JɔnN Deesi 2:7 - Tampulma

⁷ “Ma cheŋi ma diŋsa a nu chenani Koosa siim weri ti sɛm a nyɛ Yesu nitiŋɛ ba naa nyɛn Azia pulum ni. Ba naa maga vɛ bur mu tiŋi ni, mu zi nyɛ ba nyinbaanu ba di Koosa mi fali bugil nɔnau. O bi Koosa tɔhɔn naa weri nee. Ba naa maga nyɛn dooni, ba tusa sɔɔnɛu kinkan.”

JɔnN Deesi 2:7 Σταυροειδείς Αναφορές

Mat. 11:15

Maa cheŋi ma diŋsa a nu mu sɛma.

Mat. 13:43

Tum were nitumɛ ta ka zi chaaniu a chi nha a li ba kunyan koor ti ni. Ma naa kpak diŋsa, maa nu.”

Mat. 13:9

Doone Yesu fun ŋɔ ba di, “Ma naa kpak diŋsa aa nu, maa nu nɛnɛ.”

Maak 4:9

Yesu fun ŋɔ ba, “Ma naa kpak diŋsa aa nu, maa nu nɛnɛ.”

Maak 7:15

Kin naa la zu ma tuha, o wara nyɛ ma doŋa, amaa kinkin naa la li ma nɔ ni, warɛ nyɛ ma doŋa. ((

Maak 7:16

Ma naa kpak diŋsa aa nu, ma nyɛ a nu nɛnɛ.”))

Luk 23:43

Yesu fun ŋɔ un, “Mu ŋɔ hinu wuti ni, i wa min zi zu Koosa koor ti niu zinan.”

Luk 8:8

Bɔnɛ ka fun chesi tɛɛn weri ni a nyu a zini a lulsi kɔkkɔkwa a bi nɛnɛ.” Doonee Yesu fun ŋɔ ba, “Ma naa kpak diŋsa aa nu, maa nu nɛnɛ.”

Jɔn 16:33

Chenani ma nyɛn tɛɛnɛ nɔ maga ni zi nyɛ ma na namsiu kinkan. Chenani ma wa min ya nibɛgim a nyɛn ka zi nyɛ ma bara sɔɔniu. Chendaha mu fun ŋɔ ma kin nama. Ma kpak ma bambe. Mu kpok ti ya kizen a kaali tɛɛnɛ nɔ tim maga kpok.”

1 Kɔr. 2:10

Amaa lalaknɔ Koosa funɛ nyɛ o siim weri ti biksi ya kin nama wɛ. O siim weri ti nyini kina maga a zim Koosa wu sogle gbanko.

2 Kɔr. 12:4

Mu funɛ zu dooni, mu funɛ nu sɛmau a naa mu vɛ koti a sɛm ma.

1 Jɔn 2:13

Nibahɛɛta, mu sɔbi nannɛ a nyɛ ma domi ma waa piin zim naa funɛ nyɛn dooni a li piili ti niu. Bunɔɔna, mu sɔbi nannɛ a nyɛ ma domi ma funɛ nyaŋi sintanau.

JɔnN Deesi 13:9

Ma cheŋi ma diŋsa a nu mu sɛm na nɛnɛ.

JɔnN Deesi 14:13

Doone mu fun nu ta a li Koosa tɔhɔn ti ni ka o ŋɔ, “Sɔbi chenani mu kaa sɛm nan a dau. Ba naa tum tuma aa nyɛ ya kunyan ni a wa siti, ba tusa zi sɔɔniu.” Koosa siim weri ti fun ŋɔ a gbaari, “I sɛma ya wutirɛ.” Koosa zi bɔ ba ba chimu a nyɛ ba hiisi a li ba tum kpok kinkan ni ka ba tusa sɔɔni.

JɔnN Deesi 15:2

Mu fun na Koosa nara ba naa maga vɛ jɛɛmi sel zen ti akoo o vura a vɛ nyɛ o kpa o sɔn awa kɔksa nɔra di fumnɔra danɔra a dani ba. Ba fun chiŋi a dugli bɛɛŋa naa funɛ pɛn a lili a chi diga ka din nyɛn o daha ni, a kpak gɔnjisa a naa Koosa fun kpa a nyɛ ba.

JɔnN Deesi 2:11

“Ma cheŋi ma diŋsa a nu chenani Koosa siim weri ti sɛm a nyɛ Yesu nitiŋɛ ba naa nyɛn Azia pulum ni. Ba naa kpak nɛnɛ hali a la tel o bɔ, Koosa wa zi kpa ba a gbaari ba naa o zi wa na ba galimsa a ta ba yɔri.”

JɔnN Deesi 2:17

“Ma cheŋi ma diŋsa a nu chenani Koosa siim weri ti sɛm a nyɛ Yesu nitiŋɛ ba naa nyɛn Azia pulum ni. Ba naa kpak nɛnɛ hali a la tel o bɔ, mu zi kpa diwe naa ba yir ‘mana’ ka o sogliu, a nyɛ ba ba di. Mu zi sɔbi sɔn falɛu a sak buŋkul pilimi ni a kpa nyɛ ba. Ba naa la a chen duŋduŋ la zi zim chenani sɔbi sak o kin ni.”

JɔnN Deesi 21:7

Ba naa maga kpak nɛnɛ hali a la tel o bɔ, mu zi nyɛ ba nyɔ dooniu. Mu zi ya ba Koosau ka ba ka ya mu bisa.

JɔnN Deesi 22:14

“Ba naa chaksi ba kilaarɛ di a ta kpak doŋa a kpak nyinbaan di ba zu tɔhɔn ti bulzɔɔnɔ a di Koosa mi fali bugili nɔna, ba tusa zi sɔɔniu.

JɔnN Deesi 22:17

Koosa siim weri ti awa piisi be haan ti la ŋɔ, “Ma wa.” Ba naa maga nu ba sɛma zi gbaari a ŋɔ, “Ma wa.” Ma naa maga nyɔksa kpak, ma wa nyɔ Koosa mi fali ni yɔri.

JɔnN Deesi 22:2

a pal tu la tɔhɔn ti nyinbaan zen bambaan ni. Koosa mi fali bugila funɛ nyu a chiŋi pul ti nɔsi ni, a ya fun nɔn nɔni fidalɛwa bun bɛgim. A kpachaga nyɛ tɛɛnɛ nɔ tim maga na alaafɛ.