JɔnN Deesi 20:4 - Tampulma

⁴ Doone mu fun na jirima bar kanɛ dooni. Ba funɛ kpa kpok a nyɛ ba naa kanɛ dooni di ba di sɛriasa. Mu gbanko funɛ na ba naa tɛɛnɛ nɔ tim maga fun kpu domi ba funɛ biksi ba Yesu wuti wɛu. Ba wa funɛ jɛɛmi sel zen ti akoo o vura, a vɛ nyɛ o kpa o sɔn a dani ba tilsa awa ba nisa. Kristo fun lɛli ba a li ba sou ni a nyɛ ba wa un ya koorsa a dɔ bun tusuga.

JɔnN Deesi 20:4 Σταυροειδείς Αναφορές

Mat. 19:28

Yesu fun ŋɔ un, “Wutirɛ n kaa ŋɔ ma nan. Mu waa nibine be wa bur wa di mu wa dɔ tɛɛnɛ nɔ maga nara a di ba sɛria, ma gantɛl tiŋsa nara fidalɛ na gbanko zi wa di Ju tim buri fidalɛ sɛriau.

Mat. 24:10

Chen saha ti nidamata se wa zi bu wa su min. Ba zi wa li dɔŋ gantɛlau a ha dɔŋa.

Maak 6:16

Koor zen digi funɛ nyɛn doon. Ba funɛ yir un Hɛrɔd. O funɛ nu Yesu wɛ, o fun ŋɔ o titi ni, “Baal nɔ wa Jɔn naa la chaksi nara chen ya nibɛgimnɛ. Mu nyɛ ba fun teŋ o nyuha, amaa o bur si o sou niu.”

Maak 6:27

O fun a tum o lanjimasi ta digi di o la a la teŋ Jɔn nyuha a kpa wa. O fun kaali doonani ba fun tɔ un dɛ chen a la teŋ Jɔn nyuha,

Maak 9:11

Ba fun pɛɛsi Yesu, “Yɛrɛ Koosa chiksɛ nibiksɛ ta yaa ŋɔ di Ɛlaija kaa te wa a zi nyɛ Koosa Kristo ni?”

Luk 1:17

Saha digi Koosa funɛ kpa o kpok a du o witiina Ɛlaija ni a nyɛ o ya o nitumi. Jɔn gbanko zi wa ya Koosa nitumi a chi un. O zi wa kpa bisa awa ba nyamau ba naa waligɛ dɔŋ ni a lagmi. Ba naa vɛ tiŋ Koosa nyinbaan, o zi wa nyɛ ba bur wau a wa tum tum were. O zi wa saksi Koosa narau ba la un.”

Luk 14:14

Ba wa kpak nyinbaan a la zi bɔ hin chenani i ya ba chen. Chenani i suŋi ba zi nyɛ i tuha sɔɔniu. Tɛɛnɛ nɔ maga siili wa tel ka Koosa wa lɛli niwere ta a li ba sou ni, o zi wa bɔ hin i chimu i tim were daha.”

Luk 22:30

Wuzu digi ma wa min zi wa di diweu a li mu koor ti ni ka ma kani koorsa bar kanɛ ni di ma di Ju tim buri fidalɛ ti sɛria.”

Jɔn 14:19

Saha naa tɛɛnɛ nɔ tim maga vɛ kaa wa na min chen duglɛu, amaa ma waa ka zi bu na minu. Domi mu zi wa si mu sou niu, ma gbanko zi wa si ma sou niu.

Room 11:15

Koosa funɛ vɛ Ju tim tau ba vɛ kpak se suuli daha, o fun burgi a daŋni o wa ba naa vɛ ya Ju tima ya nɔ bɛgim. O wa la Ju tim ta, chen la zi nyɛ ba naa vɛ ya Ju tima na nyɔɔra hali a la gali.

Room 8:17

Chendaha wuzu digi ya zi wa la kin naa o fun vɔu di o kpa nyɛ yau. Kristo wa ya gbanko zi bɔni kin naa Koosa fun vɔu di o kpa nyɛ unu. Ya namsi lalaknɔ Kristo sɔn daha, wuzu digi o wa ya zi wa bɔni o jirima awa o chaani kinkanu.

2 Tim. 2:12

Ya di ya namsi maga, wuzu digi ya wa un zi wa ya koorsau. Ya vɛ un, o gbanko zi vɛ yau.

JɔnN Deesi 1:2

Mu funɛ kpa Koosa sɛmau, chenani Yesu Kristo biksi ya o titi wɛ awa kin naa maga mu fun na a nu a sɔbi a dau bar nɔ.

JɔnN Deesi 1:9

Mu waa, Jɔn, ya ma niinbe. Mu wa ma la namsi Yesu daha, amaa o suŋi yau ya di un, chen ni ya zi la zu o koor tiu wuzu digi. Ba fun kpa min a la nyɛ mu nyɛn pulum we naa ba yir Patmɔs ka ni go un. Ba funɛ ya chene, domi mu funɛ mɔɔli Koosa laaboor weri ti a ŋɔ nara wuti naa Yesu fun biksi ya a li gbampulim ni chen wɛ.

JɔnN Deesi 11:11

Wuzu butora awa wuzu bore gantɛl ni, Koosa fun tum o siim weri ti di o lɛli ba a li ba sou ni. Nara funɛ na ba ka ba bu chiŋi, hansura fun kpak ba kinkan.

JɔnN Deesi 11:15

Doone malaikasa nɔpɛ tiina fun hu o kaabul. Mu fun nu ta kpoka a li Koosa tɔhɔn ti ni ka a ŋɔ, “Ya kunyana awa Kristo naa o fun lisi a nyɛ o titi ni kpak kpok a dɔ tɛɛnɛ nɔ maga. Waa la zi dɔ un hali saha naa vɛ kpak bɔ.”

JɔnN Deesi 11:3

Chen saha ti mu zi nyɛ nara balɛ laari taktasa a naa la lɔk barau a biksi nara tima Koosa sɛma wɛ wuzu tusuga awa kɔksa lɛ di fumnɔra.”

JɔnN Deesi 11:7

Ba funɛ biksi Koosa sɛma a peti, sel zen naa kpak kpok kinkan funɛ wa li bɔ naa vɛ kpak bar peti chenu a chem ba yo niu. O fun nyaŋi ba a kpu ba maga,

JɔnN Deesi 12:11

Chenani Kristo naa ya Koosa piisi be, fun sou awa chenani ya niinbisa fun biksi nara o wɛ a fun saksi di ba sou a nyɛ un, kin nama funɛ nyaŋi sintana.

JɔnN Deesi 14:11

Din naa nyɛ ba namsi, nyɔɔsa zini buudaha hali saha naa vɛ kpak bɔ. Ba naa funɛ jɛɛmi sel zen ti awa o vur ti a nyɛ o kpa o sɔn a dani ba, ba waa la namsi a vɛ hiisi.”

JɔnN Deesi 15:2

Mu fun na Koosa nara ba naa maga vɛ jɛɛmi sel zen ti akoo o vura a vɛ nyɛ o kpa o sɔn awa kɔksa nɔra di fumnɔra danɔra a dani ba. Ba fun chiŋi a dugli bɛɛŋa naa funɛ pɛn a lili a chi diga ka din nyɛn o daha ni, a kpak gɔnjisa a naa Koosa fun kpa a nyɛ ba.

JɔnN Deesi 17:8

Sel zen naa i fun na chen, wa bu to o miisa ni. O wa zi vusi ka o li bɔ naa vɛ kpak bar peti chen ni a kaali din dama. Koosa funɛ te sɔbi ba naa maga la zi wa la o mi fali ti, sɔna a du o tɔn ti ni a zi naami tɛɛnɛ nɔ maga. Ba naa kaɛɛ a na ka sel zen naa funɛ sou chen bu kpak miisa, alaazibu zi kpak bau kinkan.

JɔnN Deesi 2:26

Ma kpak nɛnɛ a sɔɔni mu tuha hali a la tel o bɔ, mu zi vɔti ma mu koorsau ma dɔ tɛɛnɛ nɔ tim maga.

JɔnN Deesi 20:6

Ba naa Kristo fun te lisi a lɛli ba a li ba sou ni, ba tusa zi sɔɔniu. Ba zi ya Koosa awa Kristo dam kɔkɔɔrsau ka ba wa un dɔ bun tusuga. Saha ti wa peti ka Koosa zi wa na ba naa kpalimi chen galimsa a ta ba yɔri, o wa zi wa la nɔɔni di o ya chen a nyɛ ba.

JɔnN Deesi 22:5

a nyɛ ba ya koorsa hali saha naa vɛ kpak bɔ. Dusum wa fun to dooni, domi ba kunyan Koosa la nyɛ ba chaani. Ba wara daŋni nha akoo fitinsa nyɛ ba chaani dooni.

JɔnN Deesi 3:21

Ba naa kpak nɛnɛ hali a la tel o bɔ, mu zi nyɛ ba bɔni mu jirima bar nyɛniu Koosa chakpal ni. Mu funɛ kpak nɛnɛ hali a fun la tel o bɔ. Chendaha o nyɛ mu kani dooni.

JɔnN Deesi 4:4

Bar kanɛ fumlɛ danaasi funɛ go un. Nihɛɛta nara fumlɛ danaasi funɛ kani doonma ni. Ba maga funɛ laari kipilimiwa a chik salma nyuchigsa.

JɔnN Deesi 6:9

Doone piisi be ti fun kasi kitɔɔli anyuun tiina a bu puk tɔn ti tama a gbaari. Mu fun nyini a na ka biŋbiŋa nyɛn dooni. Ba naa tɛɛnɛ nɔ tim maga fun kpu domi ba funɛ biksi ba Koosa laaboor weri ti wɛ a vɛ bur gantɛl a li ba biksi ni, ba funɛ nyɛn biŋbiŋ ti mun nɛɛ.

JɔnN Deesi 7:3

“Ma nyɛ mu te dani Koosa tumtumsa a li ba tilsa ni ka ma zi chɔk tɛɛnɛ awa ni wa bugila.”