JɔnN Deesi 11:17 - Tampulma

¹⁷ “Ya kunyan Koosa naa kpak kina maga kpok, i wa kpak piili aa nyɛn. Ya zaami hinu di i funɛ kpa i kpok zenu a piili a dɔ tɛɛnɛ nɔ tim maga.

JɔnN Deesi 11:17 Σταυροειδείς Αναφορές

Mat. 11:25

A saha ti Yesu fun sumi Koosa a ŋɔ, “Mu nyana, koor naa dɔ buudaha awa tɛɛnɛ nɔ maga. Kin nawara i fun kpa sogli a li ninɛɛgɛ tim wati chen, i funɛ kpa biksi ba naa ya nyu bilim timwa. N zaami hinu kin nama daha.

Luk 10:21

Chen saha ti Koosa siim weri ti funɛ nyɛ Yesu tu sɔɔniu kinkan. O fun sumi Koosa a ŋɔ, “Mu kunyana, koor naa dɔ buudaha awa tɛɛnɛ maga ni. Kin nawara i fun kpa sogli a li ninɛɛgɛ wati chen, i funɛ kpa biksi ba naa ya nyu bilim timwa. Mu kunyana, i funɛ tum chenani i titi daŋniu.”

Jɔn 11:41

Ba fun zer buŋkul ti ta a li hugil ti nɔ ni, Yesu fun a nyini buudaha ni a ŋɔ, “Mu nyana, mu zaami hinu di i nu mu nɔ saha maga.

2 Kɔr. 2:14

Ma nyɛ ya pɛgi Koosa kinkan. Waa funɛ nyɛ ya wa Kristo ya nibɛgim. Lalaknɔ waa dɔ ya. Saha maga waa nyɛ ya gba a biksi nara, chen ni ba zi na nyinbaanu a zim un.

2 Kɔr. 9:15

Koosa funɛ kpa o beu a nyɛ ya. Wuti waa kaali a maga kinkan. Chendaha ma nyɛ yaa zaami un.

1 Tim. 1:12

Mu zaami ya kunyan Yesu Kristo, domi o funɛ lisi minu di mu ya o tumtumna a kpa o kpok ti a nyɛ min di muu tum o tuma.

JɔnN Deesi 1:4

Min waa, Jɔn, la sɔbi tɔn nɔ bar digi a nyɛ Yesu nitiŋɛ ba naa purige bunɔpɛ a li Azia pulum ni. Koosa naa funɛ nyɛn a ha vɛɛn nyɛn, o zi nyɛnu. O wa siimsa nɔpɛ a naa nyɛn o suwachak ni a li o tɔhɔn ni,

JɔnN Deesi 1:8

Koosa funɛ nyɛn a ha vɛɛn nyɛn, o zi nyɛnu. O waa naa kpak kina maga kpok, ŋɔ, “Mu vɛ kpak piili a nyɛn a vɛ kpak peti.”

JɔnN Deesi 11:15

Doone malaikasa nɔpɛ tiina fun hu o kaabul. Mu fun nu ta kpoka a li Koosa tɔhɔn ti ni ka a ŋɔ, “Ya kunyana awa Kristo naa o fun lisi a nyɛ o titi ni kpak kpok a dɔ tɛɛnɛ nɔ maga. Waa la zi dɔ un hali saha naa vɛ kpak bɔ.”

JɔnN Deesi 15:3

Ba funɛ lɔ Mosis naa funɛ ya Koosa tumtumna awa piisi be ti bool a ŋɔ, “Ya kunyana Koosa naa kpak kina maga kpok, alaazibu fun kpak ya i tum zene daha. I waa naa ya tɛɛnɛ nɔ tim maga koora. Tum naa maga i tum, a ya deŋliu a ya wuti.

JɔnN Deesi 16:14

Alizin tagna tora ta funɛ kpak kpok di a tum tum zene damata. Ba fun gba a lagmi tɛɛnɛ nɔ tim maga koorsa awa ba walɛ, chen ni Koosa wuzu zen naa o zi wa di ba sɛria chen wa tel, ba zi chem unu a li laal ni.

JɔnN Deesi 16:5

Mu fun nu malaika ti ka o ŋɔ Koosa ni, “I waa naa ya bambi chaani tiina a vɛ kpak piili aa nyɛn, chenani i na tɛɛnɛ nɔ tim maga galimsa deŋlu.

JɔnN Deesi 16:7

Doone mu fun nu ta a li biŋbiŋ ti ni ka o ŋɔ, “Ya kunyana Koosa naa kpak kina maga kpok, chenani i na ba galimsa deŋlu a ya wuti.”

JɔnN Deesi 18:8

Nan daha, wichɔɔrtisa awa lɔsa zi vaan wa kpak unu o tuha chɔk, ka din fu un. Min ya naa ya ma kunyan Koosa zenu kinkan a zi di o sɛria.”

JɔnN Deesi 19:11

Doone mu fun nyini a na ka Koosa tɔhɔn ti bulzɔɔnɔ puk, ka zaag pilim chiŋi dooni. Ba funɛ yir naa la zini un chen, wuti tiina awa naa tiŋ o ŋɔ. O yaa funɛ la laal ni saha maga a la di o dɔma sɛria awa chenani deŋlee ni.

JɔnN Deesi 19:6

Mu fun bu nu zɛmɛ kinkan ta a chi ni chuuri kinkan awa nasɛha tɛsi, ka ba ŋɔ, “Ma nyɛ ya pɛgi Koosa. Waa dɔ kina maga a kpak kina maga kpok a ya ya kunyana.