JɔnN Deesi 13:6 - Tampulma

⁶ O fun pini Koosa awa o bar jɛɛmi dama wa ba naa maga nyɛn o tɔhɔn ti ni zoma.

JɔnN Deesi 13:6 Σταυροειδείς Αναφορές

Mat. 12:34

Ma chi dumwa. Maa tum tum tagniwa, yɛrɛ ma kaa ya a sɛm sɛm were? Ma sɛm chenani nyɛn ma bambe nee.

Mat. 15:19

Kinkin naa nyɛn ba tusa ni, nyɛ nibinsa lisi wu tagna a la tum chɔkumsi tuma awa sakaal tuma, a la kpu nara a la ŋmɛ a la suni wɛ a la chɔk nara sɔna.

Jɔn 1:14

Yesu Kristo ya ya kunyana Koosa duŋduŋ be. Koosa fun yisi o jirima awa o chaani kinkan a du un ni a nyɛ o burgi nibine a wa tɛɛnɛ nɔ maga di o wa ya lagmi nyɛn bunsa mɛna. Ya fun zim di Koosa jirima awa chaani kinkan nyɛn un ni awa chenani o sɛm maga ya wuti awa chenani o tuma suŋi nara.

Room 3:13

Ba nɔɔna chi hugilsi naa ba vɛ tɔɔlirɛ. Ba pɛgi nara wa ba nyina nɛɛ a la mur ba. Ba sɛma chi duma sambosiwa.

Kɔl. 1:19

Yesu ya Koosa titi. O funɛ ya o tutɔrɛ o wɛ maga fun a nyɛn Yesu ni.

Kɔl. 2:9

Chenani Koosa du nyɛn Kristo bara nɛɛ.

Ju 9:2

Ba fun a kpa gar a purigi lɛu ti bilɛ. Ba fun kpa fitina, tebul awa boroboro naa ba fun kpa a dau Koosa suwachak ni a du zɔɔnɔ dɛ ni a yir un Koosa bar lisi.

Ju 9:24

Kristo funɛ si o sou ni, o wa fun la zu Koosa lɛu naa nibinsa fun du chen, ka o fun ya Koosa tɔhɔn ti kin chamsa. O ka fun zini a zu Koosa wuti lɛu naa nyɛn o tɔhɔn ti ni. Lalaknɔ waa kpalimi a kani ya bar kani ni a li Koosa suwachak ni.

JɔnN Deesi 11:12

Doone nara balɛ ta fun nu ta kpok a li Koosa tɔhɔn ti ni ka o ŋɔ ba, “Ma zini kuwa bar nɔ.” Ba fun zini a kaali buudaha ka dobaal tɔ ba ka ba dɔma nyini ba.

JɔnN Deesi 12:12

Ma nyɛ ya naa maga nyɛn Koosa tɔhɔn ti ni tusa sɔɔni, amaa yɛrɛ o kaa wa du ba naa maga nyɛn tɛɛnɛ nɔ maga ni domi sintana wa ma nyɛnɛɛ. O na paanu kinkan, domi o zimu di o nyɛni saha wa zi vusi.”

JɔnN Deesi 15:5

Ba funɛ lɔ bool ti peti, mu fun na ka doonani Koosa fun lisi kinkan o bar jɛɛmi dam ti ni, zɔɔnɔ puk.

JɔnN Deesi 18:20

Doone mu fun nu ta ka o ŋɔ, “Ma naa ya Koosa nitumɛ awa o witinsa wa ba naa maga nyɛn o tɔhɔn ti ni, ma nyɛ ma tusa sɔɔni kinkan domi tɔ zen ti chel daha. Waa funɛ na o galimsa a ta un yɔri ma daha.”

JɔnN Deesi 21:3

Mu fun nu ta kpok a li Koosa jirima bar kani ni ka o ŋɔ, “Kinu mu wati. Lalaknɔ Koosa awa nibinsa zi lagmi nyɛnu. Ba zi ya o narau ka o ka ya ba Koosa.

JɔnN Deesi 4:1

A gantɛl ni mu fun bu nyini a na kundɔŋ a chi mu deesi. Koosa tɔhɔn ti bulzɔɔnɔ funɛ puku, ka ta zaŋa naa mu fun te nu chen chi kaabul fun ŋɔ min, “Zini kuwa bar nɔ ka mu biksi hin chenani la zi wa ya.”

JɔnN Deesi 4:4

Bar kanɛ fumlɛ danaasi funɛ go un. Nihɛɛta nara fumlɛ danaasi funɛ kani doonma ni. Ba maga funɛ laari kipilimiwa a chik salma nyuchigsa.

JɔnN Deesi 5:13

Doone mu fun nu kin naa maga funɛ nyɛn Koosa tɔhɔn ti awa tɛɛnɛ nɔ maga wa nisitɛ bar nyɛni wa teku ni ka a fun lɔ bool a ŋɔ, “Ma nyɛ ya pɛgi naa kanɛ Koosa jirima bar kani ni awa piisi be ti, domi ba kpak jirima awa chaani wa kpok kinkan hali saha naa vɛ kpak bɔ.”

JɔnN Deesi 7:15

Chendaha ba nyɛn Koosa jirima bar kani suwachak ni a la tum o tuma saha maga a li Koosa tɔhɔn nɔ ni. Koosa titi zi kpalimi ba watiu.

JɔnN Deesi 7:9

A gantɛl ni mu fun nyini a na ka zɛmɛ kinkan nyɛn dooni. Nandigi wa fun koti a gur ba. Ba funɛ li tɛɛnɛ nɔ maga pulumsa awa buurisa maga ni ka ba maga sɛm sɛm kurgɛ. Ba fun laari takta ziŋɛ pilima a kpak bone kpachaga ba nisa ni a chiŋi Koosa jirima bar kani awa piisi be ti suwachak ni.