JɔnN Deesi 13:14 - Tampulma

¹⁴ Domi kpok naa sel zen naa nyuha funɛ huusi a peti chen, fun kpa a nyɛ un chen, o fun koti a tum tum zene a la mur tɛɛnɛ nɔ tim maga. O fun ŋɔ ba di ba kɔɔri vura o chi sel zen naa nyuha funɛ huusi ka o ha vɛɛn kpak miisa chen a jɛɛmi un.

JɔnN Deesi 13:14 Σταυροειδείς Αναφορές

2 Tɛs. 2:4

Tum tagna tiin nɔ zi wa ŋɔu di kinkin naa nibinsa jɛɛmi ya yɔrirɛ, a ŋɔ di o ya nibin zenne a kaali ba maga. Hali o zi la zu Koosa bar jɛɛmi damau a kani a ŋɔ di o ya Koosarɛ.

JɔnN Deesi 12:9

A fun duŋni a a ta tɛɛnɛ nɔ maga ni di a nyɛn dooni. Sel zen ti awa sintana ya kibɛgimnɛ. Waa ya naa ba yir dum ti a nyɛn a vusi a ya alizin tagna koora. Saha maga o yaa mur tɛɛnɛ nɔ tim magau.

JɔnN Deesi 13:1

Doone mu fun na sel zen digi ka o li ni ni. O funɛ kpak nyuuna nɔpɛ awa nyindaasa fire a chiksi koorsa nyuchigsa kin fi o nyindaasi ni. Ba fun sɔbi sɛm nawara la pini Koosa zoma a sak o nyuuna nɔpɛ ta ni.

JɔnN Deesi 13:15

Ba funɛ kpa kpok a nyɛ naa funɛ li tɛɛnɛ ni chen di o nyɛ vur ti kinyini a koti a sɛm sɛma. Vur ti fun ŋɔ di ba kpaksi ba naa maga vɛ jɛɛmi un, a kpu.

JɔnN Deesi 13:8

Koosa funɛ te sɔbi ba naa maga la zi wa la o mi fali ti, sɔna a du o tɔn ti ni a zi naami tɛɛnɛ nɔ maga. O piisi be naa ba fun kpu chen, dɔ tɔn ti. Ba naa maga sɔna vɛ nyɛn tɔn ti ni, funɛ jɛɛmi sel zen tire.

JɔnN Deesi 14:11

Din naa nyɛ ba namsi, nyɔɔsa zini buudaha hali saha naa vɛ kpak bɔ. Ba naa funɛ jɛɛmi sel zen ti awa o vur ti a nyɛ o kpa o sɔn a dani ba, ba waa la namsi a vɛ hiisi.”

JɔnN Deesi 14:9

Malaikasa tora tiin ti fun za a tiŋ abalɛ ta mun ni a ŋɔ ta zaŋa ni, “Ba naa maga la jɛɛmi sel zen naa funɛ li teku ni ni chen akoo o vura a nyɛ o kpa o dana a dani ba nindilsa awa ba tilsa,

JɔnN Deesi 15:2

Mu fun na Koosa nara ba naa maga vɛ jɛɛmi sel zen ti akoo o vura a vɛ nyɛ o kpa o sɔn awa kɔksa nɔra di fumnɔra danɔra a dani ba. Ba fun chiŋi a dugli bɛɛŋa naa funɛ pɛn a lili a chi diga ka din nyɛn o daha ni, a kpak gɔnjisa a naa Koosa fun kpa a nyɛ ba.

JɔnN Deesi 16:13

Doone mu fun na ka alizin tagna tora a chi sampɔrsa fun wa li sel zen naa duŋni nihaan ti awa sel zen naa li ni ni wa witiina naa vɛ zim Koosa, nɔɔni ni.

JɔnN Deesi 16:2

Tel te tiin ti fun te la biti a dau tɛɛnɛ ni. Chɔɔra tagna a naa nyɛ nara namsi kinkan, fun nyɛn ba naa sel zen ti fun dani ka ba jɛɛmi o vur ti chen.

JɔnN Deesi 18:23

Nandigi wa zi bu suk fitina dooni akoo a lagmi o chɛnsa di ba wa di diwe o haan fali dam ni. Nikpiŋɛ ba naa funɛ nyɛn dooni chen funɛ zim kpiŋi a kaali ba maga. Ba naa la tum tu bilima tumi a nyɛn dooni, fun mur nidamata.”

JɔnN Deesi 19:20

Koosa tɔhɔn lanjimasi ta fun nyaŋi tɛɛnɛ nɔ tim maga lanjimasi ta a kpaksi sel zen ti awa witiina naa vɛ zim Koosa. Witiin ti yaa funɛ tum tum zenewa sel zen ti suwachak ni di o mur ba naa sel zen ti fun kpa o sɔn a dani ba a la jɛɛmi o vura. Koosa tɔhɔn lanjimasi ta fun kpa sel zen ti awa witiin ti a la yo a du bɛɛŋ naa din bu saha maga ni ka ba nyini.

JɔnN Deesi 2:10

Ma ta ɔm chenani ma namsi zi wa gbaari. Sintana zi wa nyɛ ba kpak ma bɔnɛu a tɔ dɛ di o zaamsi ma a nyɛ ma namsi kinkan wuzu fi. Ba daŋni ba kpu ma, ma kpak nɛnɛ ka mu zi kpa Koosa mi fali ti a nyɛ ma.

JɔnN Deesi 20:10

Doone ba zi zer sintana naa gbaɛɛ a mur nara a yo du a gbaari sel zen ti awa witiina naa vɛ zim Koosa a li bɛɛŋ naa din di saha maga ni. Doonee ba wa un zi namsi kinkan hali saha naa vɛ kpak bɔ.

JɔnN Deesi 3:10

Saha naa ba naa maga nyɛn tɛɛnɛ nɔ maga ni zi wa namsi kinkan, ka mu zi zaamsi ba, duglɛu. Ma funɛ tum ma tumau wa kanyita ni a chi chenani mu fun biksi ma. Chendaha mu zi wa lisi mau a li namsi ti saha ni.