JɔnN Deesi 12:9 - Tampulma

⁹ A fun duŋni a a ta tɛɛnɛ nɔ maga ni di a nyɛn dooni. Sel zen ti awa sintana ya kibɛgimnɛ. Waa ya naa ba yir dum ti a nyɛn a vusi a ya alizin tagna koora. Saha maga o yaa mur tɛɛnɛ nɔ tim magau.

JɔnN Deesi 12:9 Σταυροειδείς Αναφορές

Mat. 13:39

Sintana, naa ya ya dɔm, waa funɛ du kɔsi ta mu ŋmaha ti ni. Kumi saha wa ya tɛɛnɛ nɔ maga siili. Nikumɛ ka wa ya Koosa malaikasa.

Mat. 24:24

Nara bɔnɛ zi wa siu a mur nara a ŋɔ di ba ya Kristore. Bɔnɛ ka wa ŋɔ di ba ya Koosa witinsiwa. Ba zi wa tum alaazibu tumau kinkan a daŋni ba mur ba naa Koosa fun lisi di ba tiŋ un chen.

Mat. 25:41

“Doone mu zi burgi a ŋɔ tum tagna nitumɛ, ba naa nyɛn mu ningal niu, ‘Ma naa Koosa fun ŋɔ nɔ a nyɛ chen, ma la mu wati. Ma la din dama naa Koosa fun kɔɔri a chiŋsi sintana awa o malaikasa.

Mat. 4:1

Wuzu digi Koosa siim weri ti fun te Yesu suwachak a kaali kɔha. Sintana funɛ daŋni o la pu Yesu dooni a zaamsi un.

Mat. 4:10

Yesu fun ŋɔ un, “Sintana, kila a ka min. Ba funɛ sɔbiu a li Koosa sɛm tɔn ti a ŋɔ, ‘Kijɛɛmi i kunyan Koosa a tum aa nyɛ o duŋduŋ ni.’ ”

Mat. 4:5

Ba fun li dooni ka sintan ti fun kpa Yesu a la zini zɔŋ Koosa bar jɛɛmi dam mampil nyuhu ni a li Jɛrusalɛm ni,

Mat. 4:8

Ba fun bu li dooni, ka sintan ti fun kpa Yesu a zini bi ziŋziŋi nyuha a biksi un tɛɛnɛ maga tɔsa awa a jirima kinkan.

Luk 10:18

Yesu fun ŋɔ ba, “N fun na sintanau ka o li buudaha aa wa a chi nasɛha nyiksɛɛ. Mu sɔn funɛ kpok a kaali o sɔn.

Luk 13:16

Nihaan nɔ nyɛn bar nɔ nan ya Abraham be lulɛ ta digirɛ. Sintana fun dɔ un bun fumlɛ alɛ wa to. Yɛrɛ ma ŋɔ di o wa deŋli di mu tiibi un hiisi wuzu ti?”

Luk 22:3

Judas, naa ba yir Iskariɔt, funɛ ya Yesu gantɛl tiŋsi ta digirɛ. Saha tirɛ sintana fun wa zu o bambi ni.

Luk 22:31

Saha tirɛ Yesu fun ŋɔ Pita ni, “Simɔn, kinu mu wati. Koosa funɛ nyɛ sintana nyinbaanu di o zaamsi ma maga a chi nihaan chɛɛrɛ munzɔta a li mɛ ni.

Luk 8:12

Kiduha naa funɛ chesi nyinbaan ti ni chen chi o laaboor weri naa nibinsa nurɛ. Sintana fun si lalaga a wa yisi laaboor ti a li ba bambe ni, chen ni ba se wa zi su un. Koosa wa zi koti a yisi ba a li ba tum tagna ni.

Jɔn 12:31

Chenani Koosa zi di tɛɛne nɔ tim maga sɛria a nyaŋi sintana naa dɔ ba, duglɛu.

Jɔn 14:30

Mu wa bura daŋni mu sɛm kinkan ma wati, domi sintana naa dɔ tɛɛnɛ nɔ tim maga wau. Mu wa un wa kpak wu digi wa dɔŋ ni.

Jɔn 16:11

Koosa fun piin na sintana naa dɔ tɛɛnɛ nɔ tim maga, galimsa a ha vɛ ta un yɔri. Kin namawa Koosa siim weri ti kaa wa biksi ba.

Jɔn 8:44

Ma waa ya sintan bisa aa daŋni ma tiŋ o tutɔ. Saha naa Koosa fun naami tɛɛnɛ nɔ maga hali a wa tel lalaknɔ, sintana funɛ ya nara nikpuuli. O wa zim chenani wuti du. Waa ya nusun koora. O kaa suni wɛ, o wara bɔm un ni.

Tuma 26:18

O chi ba naa vɛ ya Ju tima, ya nyulumwa a nyɛn birsi ni domi sintana dɔ ba. Mu zi nyɛ i la lisi ba a li birsi ti niu a lɛli ba se, chen ni Koosa zi wa dɔ bau. Waa la zi gil ba tum tagna a nyɛ ba a gbaari ba naa o fun lisi a nyɛ o titi ni chen, domi ba se su min.’ Mu kunyan ti fun sɛm chen peti a kaali.”

Tuma 5:3

Pita fun wa pɛɛsi un, “Ananias, i yogli i tɛɛnɛ ti chen, baŋnɛ i yisi malɛ ta bɔnɛ a pusi? Baŋnɛ i nyɛ sintana zu i bambi a daŋni o mur Koosa siim weri ti nan ni?

Room 16:18

Nara nama ba naa la tum nan, ba wara tum a nyɛ ya kunyana Kristo nɛɛ. Ba titi daŋnɛ tum tagniwa baa tum, a ŋɔ sɛm were a pɛgi nara wa ba nyina ni aa mur ba naa vɛ ili.

Room 16:20

Koosa naa ya bara sɔɔna tiina, waa la zi wa chɔk sintana a nyɛ ma lalaga. Ya kunyana Yesu zi suŋi mau.

2 Kɔr. 11:14

Hali sintana gbanko koti a chɛrgi o titi, chen ni nara zi lisiu di o ya Koosa malaikasi ta nichaani digirɛ.

2 Kɔr. 11:3

O muksi minu kinkan ma daha. Ma bɔnɛ nyɛ nara burgi ma bambeu a li chenani ma fun te tiŋ Yesu Kristo a li tu bɛgim ni. Ma burgi nɔ chi chenani sintana fun nɛɛgi a mur Iif saha digi chen.

2 Kɔr. 12:7

Koosa wa funɛ daŋni mu zer mu titi, domi o funɛ nyɛ mu nu alaazibu sɛmau. Chendaha o fun kpa wichɔɔrta a nyɛ min o wi mu bara ni saha maga. O chi Koosa nyɛ sintana tuksi minu saha maga.

2 Kɔr. 2:11

Ya zim chenani sintana tumu saha maga. Chendaha ma zer chen nyinbaan o wa kikoti a nyaŋi ma.

2 Kɔr. 4:4

Ba wa koti a nyɛ ba se su o laaboor weri ti. O chi nharɛ a chaani nara bambe ni, amaa sintana naa dɔ tɛɛnɛ nɔ tim maga, tɔ ba lise. Koosa laaboor weri ti ya Kristo wɛ. O bambi chi Koosa bambire. Koosa awa un bɔnɛ o jirima awa o chaani ti kinkan.

Ɛfɛ. 4:14

Saha ti wa tel, ya wa zi bu chi ba naa se vɛ su un nɛnɛ. Ba chi arŋa naa peha viigire. Nibiksɛ ba naa vɛ zim Koosa yaa wa mur ba a daŋni ba yisi ba a li wuti tiŋi nyinbaan ni. Nibiksɛ ta yaa kpak un ba bambe ni di ba tum tum tagna maga hali a wa na chenani ba daŋni.

2 Tɛs. 2:3

Ma fiɛŋ ma nyɛ nara kimur ma, domi tum tagna tiina la zi wa te a wa. Tɛɛnɛ nɔ tima ba naa vɛ zim Koosa hali a wuzu ti, zi wa siu aa tiŋ tum tagna tiin ti. O saha wa peti, Koosa zi kpa unu a du din dam ni.

1 Tim. 2:14

Sintana wa fun mur Adam, amaa nihaan tirɛ sintana fun mur o chɔk Koosa chiksɛ ta.

2 Tim. 3:13

Amaa nimurɛ ba naa la tum tum tagna zi wa tumu aa gbaari. Ba wa la mur nara awa ba titi.

Ju 2:14

Ba naa o funɛ yir Koosa bisa, ba waa ya nibinsa. Chendaha Yesu fun burgi nibine naa kpok purɛɛ a chi ya, chen ni o zi sou a kpa sintana awa o sou kpoku a ta,

1 Pita 5:8

Ma dɔm sintana chi gbogumta naa la gba a la wire. O yaa dɛu nandigirɛ di o kpak a se. Chendaha ma ya bambi tima a kidoso aa il.

1 Jɔn 5:19

Ya zimu di ya ya Koosa bisiwa. Ba naa maga vɛ ya Koosa bisa, ba waa nyɛn sintana nin ni.

Juud 1:9

Hali Koosa malaikasa nyuhu tiina naa ba yir Maikil, wa tun nan. O wa sintana funɛ di amɔrɛ di anti maa wa dɔ Mosis bara, o titi wa fun pini sintana zoma a di un sɛria, amaa o funɛ ŋɔ di Koosa la zi zulimi un.

JɔnN Deesi 12:12

Ma nyɛ ya naa maga nyɛn Koosa tɔhɔn ti ni tusa sɔɔni, amaa yɛrɛ o kaa wa du ba naa maga nyɛn tɛɛnɛ nɔ maga ni domi sintana wa ma nyɛnɛɛ. O na paanu kinkan, domi o zimu di o nyɛni saha wa zi vusi.”

JɔnN Deesi 12:3

Dana zen digi funɛ gbaari un ni a li buudaha ni. Sel zen sɛm funɛ nyɛn doon. O funɛ kpak nyuuna nɔpɛ awa nyindaasa fire a chiksi koorsa nyuchigsa nɔpɛ.

JɔnN Deesi 12:7

Doone Koosa malaikasa awa a nihɛɛ naa ba yir Maikil, fun lagmi dɔŋ ni di a la chem sel zen ti awa o malaikasa laal ni a li Koosa tɔhɔn ti ni.

JɔnN Deesi 12:8

Koosa malaikasi ta fun nyaŋi sel zen ti wa o walɛ a fun vɛ nyɛ a bu nyɛn dooni.

JɔnN Deesi 13:14

Domi kpok naa sel zen naa nyuha funɛ huusi a peti chen, fun kpa a nyɛ un chen, o fun koti a tum tum zene a la mur tɛɛnɛ nɔ tim maga. O fun ŋɔ ba di ba kɔɔri vura o chi sel zen naa nyuha funɛ huusi ka o ha vɛɛn kpak miisa chen a jɛɛmi un.

JɔnN Deesi 16:14

Alizin tagna tora ta funɛ kpak kpok di a tum tum zene damata. Ba fun gba a lagmi tɛɛnɛ nɔ tim maga koorsa awa ba walɛ, chen ni Koosa wuzu zen naa o zi wa di ba sɛria chen wa tel, ba zi chem unu a li laal ni.

JɔnN Deesi 18:2

O fun tɛsi wa ta zaŋ ni a ŋɔ, “Tɔhɔn zen naa ba yir Babilɔn, fun chɔk. Alizin tagna awa zimebisa a nawara doŋee kinkan duŋduŋ nyɛn dooni.

JɔnN Deesi 18:23

Nandigi wa zi bu suk fitina dooni akoo a lagmi o chɛnsa di ba wa di diwe o haan fali dam ni. Nikpiŋɛ ba naa funɛ nyɛn dooni chen funɛ zim kpiŋi a kaali ba maga. Ba naa la tum tu bilima tumi a nyɛn dooni, fun mur nidamata.”

JɔnN Deesi 19:20

Koosa tɔhɔn lanjimasi ta fun nyaŋi tɛɛnɛ nɔ tim maga lanjimasi ta a kpaksi sel zen ti awa witiina naa vɛ zim Koosa. Witiin ti yaa funɛ tum tum zenewa sel zen ti suwachak ni di o mur ba naa sel zen ti fun kpa o sɔn a dani ba a la jɛɛmi o vura. Koosa tɔhɔn lanjimasi ta fun kpa sel zen ti awa witiin ti a la yo a du bɛɛŋ naa din bu saha maga ni ka ba nyini.

JɔnN Deesi 2:13

Mu zimu di doonani ma nyɛn nan, sintana dɔ nidamata. Hali o nitiŋɛ funɛ kpu naa ba yir Antipas domi o funɛ biksi nara mu wɛ, ma wa fun bur a li mu tiŋi ni.

JɔnN Deesi 2:24

“Ma naa nyɛn Tiataya ni a vɛ tiŋ sintana wu sogle naa o biksi nara, mu daŋni ma duŋduŋnɛ kpak mu wuti biksi ti hali mu wa bur wa. Mu wa ŋɔ ma di ma bu ya wu digi.

JɔnN Deesi 2:9

Mu zim chenani ma namsiu kinkan a ya fara tima, amaa ma ta suglɛ di ma funɛ kpa kidamatiwa a chiŋsi a li Koosa tɔhɔn ti ni. Bɔnɛ nyɛn ma ni aa chɔk ma sɔna. Sintana dɔ ba, domi ba ŋɔ di ba ya Ju timwa a vɛ yaali.

JɔnN Deesi 20:10

Doone ba zi zer sintana naa gbaɛɛ a mur nara a yo du a gbaari sel zen ti awa witiina naa vɛ zim Koosa a li bɛɛŋ naa din di saha maga ni. Doonee ba wa un zi namsi kinkan hali saha naa vɛ kpak bɔ.

JɔnN Deesi 20:8

O zi la gbau a mur tɛɛnɛ nɔ nara a lagmi ba wa ba naa ba yir Gɔg awa Megɔg di ba la chem Koosa nara wa laal ni. Ba zi wa iiu kinkan a chi mɔɔga hɛchɛ naa nandigi vɛ koti a guri.

JɔnN Deesi 3:9

Ma nu mu wati. Ba naa ŋɔ ma di ba ya Ju timwa a ya nusun tima, sintana dɔ ba. Mu zi nyɛ ba wa gbiri ma suwachak niu a nyɛ ma jirima, domi ba zimu di mu daŋni mau.

JɔnN Deesi 9:1

Anyuun tiin ti fun hu o kaabul. Mu fun na wul naa li buudaha a wa chel tɛɛnɛ nɔ maga ni. O fun kpak kpok a puk bɔ naa vɛ kpak bar peti, bulzɔɔnɔ.

JɔnN Deesi 9:20

Tɛɛnɛ nɔ tima ba naa maga malaikasa naasi ta ha fun vɛ lisi di a kpu ba, wa fun gil ba tum tagna a bur tiŋ Koosa. Ba yaa funɛ jɛɛmi alizin tagniwa a kpa salma, aniita, lugɛ naa sɛrɛ a chi sumin, buŋkula awa daasa a kɔɔri vursa a naa vɛ naali akoo a nu sɛma koo a val, a jɛɛmi a.