JɔnN Deesi 15:4 - Tampulma

⁴ Ya kunyana, i duŋduŋ ya bambi chaani tiina. Chendaha o deŋlu di nibinsa maga kinyɛ hin jirima a ŋɔ ba dɔŋtim ni chenani i zen mak. Tɛɛnɛ nɔ tim maga zi wa chiŋi i suwachak niu a jɛɛmi hinu, domi ba zimu di i tuma maga deŋlu.”

JɔnN Deesi 15:4 Σταυροειδείς Αναφορές

Room 15:9

O gbanko fun wa di ba naa vɛ ya Ju tima zi kotiu a nyɛ Koosa wa jirima o siki naa o kpak ba ni daha. Ba fun sɔbi Koosa wɛ a li o sɛm tɔn ti ni a ŋɔ, “Mu wa ba naa vɛ ya Ju tima zi lagmiu a nyɛ hin jirima a lɔ boola aa pɛgi hin.”

1 Pita 1:16

Ba fun a sɔbi a li Koosa sɛm tɔn ti ni di o ŋɔ, “Mu ya tu chaan tiinnɛ. Chendaha ma kpak tu chaana.”

JɔnN Deesi 11:15

Doone malaikasa nɔpɛ tiina fun hu o kaabul. Mu fun nu ta kpoka a li Koosa tɔhɔn ti ni ka a ŋɔ, “Ya kunyana awa Kristo naa o fun lisi a nyɛ o titi ni kpak kpok a dɔ tɛɛnɛ nɔ maga. Waa la zi dɔ un hali saha naa vɛ kpak bɔ.”

JɔnN Deesi 14:7

O fun ŋɔ ba ta zaŋa ni, “Ma nyɛ Koosa wa jirima a kipɛgi un o zenzen daha. Waa funɛ naami buudaha awa tɛɛnɛ wa teku ni wa nise. Saha telu di o di nara maga sɛria. Chendaha o lawa ma jɛɛmi un chenu.”

JɔnN Deesi 16:5

Mu fun nu malaika ti ka o ŋɔ Koosa ni, “I waa naa ya bambi chaani tiina a vɛ kpak piili aa nyɛn, chenani i na tɛɛnɛ nɔ tim maga galimsa deŋlu.

JɔnN Deesi 16:7

Doone mu fun nu ta a li biŋbiŋ ti ni ka o ŋɔ, “Ya kunyana Koosa naa kpak kina maga kpok, chenani i na ba galimsa deŋlu a ya wuti.”

JɔnN Deesi 19:2

Chenani o di nara sɛria deŋlu a ya wuti. O funɛ na sakaal tiina naa zen chenu galimsa a ta un yɔri, domi o funɛ nyɛ tɛɛnɛ nɔ tim maga wa un tum sakaal tumwa. Waa funɛ lɛrgi o diŋna domi o funɛ kpu o tumtumsiwa.”

JɔnN Deesi 19:8

Ba funɛ nyɛ o haan ti nyinbaanu di o laari kichaani weri. A waa ya tum were naa Koosa nara fun tumi.”

JɔnN Deesi 3:7

“Sɔbi kin nama a la nyɛ naa la nyini Yesu nitiŋɛ ta a li Filadɛlfia ni. “Mu waa naa ya tu chaan tiina awa wuti tiina a kpak koor Devid dam safibe. Mu kpa un a puti mu koor ti bulzɔɔnɔ, nandigi wa kikoti a far un. Mu kpa safibe ti a pur bulzɔɔnɔ ti, nandigi wa kikoti a puti un.

JɔnN Deesi 4:8

A maga funɛ kpak chɛnɛ anɔnɔrawa ka se ta su a bara maga. Ba yaa funɛ lɔ boola a vɛ hiisi a ŋɔ, “Ya kunyana Koosa naa ya tu chaan tiina a kpak kina maga kpok, i vɛ kpak piili a nyɛn a vɛ kpak peti.”

JɔnN Deesi 6:10

Ba fun tɛsi ta zaŋa a ŋɔ, “Ya kunyana, hin ya tu chaan tiina awa wuti tiina a kpak kina maga kpok. Yɛrɛ o zi vusi ka i di tɛɛnɛ nɔ tim maga sɛria a lɛrgi ba diŋsa chenani ba fun kpu ya chen daha?”