JɔnN Deesi 12:5 - Tampulma

⁵ O fun lul nibabichɛla naa la zi wa bi a dɔ tɛɛnɛ nɔ nara maga wa kpok kinkannɛ. Ba fun wa fuksi be ti bu bɛgim a nyɛ Koosa naa kanɛ o jirima bar kani ni a li o tɔhɔn ti ni.

JɔnN Deesi 12:5 Σταυροειδείς Αναφορές

Mat. 1:25

Amaa o wa un waa fun chɔ hali o wa lul o nibabichɛl ti. O funɛ wa lul un, Josɛf fun du o sɔn Yesu.

Maak 16:19

Ba kunyan Yesu funɛ sɛm ba peti, o zini a kaali buudaha a la kani Koosa nihɛɛ bar kani ni.

2 Kɔr. 12:2

Bun fidanaasi gantɛl ni, Koosa fun lisi min a zini a zu o tɔhɔn ti. Mu wa zim di o funɛ ya nan koo o chi mu funɛ deesiu. O duŋduŋ zim chen.

2 Kɔr. 12:4

Mu funɛ zu dooni, mu funɛ nu sɛmau a naa mu vɛ koti a sɛm ma.

JɔnN Deesi 11:12

Doone nara balɛ ta fun nu ta kpok a li Koosa tɔhɔn ti ni ka o ŋɔ ba, “Ma zini kuwa bar nɔ.” Ba fun zini a kaali buudaha ka dobaal tɔ ba ka ba dɔma nyini ba.

JɔnN Deesi 12:13

Sel zen ti funɛ na di ba duŋni un a ta tɛɛnɛ nɔ maga ni chen, o fun la muksi nihaan naa funɛ lul nibabichɛla, kinkan.

JɔnN Deesi 12:2

O funɛ wa duuri a daŋni o lul a la wi.

JɔnN Deesi 19:15

Ba nyuhu tiina fun kpak chisi nɔsa lɛ o li o nɔ ni naa o zi lisi a nyaŋi tɛɛnɛ nɔ tim maga. O zi sɔ bau wa kpok kinkan ni a hɛmsi bugil ta nɔna naa malaika ti teŋsi a lagmi a dau, a bar hɛmsi ni. Dooni awa chenani Koosa na paan kinkan a la zi lɛrgi tɛɛnɛ nɔ tim maga diŋsa ya kibɛgimnɛ. Waa kpak kpok a kaali kina maga. Chendaha o zi koti a ya chen.