JɔnN Deesi 11:19 - Tampulma

¹⁹ Nihɛɛti ta funɛ sɛm peti, ba fun puk Koosa bar jɛɛmi dam naa nyɛn o tɔhɔn ti ni, bulzɔɔnɔ, ka tɛɛnɛ nɔ tim maga fun na o tuha. Doonee ba fun na adaka awa doonani ba fun sɔbi di Koosa wa nara funɛ ya nɔ bɛgim. Nasɛha fun nyiksi a tɛsi. Tɛɛnɛ fun zigsi ka doonbe chesi kinkan.

JɔnN Deesi 11:19 Σταυροειδείς Αναφορές

JɔnN Deesi 11:13

Tɛɛnɛ ti fun vaan zigsi kinkan a kpu ba nara tusugsa nɔpɛ a purigi tɔhɔn ti bufi a lisi bar digi a chɔk. Ba naa funɛ ka, hansura fun kpak ba hali a la gali ka ba nyɛ Koosa naa nyɛn o tɔhɔn ti ni wa jirima kinkan.

JɔnN Deesi 11:15

Doone malaikasa nɔpɛ tiina fun hu o kaabul. Mu fun nu ta kpoka a li Koosa tɔhɔn ti ni ka a ŋɔ, “Ya kunyana awa Kristo naa o fun lisi a nyɛ o titi ni kpak kpok a dɔ tɛɛnɛ nɔ maga. Waa la zi dɔ un hali saha naa vɛ kpak bɔ.”

JɔnN Deesi 12:1

Doone dana zenzen fun nyɛn buudaha ni. Haan digi funɛ nyɛn doon. O wa o kilaarɛ fun chaani a chi nha, ka o naŋgere zɔŋ pɛn daha ni. Wula fidalɛ funɛ nyɛn nyuchik naa o fun chik chen ni.

JɔnN Deesi 16:1

Doone mu fun nu ta a li Koosa bar jɛɛmi dam ti ni ka o fun ŋɔ malaikasi ta ni, “Ma kpa Koosa paan kinkan awa chenani o lɛrgi tɛɛnɛ nɔ tim maga diŋsa naa nyɛn salma gbaŋsi ta ni a la bini a biti du ba ni.”

JɔnN Deesi 16:18

Nasɛha fun nyiksi a jim ka tɛɛnɛ fun zigsi kinkan. Saha naa Koosa fun naami nibinsa hali chen saha ti, tɛɛnɛ ha wa zigsi chen.

JɔnN Deesi 16:21

Doonbe kinkan fun li buudaha a wa yaksi nara. Doonbe ta yuyuk awa niŋmɛna booto yuyuk funɛ ya kibɛgimnɛ. Nara tima fun ŋɔ nɔɔna a nyɛ Koosa ni domi waa funɛ nyɛ doonbe ta yuyuk.

JɔnN Deesi 19:11

Doone mu fun nyini a na ka Koosa tɔhɔn ti bulzɔɔnɔ puk, ka zaag pilim chiŋi dooni. Ba funɛ yir naa la zini un chen, wuti tiina awa naa tiŋ o ŋɔ. O yaa funɛ la laal ni saha maga a la di o dɔma sɛria awa chenani deŋlee ni.

JɔnN Deesi 4:1

A gantɛl ni mu fun bu nyini a na kundɔŋ a chi mu deesi. Koosa tɔhɔn ti bulzɔɔnɔ funɛ puku, ka ta zaŋa naa mu fun te nu chen chi kaabul fun ŋɔ min, “Zini kuwa bar nɔ ka mu biksi hin chenani la zi wa ya.”

JɔnN Deesi 4:5

Din fun nyiksi awa nasɛha a li Koosa jirima bar kani ti. Fitin hɛmsɛ abanɔpɛ funɛ nyɛn o suwachak ni. A waa funɛ ya Koosa siimsa nɔpɛ.

JɔnN Deesi 7:15

Chendaha ba nyɛn Koosa jirima bar kani suwachak ni a la tum o tuma saha maga a li Koosa tɔhɔn nɔ ni. Koosa titi zi kpalimi ba watiu.

JɔnN Deesi 8:5

O funɛ fu kin naa sɔɔra weree chen a peti, o fun zer din ti a biti du salma gbaŋ ti tuha ni a zer a maga a yo ta tɛɛnɛ nɔ maga ni. Tɛɛnɛ fun zigsi kinkan ka nasɛha nyiksi a jim kinkan.

JɔnN Deesi 8:7

Malaikasi ta te tel tiina fun hu o kaabul. Doonbe naa funɛ sɛri a chi chɛl vaan chesi tɛɛnɛ nɔ maga ni ka nasɛha nyiksi a du un ni. O fun purigi tɛɛnɛ nɔ maga butora a lisi bar digi a fu tɛɛnɛ ti awa bugila wa kɔsa a naa nyɛn un ni.