JɔnN Deesi 13:16 - Tampulma

¹⁶ O gbanko fun kpa o titi dana a dani nara ba naa maga ya nibirige awa ba naa vɛ yaali, kin tima awa fara tima, ba naa ya yosa awa ba naa vɛ yaali a li ba nindilsa awa ba tilsa ni.

JɔnN Deesi 13:16 Σταυροειδείς Αναφορές

Tuma 26:22

Koosa la suŋi min saha maga. Chenani mu chiŋi i suwachak ni a li ba naa ya nibin birige awa ba naa vɛ ya nibin birige suwachak ni a kok mu titi nan, waa la suŋi min. Mosis awa Koosa witinsi ta fun sɔbi a li Koosa sɛm tɔn ti ni a biksi chenani nara zi wa ya naa Koosa vɔu di o zi wa tum wuzu digi chenu. Ba sɛma awa chenani mu sɛm ya kibɛgimnɛ.

1 Kɔr. 12:13

Ya bɔnɛ ya Ju timwa. Ya bɔnɛ ka wa ya Ju tima. Ya bɔnɛ ya yosa ka ya bɔnɛ ka dɔ ya titi. Amaa Koosa funɛ kpa o siim weri tiu a du ya maga ni ya burgi nibɛgim.

Gal. 3:28

Ma naa ya Ju tima awa ma naa vɛ ya Ju tima, ma naa ya yosa awa ma naa vɛ ya yosa, ma nibaala awa ma nihaana, ma maga ya nibɛgimnɛ, domi ma wa Yesu Kristo ya nibɛgimnɛ.

Gal. 6:17

Mu kpak funfukniwa mu bara ni. A wa biksi nara di mu ya Yesu tumtumnɛ. Chendaha nandigi ta bu gbaari mu namsi nɔ ni.

Ɛfɛ. 6:8

Ma zimu di ma ya nibin hiise akoo ma ya yosa a tum tum were a nyɛ un, o zi wa bɔ ma chimu.

Kɔl. 3:11

Ba naa kpak Koosa suwachak tuhu kina wɛ, ba wara zim di digi ya Ju timwa ka digi ka vɛ yaali. Ba wara zim di digi teŋu ka digi ka vɛ teŋi. Ba wara zim di digi ya hɔɔrrɛ ka digi ka vɛ yaali. Ba wara zim di digi ya yomne ka digi ka vɛ yaali. Baa zimu di Kristo kaali kina maga. Waa nyɛn o nitiŋɛ ta maga wati.

2 Tim. 3:8

Nibiksɛ nama burgi ba gantɛlwa a chak Koosa wuti ti a chi nara balɛ naa ba funɛ yir Janis awa Jambrɛs, burgi ba gantɛlwa a chak Mosis saha digi. Nibiksɛ nama ya lise tagin timwa a nyuksi Koosa nyinbaan.

JɔnN Deesi 11:18

Saha telu di i na paan a lɛrgi ba diŋsa a di ba naa sitɛɛ, sɛria. Chendaha ba naa vɛ zim hin, fun na paan kinkan a du hin ni. Saha telu di i bɔ i witinsa ba naa ya i tumtumsa, awa i nara ba naa maga ya nizene awa niwisa a la nyɛ hin jirima, chem. Saha telu di i kpa ba naa funɛ chɔk tɛɛnɛ nɔ kina maga a ta ba yɔri.”

JɔnN Deesi 15:2

Mu fun na Koosa nara ba naa maga vɛ jɛɛmi sel zen ti akoo o vura a vɛ nyɛ o kpa o sɔn awa kɔksa nɔra di fumnɔra danɔra a dani ba. Ba fun chiŋi a dugli bɛɛŋa naa funɛ pɛn a lili a chi diga ka din nyɛn o daha ni, a kpak gɔnjisa a naa Koosa fun kpa a nyɛ ba.

JɔnN Deesi 19:18

O zi kpa koorsa, lanjimasa awa ba nihɛɛta, zaagna awa ba naa zinɛ a, ba naa ya nibirige awa ba naa vɛ yaali, ba naa ya yosa awa ba naa vɛ yaali, a wa ba magwa o zi kpa nyɛ ma ma di.”

JɔnN Deesi 19:20

Koosa tɔhɔn lanjimasi ta fun nyaŋi tɛɛnɛ nɔ tim maga lanjimasi ta a kpaksi sel zen ti awa witiina naa vɛ zim Koosa. Witiin ti yaa funɛ tum tum zenewa sel zen ti suwachak ni di o mur ba naa sel zen ti fun kpa o sɔn a dani ba a la jɛɛmi o vura. Koosa tɔhɔn lanjimasi ta fun kpa sel zen ti awa witiin ti a la yo a du bɛɛŋ naa din bu saha maga ni ka ba nyini.

JɔnN Deesi 19:5

Doone mu fun nu ta a li Koosa jirima bar nyɛni ni ka o ŋɔ, “O deŋlu di ba naa maga ya nizene awa ba naa vɛ yaali a ya o tumtumsa a la ɔm un, ba pɛgi un.”

JɔnN Deesi 20:12

Mu fun na tɛɛnɛ nɔ tim maga ba naa funɛ ya nibirige awa ba baa funɛ vɛ yaali ka Koosa lɛli ba a li ba sou ni. Ba funɛ chiŋi o jirima bar kani suwachak nɛɛ. Ba fun puk Koosa mi fali tɔn ti awa tɔni naa ba fun sɔbi ba tuma a du a tuhu ni. O fun di ba sɛria a li chenani ba sɔbi a du tɔni ta ni.

JɔnN Deesi 20:4

Doone mu fun na jirima bar kanɛ dooni. Ba funɛ kpa kpok a nyɛ ba naa kanɛ dooni di ba di sɛriasa. Mu gbanko funɛ na ba naa tɛɛnɛ nɔ tim maga fun kpu domi ba funɛ biksi ba Yesu wuti wɛu. Ba wa funɛ jɛɛmi sel zen ti akoo o vura, a vɛ nyɛ o kpa o sɔn a dani ba tilsa awa ba nisa. Kristo fun lɛli ba a li ba sou ni a nyɛ ba wa un ya koorsa a dɔ bun tusuga.

JɔnN Deesi 6:15

Tɛɛnɛ nɔ tim maga koorsa, nibirige ta, kin tima, lanjimasa nyuhu tima, ba naa funɛ ya yosa awa ba naa funɛ ya nihiise, ba maga fun chɔ la zu gbɛntɛl bɔsa awa bɛ bambaanisi ni.

JɔnN Deesi 7:3

“Ma nyɛ mu te dani Koosa tumtumsa a li ba tilsa ni ka ma zi chɔk tɛɛnɛ awa ni wa bugila.”