JɔnN Deesi 14:10 - Tampulma

¹⁰ Koosa na paan kinkan a du ba ni a lɛrgi ba diŋsa. O paan kinkan chi sin kpokre ba vɛ kpa kundɔŋ a pulsi, naa o muksi ba di ba nyɔ. O zi nyɛ ba kpa bau a du din ni di ba namsi kinkan a li piisi be ti awa o malaikasa naa o fun lisi a nyɛ o titi ni suwachak ni.

JɔnN Deesi 14:10 Σταυροειδείς Αναφορές

Mat. 20:22

Yesu fun ŋɔ un, “Kin naa i sumi chen, i wa zim chenani o kaa wa du o gantɛl ni. Namsi naa n kaa wa namsi nan, i bisi ta zi wa koti namsi chenuu?” Ba fun ŋɔ di ba zi kotiu.

Mat. 25:41

“Doone mu zi burgi a ŋɔ tum tagna nitumɛ, ba naa nyɛn mu ningal niu, ‘Ma naa Koosa fun ŋɔ nɔ a nyɛ chen, ma la mu wati. Ma la din dama naa Koosa fun kɔɔri a chiŋsi sintana awa o malaikasa.

Mat. 26:39

O fun la suwachak tama a la pimi tɛɛnɛ ni a sumi Koosa a ŋɔ, “Mu kunyana, mu sumi hinu di o ya i tutɔrɛ i lisi namsi nɔ a li min ni. Nyɛ i tutɔ ti ya a kaali mu tutɔ.”

Maak 8:38

Zinan nara vɛ Koosirɛ kinkan a la tum tum tagna. Nar kpa hiisa a du mu biksi nɔ ni lalaknɔ, saha naa n waa nibine be wa bur wa awa Koosa jirima awa o malaikasi ta, n gbanko zi wa kpa hiisau a du un ni.”

Tuma 10:22

Ba fun ŋɔ un, “Ya kunyana Kɔnilius naa ya lanjimasa nihɛɛ, tum ya i wati. O ya nibin werire a yaa jɛɛmi Koosa ka Ju tim ta maga nyɛ un jirima kinkan. Koosa malaikasi ta digi funɛ wa ŋɔ un di o yir hin i wa o dama, chen ni o zi nu chenani i daŋni i ŋɔ unu.”

Juud 1:7

Ma gbanko lisi tɔsi naa ba yir Sɔdɔm awa Gamɔra awa tɔsi naa go a saha digi. Ba naa funɛ nyɛn dooni yau a chi Koosa malaikasi ta yaali. Ba fun a tum chɔkumsi tuma ka nibaala daŋni nibaala. Koosa fun kpa din naa vɛ kpak bɔ a kpa ba du a lɛrgi ba diŋsa kinkan. Nan la biksi ya di ya ta tiŋ chenani ba tiŋi.

JɔnN Deesi 15:7

Ba fun la chiŋi sela naasi naa chiŋɛ a go Koosa jirima bar kani ti chen digi suwachak ni. O fun kpa Koosa naa nyɛn hali saha naa vɛ kpak bɔ, paan kinkan awa chenani o lɛrgi tɛɛnɛ nɔ tim maga diŋsa a du salma gbaŋsa nɔpɛ ni a nyɛ malaikasi ta ni.

JɔnN Deesi 16:19

Babilɔn awa tɛɛnɛ nɔ maga tɔ zene fun chesi Koosa fun lisi chenani Babilɔn tima fun tum tum tagna damata a kpa o paan kinkan a du ba ni a lɛrgi ba diŋsa. O funɛ chi o nyɛ ba sinnɛ di ba nyɔ ba biti o maga a nyɔ.

JɔnN Deesi 18:3

O wa tɛɛnɛ nɔ tim maga funɛ tum sakaal tuma kinkan. O chi o funɛ kpa sin a nyɛ ba ba nyɔ. O wa ba koorsa gbanko fun tum sakaal tuma ka nikpiŋɛ ba naa funɛ nyɛn bawu maga ni, fun na nyɔɔra kinkan a li un ni.”

JɔnN Deesi 18:6

Waa funɛ nyɛ nara tum tum tagna kinkan. Ma nyɛ ba la tum tum tagna bilɛ lalaknɔ a nyɛ un. Chenani o wa ba tum sakaal tuma funɛ chi sinnɛ o kpa nyɛ ba. Ma nyɛ ba kɔɔri sin bilɛ lalaknɔ a la nyɛ un.

JɔnN Deesi 19:15

Ba nyuhu tiina fun kpak chisi nɔsa lɛ o li o nɔ ni naa o zi lisi a nyaŋi tɛɛnɛ nɔ tim maga. O zi sɔ bau wa kpok kinkan ni a hɛmsi bugil ta nɔna naa malaika ti teŋsi a lagmi a dau, a bar hɛmsi ni. Dooni awa chenani Koosa na paan kinkan a la zi lɛrgi tɛɛnɛ nɔ tim maga diŋsa ya kibɛgimnɛ. Waa kpak kpok a kaali kina maga. Chendaha o zi koti a ya chen.

JɔnN Deesi 19:20

Koosa tɔhɔn lanjimasi ta fun nyaŋi tɛɛnɛ nɔ tim maga lanjimasi ta a kpaksi sel zen ti awa witiina naa vɛ zim Koosa. Witiin ti yaa funɛ tum tum zenewa sel zen ti suwachak ni di o mur ba naa sel zen ti fun kpa o sɔn a dani ba a la jɛɛmi o vura. Koosa tɔhɔn lanjimasi ta fun kpa sel zen ti awa witiin ti a la yo a du bɛɛŋ naa din bu saha maga ni ka ba nyini.

JɔnN Deesi 20:10

Doone ba zi zer sintana naa gbaɛɛ a mur nara a yo du a gbaari sel zen ti awa witiina naa vɛ zim Koosa a li bɛɛŋ naa din di saha maga ni. Doonee ba wa un zi namsi kinkan hali saha naa vɛ kpak bɔ.

JɔnN Deesi 20:14

Ba fun kpa sou kpok awa nisitɛ bar nyɛni a yo du bɛɛŋ naa din nyɛn saha maga ni di a wa chɔk.

JɔnN Deesi 21:8

Amaa ba naa bur a li mu tiŋi ni a li nara gantɛl a la tiŋ doŋ tuma a la kpu nara a la tum chɔkumsi tuma a la tum tu bilim tuma a la jɛɛmi vursa a ya nusun tima, mu zi na ba galimsau a kpa bau a yo du bɛɛŋ naa din nyɛn saha maga ni a ta ba yɔri.”