JɔnN Deesi 16:14 - Tampulma

¹⁴ Alizin tagna tora ta funɛ kpak kpok di a tum tum zene damata. Ba fun gba a lagmi tɛɛnɛ nɔ tim maga koorsa awa ba walɛ, chen ni Koosa wuzu zen naa o zi wa di ba sɛria chen wa tel, ba zi chem unu a li laal ni.

JɔnN Deesi 16:14 Σταυροειδείς Αναφορές

Mat. 24:14

Nibinsa zi wa kpa Koosa laaboor weri tiu a biksi nara di Koosa daŋni o dɔ bau. Nara maga zi wa na nyinbaanu a nu o laaboor weri ti ka tɛɛnɛ nɔ maga peti.”

Mat. 24:24

Nara bɔnɛ zi wa siu a mur nara a ŋɔ di ba ya Kristore. Bɔnɛ ka wa ŋɔ di ba ya Koosa witinsiwa. Ba zi wa tum alaazibu tumau kinkan a daŋni ba mur ba naa Koosa fun lisi di ba tiŋ un chen.

Maak 13:22

Nara bɔnɛ zi wa siu a mur nara a ŋɔ di ba ya Kristore. Bɔnɛ ka wa ŋɔ di ba ya Koosa witinsiwa. Ba zi wa tum alaazibu tumau kinkan a daŋni ba mur ba naa Koosa fun lisi di ba tiŋ un chen.

Luk 2:1

A saha ti koor digi funɛ dɔ dooni. Ba funɛ yir un Ɔgastus. O funɛ daŋni o gur a zim nibinsa ba naa nyɛn o koor ti ni.

Jɔn 8:44

Ma waa ya sintan bisa aa daŋni ma tiŋ o tutɔ. Saha naa Koosa fun naami tɛɛnɛ nɔ maga hali a wa tel lalaknɔ, sintana funɛ ya nara nikpuuli. O wa zim chenani wuti du. Waa ya nusun koora. O kaa suni wɛ, o wara bɔm un ni.

Room 1:8

Mu daŋni n te ŋɔ di Yesu Kristo kpa chenani mu kunyana Koosa ma maga daha a nyɛ un. Nara sɛmu bawu maga ni chenani ma se su Yesu Kristo.

2 Tɛs. 2:9

Tum tagin tiin ti wa wa, o zi kpa sintana kpoku a tum tum zene awa alaazibu tuma kinkan,

1 Tim. 4:1

Koosa siim weri ti biksi nyɛn gbampulim ni di saha kurgɛ wau, nibin bɔnɛ zi wa buru a tiŋ Koosa. Ba ka zi wa nu alizin tagna biksiu a kitiŋ ba naa la mur ba nɔ.

Jems 3:15

Nan zima nɔ wa li Koosa wati. O ya tɛɛnɛ nɔ tim maga kinnɛ awa alizin tagna kin.

1 Jɔn 5:19

Ya zimu di ya ya Koosa bisiwa. Ba naa maga vɛ ya Koosa bisa, ba waa nyɛn sintana nin ni.

JɔnN Deesi 12:9

A fun duŋni a a ta tɛɛnɛ nɔ maga ni di a nyɛn dooni. Sel zen ti awa sintana ya kibɛgimnɛ. Waa ya naa ba yir dum ti a nyɛn a vusi a ya alizin tagna koora. Saha maga o yaa mur tɛɛnɛ nɔ tim magau.

JɔnN Deesi 13:3

Mu funɛ nau ka ba huusi sel zen naa li ni ni chen, nyuhu digi di ba kpu un, amaa bar huusi ti funɛ petiu ka o vɛ siwi. Tɛɛnɛ nɔ tim maga funɛ na chenani yɛɛ, alaazibu fun kpak ba ka ba tiŋ sel zen ti.

JɔnN Deesi 16:16

Chen saha ti alizin tagni ta fun te koorsa ba naa a fun lagmi dɔŋ ni suwachak a la tel doonani ba yir Amagɛdɔn a li Ju tim sɛm ni.

JɔnN Deesi 16:7

Doone mu fun nu ta a li biŋbiŋ ti ni ka o ŋɔ, “Ya kunyana Koosa naa kpak kina maga kpok, chenani i na ba galimsa deŋlu a ya wuti.”

JɔnN Deesi 17:14

Ba wa ba walɛ zi la chem piisi be ti wa o nitiŋɛ ba naa o fun lisi a nyɛ o titi ni ka ba vɛ bur a li o tiŋi ni, wa laal ni. Waa la zi nyaŋi koorsi ta, domi waa ya koorsa maga kaŋkoora.”

JɔnN Deesi 20:8

O zi la gbau a mur tɛɛnɛ nɔ nara a lagmi ba wa ba naa ba yir Gɔg awa Megɔg di ba la chem Koosa nara wa laal ni. Ba zi wa iiu kinkan a chi mɔɔga hɛchɛ naa nandigi vɛ koti a guri.

JɔnN Deesi 3:10

Saha naa ba naa maga nyɛn tɛɛnɛ nɔ maga ni zi wa namsi kinkan, ka mu zi zaamsi ba, duglɛu. Ma funɛ tum ma tumau wa kanyita ni a chi chenani mu fun biksi ma. Chendaha mu zi wa lisi mau a li namsi ti saha ni.

JɔnN Deesi 6:17

Ba fun ŋɔ dɔŋ ni, “Wuzu zen naa Koosa kaa wa na paan a lɛrgi ya diŋsa, telu. Anti la zi koti a chem un?”