JɔnN Deesi 11:2 - Tampulma

² Ta maksɛ Koosa bar jɛɛmi dam sali ta, domi ba naa vɛ zim Koosa chen, zi wa zu dooniu a chɔk tɔhɔn naa o fun lisi a nyɛ o titi ni, a val o daha ni pɛn fumnaasi dalɛ ni.

JɔnN Deesi 11:2 Σταυροειδείς Αναφορές

Mat. 27:53

Yesu funɛ si o sou ni wuzu butora wuzu, ba fun kaali a la zu Jɛrusalɛm. Nidamata fun na ba dooni.

Mat. 4:5

Ba fun li dooni ka sintan ti fun kpa Yesu a la zini zɔŋ Koosa bar jɛɛmi dam mampil nyuhu ni a li Jɛrusalɛm ni,

Mat. 5:13

“Nara yaa kpa yisa a du ba kina ni di a ta chɔki. Ma chi chen yisawa. Ma lɛmlɛm liee, ma wa kpak nyinbaan naa ma zi bukoo lɛm. Ma ya yɔrirɛ. Ba zi kpa mau a yo ta aa val ma daha ni.

Luk 21:24

Ba nidamata zi wa sitiu a li yo ti ni. Ba zi wa kpaksi ba bɔnɛu kpok ni a kaali bar boli pulumsa. Ba naa vɛ zim Koosa zi wa chɔk Jɛrusalɛmu a kpalimi dooni hali Koosa wa ŋɔ di ba li.”

Ju 10:29

Nan funɛ du Ju tim ta ni chen saha digi, yɛrɛ o fu zi du ba naa kpa Koosa be a dau gbampulim ni a nɔsi? Ba kpa o chɛl naa chaksi ba bambe a nyɛ Koosa wa ba ya nɔ bɛgim a ŋɔ di o ya yɔrirɛ a pini Koosa siim weri naa la suŋi ba, zoma, ma wa lisi di Koosa zi wa lɛrgi ba diŋsau a kaali chenani Ju tim ta fun lɛrgi ba naa funɛ vɛ kpak wu digi wa Koosa chiksɛ saha digi chen diŋsauu?

JɔnN Deesi 11:11

Wuzu butora awa wuzu bore gantɛl ni, Koosa fun tum o siim weri ti di o lɛli ba a li ba sou ni. Nara funɛ na ba ka ba bu chiŋi, hansura fun kpak ba kinkan.

JɔnN Deesi 11:3

Chen saha ti mu zi nyɛ nara balɛ laari taktasa a naa la lɔk barau a biksi nara tima Koosa sɛma wɛ wuzu tusuga awa kɔksa lɛ di fumnɔra.”

JɔnN Deesi 12:6

Nihaan ti fun chɔ kaali nyabaan. Koosa funɛ kɔɔri bar nyɛni a nyɛ un dooni di o nyɛn ba nyini un wuzu tusuga awa kɔksa lɛ di fumnɔra.

JɔnN Deesi 21:10

Koosa siim weri ti fun nyɛ malaika ti zer min a la zini bi ziŋziŋi nyuha. O fun biksi min Jɛrusalɛm fali naa Koosa fun lisi a nyɛ o titi ni ka o li o tɔhɔn ti a tu wa tɛɛnɛ nɔ maga.

JɔnN Deesi 21:2

Mu gbanko fun na Koosa tɔhɔn naa o fun lisi a nyɛ o titi ni ka o li o tɔhɔn ti a tu wa tɛɛnɛ nɔ maga. Ba funɛ yir un Jɛrusalɛm fali, domi o funɛ naami unu di o chiŋi kibuni ti bar chiŋi ni. O funɛ chi chenani nihaan yaa saksi di o yu baal chene.

JɔnN Deesi 22:19

Nandigi lisi kundɔŋ a li tɔn nɔ ni, Koosa wa zi nyɛ o zu o tɔhɔn ti a di o mi fali bugili nɔn a naa wɛ mu ŋɔ ma a li tɔn ti ni.