JɔnN Deesi 14:6 - Tampulma

⁶ Doone mu fun nyini a na ka malaika funɛ za buudaha bar boli ni. O fun chuŋi Koosa laaboor weri ti di o la nyɛ pulumsa awa buure ba naa maga la sɛm sɛm kurgɛ a nyɛn tɛɛnɛ nɔ ni.

JɔnN Deesi 14:6 Σταυροειδείς Αναφορές

Mat. 10:27

Chendaha o lawa ma biksi nara gbampulim ni chenani mu sogli a biksi ma.

Maak 16:15

O funɛ nyɛn ba wati chene, o fun ŋɔ ba, “Ma si aa la tɔsa naa maga nyɛn tɛɛnɛ nɔ ni a la sɛm Koosa laaboor weri ti a nyɛ nara maga ni.

Room 16:25

Tɔ. Koosa koti a nyɛ ma kpak nɛnɛ a tiŋ laaboor weri naa mu fun a biksi nara Yesu Kristo wɛ. Ma nyɛ ya pɛgi un chen daha. Koosa funɛ te kpa o laaboor weri nɔ a sogli saha digi,

Kɔl. 1:23

Amaa o lawa maa tiŋ wa wutiu a nyɛ ma se su un nɛnɛ, chen ni kundɔŋ wa to a la zi bur ma gantɛl, a kpak bambi bɛgim a li chenani ma fun te nu Koosa laaboor weri ti chen.

2 Tɛs. 2:16

Ya kunyana Koosa la daŋni ya a fun suŋi ya, a kpami ya ya kpak bambi bɛgim un ni.

Ju 13:20

Koosa funɛ lɛli ya kunyan Yesu a li o sou ni. Ya chi o piisisiwa ka o ka ya ya nigbaŋi. O funɛ sou, o fun nyɛ Koosa wa nara bukoo ya nɔ bɛgim. Chenani o fun tum zi nyɛnu hali saha naa vɛ kpak bɔ.

1 Pita 1:25

Amaa Koosa sɛma zi nyɛnu hali saha naa vɛ kpak bɔ.” Kin nama ya o laaboor weri naa ba fun wa biksi ma chen.

JɔnN Deesi 10:11

Mu funɛ se un peti, o fun bu ŋɔ min, “Mu daŋni i la biksi chenani Koosa fun sɛm pulum damata awa ba naa la sɛm sɛm kurgɛ awa ba koorsa wɛu.”

JɔnN Deesi 10:7

Malaikasa nɔpɛ tiin ti funɛ wa hu o kaabul, Koosa naa funɛ te kpa chenani o funɛ lisi a sogli a zi kpa a a li gbampulim a biksi o witinsa ba naa funɛ ya o tumtumsa, o zi tum chenani o daŋni o ya saha digiu.”

JɔnN Deesi 13:7

Ba fun nyɛ sel zen ti nyinbaan di o la chem Koosa nara wa laal ni a nyaŋi ba a kpa kpok a nyɛ un di o dɔ pulumsa awa buure ba naa maga la sɛm sɛm kurgɛ.

JɔnN Deesi 3:10

Saha naa ba naa maga nyɛn tɛɛnɛ nɔ maga ni zi wa namsi kinkan, ka mu zi zaamsi ba, duglɛu. Ma funɛ tum ma tumau wa kanyita ni a chi chenani mu fun biksi ma. Chendaha mu zi wa lisi mau a li namsi ti saha ni.

JɔnN Deesi 5:9

Ba fun lɔ bool fali a ŋɔ, “I ya nizenu wa i la tɔn ti a kasi kitɔɔli ta a puk un. Ba funɛ kpu hin, i fun kpa i chɛl a la nidamata nyuuna a nyɛ Koosa ni. I funɛ lisi bau a li pulumsa awa buurisa maga ni ka ba maga sɛm sɛm kurgɛ.

JɔnN Deesi 8:13

Mu fun nyini a na ka tiisi nyɛn dooni a za buudaha bar boli ni. O fun ŋɔ wa ta zaŋ ni, “Malaikasa tora a naa kaɛɛ nan wa hu a kaabulsa, yɛrɛ o kaa wa du ba naa nyɛn tɛɛnɛ nɔ maga ni?”