JɔnN Deesi 22:16 - Tampulma

¹⁶ “Min, Yesu, funɛ tum mu malaika di o mɔɔli kin nama maga a nyɛ ba naa maga la tiŋ min ni. Min ya koor Devid be luli. Mu chaani kinkan chi chau wul.”

JɔnN Deesi 22:16 Σταυροειδείς Αναφορές

Mat. 1:1

Yesu Kristo nawaalsa nɛɛnɛ. Koor Devid funɛ ya Yesu nawaal bunirɛ. Abraham gbanko funɛ ya Yesu nawaal bunirɛ.

Mat. 2:2

Ba fun pɛɛsi nara, “Leene ba fun lul be naa kaa wa ya Ju tim koora chen? Ya wau di ya wa jɛɛmi un, domi ya na o wulu ka o li nha bar yɛli aa wa.”

Mat. 22:42

“Anti be lulirɛ ma ya ŋɔ di Kristore?” Ba fun ŋɔ, “O ya koor Devid be lulirɛ.”

Mat. 22:45

Devid titi funɛ yir un o kunyan ti chen ni, yɛrɛ o bu kaa ya a zen a kaali un?”

Luk 1:78

Ya kunyan Koosa ya jɛrgi tiina a kpak ya siki. Chenani o daŋni o yisi ya a li ya tum tagna ni chi nha yaa yɛli chene.

Luk 20:44

Devid titi funɛ yir un o kunyana chen ni, yɛrɛ o bu kaa ya a zen a kaali un?”

Room 15:12

O witiina Azaaya fun a sɔbi, “Jɛsɛ be luli zi siu a dɔ ba naa vɛ ya Ju tima. Ba zi kpak bambi bɛgim un niu.”

Room 9:5

Ba waa ya Abraham awa Aizik awa Jakɔb bi lulɛ. Ba waa funɛ lul Kristo. O gbanko ya Koosa a dɔ kina maga. Ma nyɛ ya pɛgi un hali saha naa vɛ kpak bɔ. Ami.

2 Pita 1:19

Adaha sɛm naa Koosa witinsa fun sɛm saha digi, a ya wuti sɛmwa. O lawa maa nu au nɛnɛ. Ba sɛma chi fitina naa la chaani birsa nɛɛ hali Yesu Kristo wa bur wa. O fitin ti zi wa chiŋi a bar chiŋi niu a nyɛn ma bambe ni.

JɔnN Deesi 1:1

Min waa, Jɔn, la sɔbi tɔn nɔ a nyɛ Koosa tumtumsi ni di mu biksi ba chenani la zi ya lalaga. Koosa funɛ te kpa kin nama maga a sogli a zi kpa a a li gbampulim a nyɛ Yesu Kristo ni. Waa funɛ kpa a a nyɛ mu waa naa ya Yesu tumtum ni.

JɔnN Deesi 1:11

ka o ŋɔ min, “Sɔbi chenani i kaa na a du tɔn ni a nyɛ Yesu nitiŋɛ ba naa nyɛn Ɛfɛsus, Sumana, Pɛgamum, Tiataya, Sardis, Filadɛlfia, awa Laodisia a li Azia pulum ni.”

JɔnN Deesi 1:4

Min waa, Jɔn, la sɔbi tɔn nɔ bar digi a nyɛ Yesu nitiŋɛ ba naa purige bunɔpɛ a li Azia pulum ni. Koosa naa funɛ nyɛn a ha vɛɛn nyɛn, o zi nyɛnu. O wa siimsa nɔpɛ a naa nyɛn o suwachak ni a li o tɔhɔn ni,

JɔnN Deesi 2:11

“Ma cheŋi ma diŋsa a nu chenani Koosa siim weri ti sɛm a nyɛ Yesu nitiŋɛ ba naa nyɛn Azia pulum ni. Ba naa kpak nɛnɛ hali a la tel o bɔ, Koosa wa zi kpa ba a gbaari ba naa o zi wa na ba galimsa a ta ba yɔri.”

JɔnN Deesi 2:17

“Ma cheŋi ma diŋsa a nu chenani Koosa siim weri ti sɛm a nyɛ Yesu nitiŋɛ ba naa nyɛn Azia pulum ni. Ba naa kpak nɛnɛ hali a la tel o bɔ, mu zi kpa diwe naa ba yir ‘mana’ ka o sogliu, a nyɛ ba ba di. Mu zi sɔbi sɔn falɛu a sak buŋkul pilimi ni a kpa nyɛ ba. Ba naa la a chen duŋduŋ la zi zim chenani sɔbi sak o kin ni.”

JɔnN Deesi 2:7

“Ma cheŋi ma diŋsa a nu chenani Koosa siim weri ti sɛm a nyɛ Yesu nitiŋɛ ba naa nyɛn Azia pulum ni. Ba naa maga vɛ bur mu tiŋi ni, mu zi nyɛ ba nyinbaanu ba di Koosa mi fali bugil nɔnau. O bi Koosa tɔhɔn naa weri nee. Ba naa maga nyɛn dooni, ba tusa sɔɔnɛu kinkan.”

JɔnN Deesi 22:1

Malaika ti fun biksi min Koosa mi fali pul naa la chaani a chi diga. O funɛ li Koosa awa piisi be ti jirima bar kani nɛɛ,

JɔnN Deesi 22:11

Chen saha ti wa tel, ba naa la tum tum tagna awa tum doŋa, ba zi tum au a gbaari. Ba naa ka la tum tum were, ba zi tum au a gbaari. Ba naa ya tu chaan tima gbanko tusa zi chaaniu a gbaari.”

JɔnN Deesi 22:20

Naa chiŋɛ mu sɛm na gantɛl ni ŋɔɛɛ di, “Wuti o wa zi vusi ka mu bur wa.” Nyɛ o ya a chi chenani i ŋɔ chen. Ya kunyana, bur kuwa.

JɔnN Deesi 22:6

Doone malaika ti fun ŋɔ min, “Chenani mu kaa ŋɔ hin deŋlu a ya wuti. Ya kunyana Koosa naa funɛ kpa o siim weri ti a du o witinsi ta ni, funɛ tum o malaika di o biksi o tumtumsa chenani la zi wa ya lalaga.”

JɔnN Deesi 3:13

“Ma cheŋi ma diŋsa a nu chenani Koosa siim weri ti sɛm a nyɛ Yesu nitiŋɛ ba naa nyɛn Azia pulum ni.”

JɔnN Deesi 3:22

“Ma cheŋi ma diŋsa a nu chenani Koosa siim weri ti sɛm a nyɛ Yesu nitiŋɛ ba naa nyɛn Azia pulum ni.” O fun sɛm chen peti a kaali.

JɔnN Deesi 3:6

“Ma cheŋi ma diŋsa a nu chenani Koosa siim weri ti sɛm a nyɛ Yesu nitiŋɛ ba naa nyɛn Azia pulum ni.”

JɔnN Deesi 5:5

Nihɛɛti ta digi fun bur a ŋɔ min, “Ta nyɛ i sini kilili. Naa ba yir gbogumti chen a li Juda buuri ni, waa ya koor Devid bi luli. O funɛ kpaku hali o bɔ a nyaŋi o dɔma a koti a kasi kitɔɔlisa nɔpɛ ta a puk tɔn ti. Kina, waa nɛɛnɛ.”