JɔnN Deesi 14:7 - Tampulma

⁷ O fun ŋɔ ba ta zaŋa ni, “Ma nyɛ Koosa wa jirima a kipɛgi un o zenzen daha. Waa funɛ naami buudaha awa tɛɛnɛ wa teku ni wa nise. Saha telu di o di nara maga sɛria. Chendaha o lawa ma jɛɛmi un chenu.”

JɔnN Deesi 14:7 Σταυροειδείς Αναφορές

Mat. 25:13

Yesu funɛ sɛm peti, o fun ŋɔ o gantɛl tiŋsi ta ni, “Maa saksi. Ma wa zim saha naa mu kaa bur wa.”

Luk 17:18

Hɔɔr nɔ duŋduŋ bur wa di o wa pɛgi Koosa.”

Tuma 14:15

“Ma ta kɔɔri kɔɔra a nyɛ ya a kijɛɛmi ya. Ya ya nibinsiwa a chi ma. Ya wa bar nɔu di ya wa biksi ma Koosa laaboor weri ti wɛ. Koosa naa nyɛnɛɛ funɛ naami buudaha awa tɛɛnɛ wa teku wa kin naa maga nyɛn a ni. Waa la daŋni ma gil kin nawara ma jɛɛmi a ya yɔri a bur tiŋ un.

1 Pita 4:7

Tɛɛnɛ nɔ maga siili saha duglɛu. O lawa ma ya bambe timau, chen ni ma zi koti a sumi Koosa wa nɛha niu.

JɔnN Deesi 11:13

Tɛɛnɛ ti fun vaan zigsi kinkan a kpu ba nara tusugsa nɔpɛ a purigi tɔhɔn ti bufi a lisi bar digi a chɔk. Ba naa funɛ ka, hansura fun kpak ba hali a la gali ka ba nyɛ Koosa naa nyɛn o tɔhɔn ti ni wa jirima kinkan.

JɔnN Deesi 11:18

Saha telu di i na paan a lɛrgi ba diŋsa a di ba naa sitɛɛ, sɛria. Chendaha ba naa vɛ zim hin, fun na paan kinkan a du hin ni. Saha telu di i bɔ i witinsa ba naa ya i tumtumsa, awa i nara ba naa maga ya nizene awa niwisa a la nyɛ hin jirima, chem. Saha telu di i kpa ba naa funɛ chɔk tɛɛnɛ nɔ kina maga a ta ba yɔri.”

JɔnN Deesi 15:4

Ya kunyana, i duŋduŋ ya bambi chaani tiina. Chendaha o deŋlu di nibinsa maga kinyɛ hin jirima a ŋɔ ba dɔŋtim ni chenani i zen mak. Tɛɛnɛ nɔ tim maga zi wa chiŋi i suwachak niu a jɛɛmi hinu, domi ba zimu di i tuma maga deŋlu.”

JɔnN Deesi 16:9

Nha ti funɛ nyɛ o nunum kinkan ti suksi ba, ba fun ŋɔ nɔɔna a nyɛ Koosa ni, domi waa funɛ nyɛ wichɔɔrsi ta kpaksi ba. Ba wa fun gil ba tum tagna a bur a nyɛ un jirima.

JɔnN Deesi 18:10

Hansura zi kpak bau kinkan o daha. Ba zi lagmi dɔŋ niu a chiŋi bar boli ni a ŋɔ dɔŋ ni, “Yɛrɛ o du Babilɔn tɔ zen ti ni? Kerifi bɛgim tuhu nɛɛ Koosa na o galimsa a ta un yɔri.”

JɔnN Deesi 18:17

Kerifi bɛgim tuhu nɛɛ, kin nama maga wa bu toli. “Niduse awa ba nihɛɛta wa ba naa nyɛn arŋsi ni a gba nidamata, fun lagmi a chiŋi a li bar boli ni,

JɔnN Deesi 18:19

Ba fun zɔk hɛɛra a saksi ba nyuuni ni di ba biksi nara di ba tusa chɔku kinkan, a ŋɔ dɔŋ ni, ‘Yɛrɛ o du un ni? Ba naa maga dɔ arŋsa yaa funɛ tum au dooni di ba na nyɔɔra a li o kidamati ni. Kerifi bɛgim tuhu nɛɛ, o kina maga wa bu toli.’ ”

JɔnN Deesi 19:5

Doone mu fun nu ta a li Koosa jirima bar nyɛni ni ka o ŋɔ, “O deŋlu di ba naa maga ya nizene awa ba naa vɛ yaali a ya o tumtumsa a la ɔm un, ba pɛgi un.”

JɔnN Deesi 4:11

“Ya kunyana awa ya Koosa, hin naami kina maga. O ya i tutɔrɛ a nyɛn. Chendaha o deŋli wa ya jɛɛmi hin, domi i kpak jirima awa chaani wa kpok kinkan a kaali a maga.”

JɔnN Deesi 4:9

Sela naasi ta funɛ lɔ a booliwa a pɛgi naa funɛ kanɛ Koosa jirima bar kani ni, domi o kpak jirima awa chaani kinkanu a nyɛn hali saha naa vɛ kpak bɔ.

JɔnN Deesi 8:10

Atora tiin ti fun hu o kaabul. Wul zen naa funɛ chaani kinkan, fun li buudaha a wa chel tɛɛnɛ nɔ maga ni. Malaika ti fun purigi pula awa nise butora a lisi bar digi a nyɛ wul ti chɔk a.