JɔnN Deesi 2:23 - Tampulma

²³ Mu zi nyɛ o bisa sitiu, chen ni Yesu nitiŋɛ ta maga zi zimu di min ya naa zim chenani nibinsa bambe du. Mu zi bɔ ma magau a li chenani ma tum ni.

JɔnN Deesi 2:23 Σταυροειδείς Αναφορές

Mat. 16:27

N waa nibine be zi wa bur wau awa Koosa kpok ni awa o malaikasa awa o jirima ni. N wa bur wa, n zi pa nara magau a li ba tum ni.

Luk 16:15

Yesu fun ŋɔ ba, “Ma tum tum were chen ni nara zi na au, amaa Koosa zim ma bambe wɛu. Chenani maa tum la zi nyɛ nara nyɛ ma jirima. Koosa wati a ya kipɔntiwa.

Jɔn 21:17

Yesu fun bu pɛɛsi un butor tiina, “Simɔn, Jonas be, ii daŋni minuu?” Pita funɛ nu ka Yesu pɛɛsi un butor tiina, o tuha fun chɔk. O fun ŋɔ, “Mu kunyana, hin zim chenani mu bambi du. I zimu di muu daŋni hinu.” Yesu fun bu ŋɔ un, “Kidɛɛsi ba naa la tiŋ min a chi chenani piisi gbaŋna dɛɛsi o piisisa.

Jɔn 4:16

Yesu fun ŋɔ un, “Kila a la yir i baal ma wa.”

Tuma 1:24

Ba naa maga funɛ lagmi dooni fun sumi Koosa a ŋɔ, “Ya kunyana, hin zim chenani nibinsa maga bambe du. Biksi ya naa ya kaa ya lisi a li nara balɛ na tuhu ni,

Room 14:12

Wuzu digi Koosa zi wa pɛɛsi ya chenani ya fun tumu.

Room 8:27

Koosa naa la nyini nibinsa bambe a zim chenani a du, waa zim chenani o siim weri ti lise. O siim weri ti zim Koosa tutɔ aa sumi chen a nyɛ o nara ni.

2 Kɔr. 5:10

Ya wa siti, ya maga zi la Kristo suwachaku di o di ya sɛria. Chenani ya fun a tum tum were koo tum tagna a li ya lalaknɔ bara ni, chene o zi wa bɔ ya chim.

Gal. 6:5

Nibine maga dɔ ba titi tumwa Koosa wati.

Ju 4:13

Kin naa maga Koosa fun naami chen, puku a li gbampulim ni Koosa se ni. Wuzu digi o zi wa pɛɛsi ya magau chenani ya tumu.

1 Pita 1:17

Maa sumi Koosa, ma yir un mu nyana. Wuzu digi o zi wa di nibinsa maga sɛriau a li ba tuma ni. O wara daŋni bɔnɛ aa gil bɔnɛ. Chendaha wuzuna a naa kaɛɛ nan, ma nyɛ un jirima kinkan.

JɔnN Deesi 2:11

“Ma cheŋi ma diŋsa a nu chenani Koosa siim weri ti sɛm a nyɛ Yesu nitiŋɛ ba naa nyɛn Azia pulum ni. Ba naa kpak nɛnɛ hali a la tel o bɔ, Koosa wa zi kpa ba a gbaari ba naa o zi wa na ba galimsa a ta ba yɔri.”

JɔnN Deesi 2:7

“Ma cheŋi ma diŋsa a nu chenani Koosa siim weri ti sɛm a nyɛ Yesu nitiŋɛ ba naa nyɛn Azia pulum ni. Ba naa maga vɛ bur mu tiŋi ni, mu zi nyɛ ba nyinbaanu ba di Koosa mi fali bugil nɔnau. O bi Koosa tɔhɔn naa weri nee. Ba naa maga nyɛn dooni, ba tusa sɔɔnɛu kinkan.”

JɔnN Deesi 20:12

Mu fun na tɛɛnɛ nɔ tim maga ba naa funɛ ya nibirige awa ba baa funɛ vɛ yaali ka Koosa lɛli ba a li ba sou ni. Ba funɛ chiŋi o jirima bar kani suwachak nɛɛ. Ba fun puk Koosa mi fali tɔn ti awa tɔni naa ba fun sɔbi ba tuma a du a tuhu ni. O fun di ba sɛria a li chenani ba sɔbi a du tɔni ta ni.

JɔnN Deesi 20:13

Ba naa funɛ siti ka ba sogli ba tɛɛnɛ awa teku ni ni awa ba naa funɛ nyɛn nisitɛ bar nyɛni ni, ba maga funɛ chiŋi dooni. O fun di ba sɛria a li tum naa ba tum ni.

JɔnN Deesi 22:12

Yesu ŋɔ, “Ma nu mu wati. O wa zi vusi ka mu wa bɔ ma chim a li chenani ma tum.

JɔnN Deesi 6:8

mu fun nyini a na zaaga ka o chi suwasi ni ka o nyɛn dooni. Naa funɛ zini zaag ti chen, sɔn funɛ ya ‘sou’. Nidigi sɔn funɛ ya ‘nisitɛ bar nyɛni’ fun tiŋ o gantɛl. Ba fun purigi tɛɛnɛ nɔ maga bunaasi a lisi bar digi a nyɛ ba di ba kpa nyinbaan kurgɛ a kpu ba naa maga nyɛn dooni. Nara balɛ ta fun kaali a nyɛ lɔsa awa wichɔɔrta chel dooni. Ba gbanko fun kpa chisi zene awa sel zene a kpu ba.