JɔnN Deesi 12:10 - Tampulma

¹⁰ Doone mu fun nu ta kpok a li Koosa tɔhɔn ti ni ka o ŋɔ, “Ya funɛ nyaŋi naa yaa funɛ fiksi ya niinbisa Koosa suwachak niu saha maga a duŋni un a ta. Koosa naa ya ya koor wuti, funɛ kpa Kristo kpok a gbaari o kpok ni a lisi naa la muksi ya chen a li ba bambaan ni.

JɔnN Deesi 12:10 Σταυροειδείς Αναφορές

Mat. 26:64

Yesu fun ŋɔ, “Min ya un. Nyɛ mu ŋɔ hin di wuzu digi i zi wa na mu waa nibine beu ka mu kani Koosa nihɛɛ bar kani ni, a bukoo na min n wa bur wa dobaala tuhu ni.”

Mat. 28:18

Yesu fun la dugli ba a ŋɔ, “Koosa funɛ kpa buudaha awa tɛɛnɛ kpok magau a nyɛ min.

Mat. 6:10

Ya daŋni i wa dɔ narawa, chen ni ba zi tiŋ i tutɔ daŋni a li tɛɛnɛ nɔ maga niu a chi chenani i malaikasi ta tiŋ hin a li i tɔha ti ni chenu.

Luk 11:2

Yesu fun ŋɔ ba, “Nan nyinbaan nɔ wa ma zi sumi Koosa, ‘Ya kunyan Koosa, ya daŋni i sɔn naa la chaani chiŋiu. Ya daŋni i wa dɔ narawa.

Luk 22:31

Saha tirɛ Yesu fun ŋɔ Pita ni, “Simɔn, kinu mu wati. Koosa funɛ nyɛ sintana nyinbaanu di o zaamsi ma maga a chi nihaan chɛɛrɛ munzɔta a li mɛ ni.

1 Kɔr. 5:4

Chendaha mu ŋɔ mau ma yir ma titi a lagmi dɔŋ ni wa ya kunyan Yesu kpok ti ni. Ma wa lagmi, o zi chi mu gbanko nyɛn ma wati.

2 Kɔr. 12:9

O fun vɛ la nɔɔni a ŋɔ min, “Mu zi nyɛ hin mu kpok tiu i di un. Nibine kpok bur gantɛlu, kpok naa mu kpa du un ni chen la gbaari.” Chendaha mu tuha sɔɔni ka mu daŋni sɔn di mu titi kpok ti ya yɔrirɛ, chen ni Yesu Kristo kpok ti zi nyɛn min niu kinkan.

Tait. 2:3

Kibiksi nihahɛɛta gbanko di baa tum tum were, chen ni ba dɔŋtima zi nyɛ ba jirimau. Biksi ba ba ta chɔk ba dɔŋtim sɔna a ta nyɔ sin aa dɛɛsi. O lawa nihahɛɛti ta biksi nihaana baa tum tum wereu,

1 Pita 5:8

Ma dɔm sintana chi gbogumta naa la gba a la wire. O yaa dɛu nandigirɛ di o kpak a se. Chendaha ma ya bambi tima a kidoso aa il.

JɔnN Deesi 11:15

Doone malaikasa nɔpɛ tiina fun hu o kaabul. Mu fun nu ta kpoka a li Koosa tɔhɔn ti ni ka a ŋɔ, “Ya kunyana awa Kristo naa o fun lisi a nyɛ o titi ni kpak kpok a dɔ tɛɛnɛ nɔ maga. Waa la zi dɔ un hali saha naa vɛ kpak bɔ.”

JɔnN Deesi 2:26

Ma kpak nɛnɛ a sɔɔni mu tuha hali a la tel o bɔ, mu zi vɔti ma mu koorsau ma dɔ tɛɛnɛ nɔ tim maga.

JɔnN Deesi 7:10

Ba fun tɛsi wa ta zaŋ ni a ŋɔ, “Koosa naa la kani o jirima bar kani ni awa piisi be ti, ba maga funɛ yisi ya a li ya tum tagna ni hali a wa peti a kpa ya wa bar nɔ.”