JɔnN Deesi 15:1 - Tampulma

¹ Doone mu fun nyini a na ka dana zen naa nyɛ alaazibu fun kpak min, fun nyɛn buudaha ni. Malaikasa nɔpɛ fun kpak wichɔɔrta a naa kurgɛ, kina nɔpɛ a nyɛn dooni. Ba wa kaali a nyɛ wichɔɔrtisi ta kpaksi tɛɛnɛ nɔ tim maga, chenani Koosa na paan a du ba ni a lɛrgi ba diŋsa zi wa petiu.

JɔnN Deesi 15:1 Σταυροειδείς Αναφορές

JɔnN Deesi 10:3

O fun kaasi a chi gbogumta wi, ka nasɛhasa nɔpɛ a naa funɛ nyɛn doon, tɛsi a bur a nyɛ un.

JɔnN Deesi 11:14

Namsi bilɛ tiin ti funɛ wa peti, amaa o wa fun vusi ka naa ya butora tiin chen, wa ya.

JɔnN Deesi 14:10

Koosa na paan kinkan a du ba ni a lɛrgi ba diŋsa. O paan kinkan chi sin kpokre ba vɛ kpa kundɔŋ a pulsi, naa o muksi ba di ba nyɔ. O zi nyɛ ba kpa bau a du din ni di ba namsi kinkan a li piisi be ti awa o malaikasa naa o fun lisi a nyɛ o titi ni suwachak ni.

JɔnN Deesi 14:19

Malaika ti fun viigi o gorga ti a teŋsi bugil ta nɔna a lagmi a dau doonani ba hɛmsi a ni. Dooni awa Koosa paan kinkan ya kibɛgimnɛ.

JɔnN Deesi 16:1

Doone mu fun nu ta a li Koosa bar jɛɛmi dam ti ni ka o fun ŋɔ malaikasi ta ni, “Ma kpa Koosa paan kinkan awa chenani o lɛrgi tɛɛnɛ nɔ tim maga diŋsa naa nyɛn salma gbaŋsi ta ni a la bini a biti du ba ni.”

JɔnN Deesi 17:1

Doone malaikasa naa funɛ kpak salma gbaŋsa, digi fun wa ŋɔ min, “Sakaal tiin digi kanɛ mɔɔga damata bambaan ni. Kuwa a wa na chenani Koosa zi lɛrgi o diŋsa.

JɔnN Deesi 19:15

Ba nyuhu tiina fun kpak chisi nɔsa lɛ o li o nɔ ni naa o zi lisi a nyaŋi tɛɛnɛ nɔ tim maga. O zi sɔ bau wa kpok kinkan ni a hɛmsi bugil ta nɔna naa malaika ti teŋsi a lagmi a dau, a bar hɛmsi ni. Dooni awa chenani Koosa na paan kinkan a la zi lɛrgi tɛɛnɛ nɔ tim maga diŋsa ya kibɛgimnɛ. Waa kpak kpok a kaali kina maga. Chendaha o zi koti a ya chen.

JɔnN Deesi 21:9

Doone malaikasa naa funɛ kpak salma gbaŋsa a kpa wichɔɔrtisa nɔpɛ a du a ni, digi fun wa ŋɔ min, “Kuwa mu biksi hin piisi be ti haan.”

JɔnN Deesi 8:13

Mu fun nyini a na ka tiisi nyɛn dooni a za buudaha bar boli ni. O fun ŋɔ wa ta zaŋ ni, “Malaikasa tora a naa kaɛɛ nan wa hu a kaabulsa, yɛrɛ o kaa wa du ba naa nyɛn tɛɛnɛ nɔ maga ni?”

JɔnN Deesi 8:2

Chen saha ti funɛ wa kaali, ba fun kpa kaabulsa nɔpɛ a nyɛ malaikasa nɔpɛ ta ni. A waa yaa chiŋi Koosa suwachak ni.

JɔnN Deesi 8:6

Doone malaikasa nɔpɛ ta fun saksi di a hu a kaabulsa.

JɔnN Deesi 9:20

Tɛɛnɛ nɔ tima ba naa maga malaikasa naasi ta ha fun vɛ lisi di a kpu ba, wa fun gil ba tum tagna a bur tiŋ Koosa. Ba yaa funɛ jɛɛmi alizin tagniwa a kpa salma, aniita, lugɛ naa sɛrɛ a chi sumin, buŋkula awa daasa a kɔɔri vursa a naa vɛ naali akoo a nu sɛma koo a val, a jɛɛmi a.