JɔnN Deesi 17:8 - Tampulma

⁸ Sel zen naa i fun na chen, wa bu to o miisa ni. O wa zi vusi ka o li bɔ naa vɛ kpak bar peti chen ni a kaali din dama. Koosa funɛ te sɔbi ba naa maga la zi wa la o mi fali ti, sɔna a du o tɔn ti ni a zi naami tɛɛnɛ nɔ maga. Ba naa kaɛɛ a na ka sel zen naa funɛ sou chen bu kpak miisa, alaazibu zi kpak bau kinkan.

JɔnN Deesi 17:8 Σταυροειδείς Αναφορές

Mat. 25:34

Mu naa dɔ tɛɛnɛ nɔ maga zi ŋɔ ba naa nyɛn mu nindil ni, ‘Mu kunyana Koosa nyɛ ma nyusum. O funɛ naami tɛɛnɛ nɔ maga chen, o fun saksi kina a chiŋsi ma. Ma wa a wa la a lalaknɔ.

Luk 10:20

Chenani alizin tagni ta nu ma nɔna nyɛ ma tusa sɔɔniu. Koosa funɛ sɔbi ma sɔnau a du o tɔn ni a li o tɔha ti ni. Ma nyɛ ma tusa sɔɔni nan daha a kaali chenani a fun te sɔɔni.”

Luk 8:31

Alizin tagni ta fun sumi Yesu di o wa zi tum a a li a bar leli ti ni.

Jɔn 17:24

“Mu nyana, hin funɛ te daŋni min ka i wa min bɔni i jirima awa i chaani kinkan ka i zi naami tɛɛnɛ nɔ maga. Mu sumi hinu di i nyɛ ba naa i fun lisi nyɛ min chen, wa lagmi min ni ya nyɛn i tɔhɔn ti ni wuzu digi, chen ni ba zi wa na mu jirima awa mu chaani kinkanu.

Tuma 15:18

Kin namawa mu fun kpa biksi nara tima saha digi.’ ”

Ɛfɛ. 1:4

O fun te lisi ya a nyɛ o titi ni Yesu Kristo daha ka o fun a naami tɛɛnɛ nɔ maga, chen ni ya zi kotiu a ya bambi chaan tima ba naa o vɛ na ba galimsa o suwachak ni.

Tait. 1:2

Wuti biksi nɔ daha, ya kpak bambi bɛgim di o zi wa kpa o mi fali naa vɛ kpak bɔu a nyɛ ya. Koosa naa ya wuti tiina, funɛ te vɔu di o kpa o mi fali nɔ a nyɛ ya a zi naami tɛɛnɛ nɔ maga.

1 Pita 1:20

O funɛ te lisi Kristore a zi naami tɛɛnɛ nɔ maga. Tɛɛnɛ nɔ maga siili saha wa dugli, Koosa fun tum un di waa tum nan a nyɛ ma.

JɔnN Deesi 11:7

Ba funɛ biksi Koosa sɛma a peti, sel zen naa kpak kpok kinkan funɛ wa li bɔ naa vɛ kpak bar peti chenu a chem ba yo niu. O fun nyaŋi ba a kpu ba maga,

JɔnN Deesi 17:11

Sel zen ti funɛ ya koor gbanko. O wa si o sou ni a bu kpak miisa, o zi kpa o titiu a gbaari koorsa nɔpɛ ta ni a dɔ. O wa dɔ peti, o zi la zu din dam tiu.

JɔnN Deesi 17:2

Tɛɛnɛ nɔ tim maga awa ba koorsa wa un funɛ tum sakaal tuma. Chenani ba wa un fun tum chi sinnɛ ba nyɔ a dɛɛsi.”

JɔnN Deesi 20:10

Doone ba zi zer sintana naa gbaɛɛ a mur nara a yo du a gbaari sel zen ti awa witiina naa vɛ zim Koosa a li bɛɛŋ naa din di saha maga ni. Doonee ba wa un zi namsi kinkan hali saha naa vɛ kpak bɔ.

JɔnN Deesi 20:12

Mu fun na tɛɛnɛ nɔ tim maga ba naa funɛ ya nibirige awa ba baa funɛ vɛ yaali ka Koosa lɛli ba a li ba sou ni. Ba funɛ chiŋi o jirima bar kani suwachak nɛɛ. Ba fun puk Koosa mi fali tɔn ti awa tɔni naa ba fun sɔbi ba tuma a du a tuhu ni. O fun di ba sɛria a li chenani ba sɔbi a du tɔni ta ni.

JɔnN Deesi 20:15

Ba naa ba ha vɛ sɔbi ba sɔna a du Koosa mi fali tɔn ti ni, ba fun kpa ba a yo du bɛɛŋ ti gbanko ni.

JɔnN Deesi 3:10

Saha naa ba naa maga nyɛn tɛɛnɛ nɔ maga ni zi wa namsi kinkan, ka mu zi zaamsi ba, duglɛu. Ma funɛ tum ma tumau wa kanyita ni a chi chenani mu fun biksi ma. Chendaha mu zi wa lisi mau a li namsi ti saha ni.

JɔnN Deesi 3:5

Mu zi nyɛ ba naa kpak nɛnɛu hali a la tel o bɔ laari kipilimau ka mu zi nyɛ ba sɔna naa ba fun sɔbi aa du Koosa mi fali tɔn ti ni kpalimi dooni. Mu si sɛm mu nyana awa o malaikasi ta gbampulim niu a li ba suwachak ni di min dɔ ba.