JɔnN Deesi 17:1 - Tampulma

¹ Doone malaikasa naa funɛ kpak salma gbaŋsa, digi fun wa ŋɔ min, “Sakaal tiin digi kanɛ mɔɔga damata bambaan ni. Kuwa a wa na chenani Koosa zi lɛrgi o diŋsa.

JɔnN Deesi 17:1 Σταυροειδείς Αναφορές

Luk 24:32

O funɛ kaali chene, ba ŋɔ dɔŋ ni, “Ya wa un funɛ nyɛn nyinbaan ni aa la ka o fun a biksi ya chenani ba sɔbi o wɛ a li Koosa sɛm tɔn ti ni, ya tusa sɔɔni ka yaa dɛɛsi.”

Luk 9:30

Ɛlaija awa Mosis fun vaan yɛli a wa li Yesu wati a sɛm sɛma.

JɔnN Deesi 1:1

Min waa, Jɔn, la sɔbi tɔn nɔ a nyɛ Koosa tumtumsi ni di mu biksi ba chenani la zi ya lalaga. Koosa funɛ te kpa kin nama maga a sogli a zi kpa a a li gbampulim a nyɛ Yesu Kristo ni. Waa funɛ kpa a a nyɛ mu waa naa ya Yesu tumtum ni.

JɔnN Deesi 15:1

Doone mu fun nyini a na ka dana zen naa nyɛ alaazibu fun kpak min, fun nyɛn buudaha ni. Malaikasa nɔpɛ fun kpak wichɔɔrta a naa kurgɛ, kina nɔpɛ a nyɛn dooni. Ba wa kaali a nyɛ wichɔɔrtisi ta kpaksi tɛɛnɛ nɔ tim maga, chenani Koosa na paan a du ba ni a lɛrgi ba diŋsa zi wa petiu.

JɔnN Deesi 16:19

Babilɔn awa tɛɛnɛ nɔ maga tɔ zene fun chesi Koosa fun lisi chenani Babilɔn tima fun tum tum tagna damata a kpa o paan kinkan a du ba ni a lɛrgi ba diŋsa. O funɛ chi o nyɛ ba sinnɛ di ba nyɔ ba biti o maga a nyɔ.

JɔnN Deesi 18:1

A gantɛl ni mu fun na malaika digi ka o li Koosa tɔhɔn ti a tu wa tɛɛnɛ nɔ maga. O fun kpak kpok kinkan a nyɛ doon maga chaani.

JɔnN Deesi 19:2

Chenani o di nara sɛria deŋlu a ya wuti. O funɛ na sakaal tiina naa zen chenu galimsa a ta un yɔri, domi o funɛ nyɛ tɛɛnɛ nɔ tim maga wa un tum sakaal tumwa. Waa funɛ lɛrgi o diŋna domi o funɛ kpu o tumtumsiwa.”

JɔnN Deesi 19:9

Malaikasi ta digi fun wa ŋɔ min, “Sɔbi chenani mu kaa sɛm nan a dau. Ba naa ba zi yir ba wa piisi be ti di diwe a li haan fali dam ti ni, ba tusa zi sɔɔni.” O funɛ sɛm nannɛ a peti a bu sɛm tama a gbaari, “Sɛm na ya Koosa wuti sɛmwa.”

JɔnN Deesi 21:15

Malaika naa funɛ sɛm min funɛ kpak da zaamsirɛ a li o nin ni di o zaamsi tɔhɔn ti awa o chechepure ti wa o bulzɔɔnɔsi ta.

JɔnN Deesi 21:9

Doone malaikasa naa funɛ kpak salma gbaŋsa a kpa wichɔɔrtisa nɔpɛ a du a ni, digi fun wa ŋɔ min, “Kuwa mu biksi hin piisi be ti haan.”

JɔnN Deesi 4:1

A gantɛl ni mu fun bu nyini a na kundɔŋ a chi mu deesi. Koosa tɔhɔn ti bulzɔɔnɔ funɛ puku, ka ta zaŋa naa mu fun te nu chen chi kaabul fun ŋɔ min, “Zini kuwa bar nɔ ka mu biksi hin chenani la zi wa ya.”