JɔnN Deesi 18:20 - Tampulma

²⁰ Doone mu fun nu ta ka o ŋɔ, “Ma naa ya Koosa nitumɛ awa o witinsa wa ba naa maga nyɛn o tɔhɔn ti ni, ma nyɛ ma tusa sɔɔni kinkan domi tɔ zen ti chel daha. Waa funɛ na o galimsa a ta un yɔri ma daha.”

JɔnN Deesi 18:20 Σταυροειδείς Αναφορές

Ɛfɛ. 2:20

Koosa nara chi dɛrɛ o sa. O witinsa ba naa funɛ nyɛn saha digi, awa o nitumɛ ba naa funɛ te biksi ba, ba chi dɛ ti zɛchik piilire. Yesu Kristo titi ya dɛ barmɔgli buŋkul. Lalaknɔ ma gbanko ya dɛ ti bar digirɛ.

Ɛfɛ. 3:5

Saha digi hali lalaknɔ Koosa wa fun biksi o wu sogle ta mun. Amaa lalaknɔ o kpa au a li gbampulim a nyɛ o siim weri ti biksi o witinsi ta awa o nitumɛ ba naa o fun lisi a nyɛ o titi ni.

Ɛfɛ. 4:11

O funɛ lisi a li o papaha ti ni a nyɛ o nitiŋɛ ta ni, o fun nyɛ ba bɔnɛ ŋɔ nara o wɛ, bɔnɛ nyini o nitiŋɛ ta, bɔnɛ ka biksi ba o wɛ,

2 Pita 3:2

Mu daŋni maa lisi sɛm naa Koosa witinsi ta fun sɛm saha digi wɛwa awa chenani ya kunyana naa funɛ yisi ya a li ya tum tagna ni yaa tiŋ un, fun a biksi o nitumɛ. Ba fun kpa chenani ba nu a wa biksi ma.

Juud 1:17

Mu bi daŋnɛ, ma lisi chenani ya kunyan Yesu Kristo nitumɛ fun te biksi ma,

JɔnN Deesi 12:12

Ma nyɛ ya naa maga nyɛn Koosa tɔhɔn ti ni tusa sɔɔni, amaa yɛrɛ o kaa wa du ba naa maga nyɛn tɛɛnɛ nɔ maga ni domi sintana wa ma nyɛnɛɛ. O na paanu kinkan, domi o zimu di o nyɛni saha wa zi vusi.”

JɔnN Deesi 18:6

Waa funɛ nyɛ nara tum tum tagna kinkan. Ma nyɛ ba la tum tum tagna bilɛ lalaknɔ a nyɛ un. Chenani o wa ba tum sakaal tuma funɛ chi sinnɛ o kpa nyɛ ba. Ma nyɛ ba kɔɔri sin bilɛ lalaknɔ a la nyɛ un.

JɔnN Deesi 6:10

Ba fun tɛsi ta zaŋa a ŋɔ, “Ya kunyana, hin ya tu chaan tiina awa wuti tiina a kpak kina maga kpok. Yɛrɛ o zi vusi ka i di tɛɛnɛ nɔ tim maga sɛria a lɛrgi ba diŋsa chenani ba fun kpu ya chen daha?”