nɔpɛ ta kpaku a gbaari chenani o kaa lɛrgi o diŋnau.

JɔnN Deesi 22:18 Σταυροειδείς Αναφορές

Mat. 15:13

Yesu fun ŋɔ o gantɛl tiŋsi ta ni, “Mu nyana naa nyɛn o tɔhɔn ti ni chi nipari yaa du o kina. Wuzu digi o zi wa ŋɔ o tumtumsi niu ba la kpirki kin naa maga o vɛ duuli a ta.

Ɛfɛ. 4:17

Domi ma wa ma kunyan ti ya nibɛgim daha, mu daŋni mu ŋɔ ma di ma ta nyɛni a chi ba naa vɛ zim Koosa nyɛni. Chenani ba lisi ya yɔrirɛ,

1 Tɛs. 4:6

Nandigi ta daŋni o dɔŋtiin haan, akoo fuksi un. Nar la ya nan, o tum tum taginnɛ a nyɛ un. Ya funɛ piin ŋɔ mau kin na wɛu a tɛ ma nin kinkan di ba naa la tum tum tagna nan, Koosa zi wa lɛrgi ba diŋsau a ta ba yɔri.

JɔnN Deesi 1:3

Ba naa karimi tɔn nɔ a ŋɔ ba dɔŋtim ni awa ba naa nu chenani la zi wa ya ka ba tiŋ mu sɛma, ba tusa zi sɔɔniu kinkan. Saha naa kin nama kaa wa ya duglɛu.

JɔnN Deesi 15:1

Doone mu fun nyini a na ka dana zen naa nyɛ alaazibu fun kpak min, fun nyɛn buudaha ni. Malaikasa nɔpɛ fun kpak wichɔɔrta a naa kurgɛ, kina nɔpɛ a nyɛn dooni. Ba wa kaali a nyɛ wichɔɔrtisi ta kpaksi tɛɛnɛ nɔ tim maga, chenani Koosa na paan a du ba ni a lɛrgi ba diŋsa zi wa petiu.

JɔnN Deesi 15:6

Malaikasa nɔpɛ naa funɛ kpak wichɔɔrtisa nɔpɛ ta fun li dooni. A fun laari kipilima kinkan a wer ka salma gar we kirisi a bambe.

JɔnN Deesi 19:20

Koosa tɔhɔn lanjimasi ta fun nyaŋi tɛɛnɛ nɔ tim maga lanjimasi ta a kpaksi sel zen ti awa witiina naa vɛ zim Koosa. Witiin ti yaa funɛ tum tum zenewa sel zen ti suwachak ni di o mur ba naa sel zen ti fun kpa o sɔn a dani ba a la jɛɛmi o vura. Koosa tɔhɔn lanjimasi ta fun kpa sel zen ti awa witiin ti a la yo a du bɛɛŋ naa din bu saha maga ni ka ba nyini.

JɔnN Deesi 20:10

Doone ba zi zer sintana naa gbaɛɛ a mur nara a yo du a gbaari sel zen ti awa witiina naa vɛ zim Koosa a li bɛɛŋ naa din di saha maga ni. Doonee ba wa un zi namsi kinkan hali saha naa vɛ kpak bɔ.

JɔnN Deesi 20:15

Ba naa ba ha vɛ sɔbi ba sɔna a du Koosa mi fali tɔn ti ni, ba fun kpa ba a yo du bɛɛŋ ti gbanko ni.

JɔnN Deesi 22:10

O fun bu ŋɔ min, “Ta kpa sɛm naa nyɛn tɔn nɔ ni a sogli, domi o wa zi vusi ka a zi ya wuti.

JɔnN Deesi 22:16

“Min, Yesu, funɛ tum mu malaika di o mɔɔli kin nama maga a nyɛ ba naa maga la tiŋ min ni. Min ya koor Devid be luli. Mu chaani kinkan chi chau wul.”

JɔnN Deesi 22:7

Yesu ŋɔ ma, “Ma nu mu sɛm na. O wa zi vusi ka mu bur wa. Ba naa maga se su chenani mu sɔbi a li tɔn nɔ ni, ba tusa zi sɔɔni.”

JɔnN Deesi 22:9

Amaa o funɛ ŋɔ minu, “Ta ya chen, domi mu wa hin awa i niinbisa ba naa ya Koosa witinsa ka ba tiŋ tɔn nɔ sɛma nɔ, ya Koosa tumtumsiwa. Kijɛɛmi o duŋduŋ.”

JɔnN Deesi 3:14

“Sɔbi kin nama a la nyɛ naa la nyini Yesu nitiŋɛ ta a li Laodisia ni. “Mu waa naa ba ya yir Ami ka mu biksi nara Koosa wuti wɛ. Waa funɛ nyɛ mu naami kina maga a li o piili ti ni.