JɔnN Deesi 11:13 - Tampulma

¹³ Tɛɛnɛ ti fun vaan zigsi kinkan a kpu ba nara tusugsa nɔpɛ a purigi tɔhɔn ti bufi a lisi bar digi a chɔk. Ba naa funɛ ka, hansura fun kpak ba hali a la gali ka ba nyɛ Koosa naa nyɛn o tɔhɔn ti ni wa jirima kinkan.

JɔnN Deesi 11:13 Σταυροειδείς Αναφορές

Jɔn 9:24

Farisi tim ta fun bu yir baal naa bu vɛ nyulumi chen a ŋɔ un, “Baal naa lɛlɛ i se chen ya tum tagna nitumirɛ. Ta nyɛ un jirima, amaa ka nyɛ Koosa wa jirima.”

Tuma 1:15

Wuzu digi Yesu gantɛl tiŋsa ba naa funɛ dugli nara kɔkwa awa fumlɛ, funɛ lagmi dɔŋ ni. Pita fun si a chiŋi ba bambaan ni a ŋɔ ba,

JɔnN Deesi 11:11

Wuzu butora awa wuzu bore gantɛl ni, Koosa fun tum o siim weri ti di o lɛli ba a li ba sou ni. Nara funɛ na ba ka ba bu chiŋi, hansura fun kpak ba kinkan.

JɔnN Deesi 11:19

Nihɛɛti ta funɛ sɛm peti, ba fun puk Koosa bar jɛɛmi dam naa nyɛn o tɔhɔn ti ni, bulzɔɔnɔ, ka tɛɛnɛ nɔ tim maga fun na o tuha. Doonee ba fun na adaka awa doonani ba fun sɔbi di Koosa wa nara funɛ ya nɔ bɛgim. Nasɛha fun nyiksi a tɛsi. Tɛɛnɛ fun zigsi ka doonbe chesi kinkan.

JɔnN Deesi 14:7

O fun ŋɔ ba ta zaŋa ni, “Ma nyɛ Koosa wa jirima a kipɛgi un o zenzen daha. Waa funɛ naami buudaha awa tɛɛnɛ wa teku ni wa nise. Saha telu di o di nara maga sɛria. Chendaha o lawa ma jɛɛmi un chenu.”

JɔnN Deesi 15:4

Ya kunyana, i duŋduŋ ya bambi chaani tiina. Chendaha o deŋlu di nibinsa maga kinyɛ hin jirima a ŋɔ ba dɔŋtim ni chenani i zen mak. Tɛɛnɛ nɔ tim maga zi wa chiŋi i suwachak niu a jɛɛmi hinu, domi ba zimu di i tuma maga deŋlu.”

JɔnN Deesi 19:7

Waa ya nizen a kaali kina maga. Chendaha o lawa ya pɛgi unu ka ya tusa sɔɔni kinkan. Saha telu di piisi be ti kpa haan naa saksɛ o titi a pɔ.

JɔnN Deesi 3:4

Ma naa nyɛn Sardis ni, bɔnɛ ha wa tum tum tagna naa nyɛ ma tusa doŋ. Mu zi nyɛ ma kipilimau ma laari a nyɛ ma wa min lagmi dɔŋ ni chenani ma ya chen daha.

JɔnN Deesi 6:12

Doone mu fun nyini a na ka piisi be ti fun kasi kitɔɔli anɔra tiina a bu puk tɔn ti tama a gbaari. Tɛɛnɛ nɔ maga fun vaan zigsi kinkan ka nha fun biri a chi dinhala. Pɛna fun burgi kisɛm a chi chɛl,

JɔnN Deesi 8:5

O funɛ fu kin naa sɔɔra weree chen a peti, o fun zer din ti a biti du salma gbaŋ ti tuha ni a zer a maga a yo ta tɛɛnɛ nɔ maga ni. Tɛɛnɛ fun zigsi kinkan ka nasɛha nyiksi a jim kinkan.