JɔnN Deesi 1:6 - Tampulma

⁶ a vɔti ya koorsa a lisi ya di ya ya Koosa dam kɔkɔɔrsa di ya tum tuma a nyɛ o nyan Koosa ni. Yesu kpak jirima awa chaani wa kpok kinkan hali saha naa vɛ kpak bɔ. Ami.

JɔnN Deesi 1:6 Σταυροειδείς Αναφορές

Mat. 6:13

Domi i kpak jirima awa chaani wa kpok kinkan hali saha naa vɛ kpak bɔ. Ami.))’

Jɔn 5:23

chen ni nara maga zi nyɛ min jirimau a chi chenani ba yaa nyɛ un jirima. Nara vɛ nyɛ min jirima, ba wara nyɛ mu kunyana Koosa naa tum min chen gbanko wa jirima.

Room 11:36

Waa funɛ naami kina maga. O kpok ti daha, a nama maga ha vɛɛn nyɛnu hali wa zinan a nyɛ un jirima. O jirima zi nyɛnu hali saha naa vɛ kpak bɔ. Ami.

Room 15:6

chen ni maga zi lagmiu a pɛgi Koosa naa ya ya kunyana Yesu Kristo nyan ti wa ta bɛgim ni.

Filip. Tima 2:11

Ba maga zi wa ŋɔ gbampulim niu di Yesu Kristo ya ba kunyan ti. Chen la zi nyɛ o nyana Koosa jirimau.

1 Tim. 6:16

Koosa duŋduŋ nyɛnɛɛ saha maga a li chaani naa nandigi zi vɛ koti a zuuli. Nandigi ha wa na un koo zi koti a na un. O kpok zen awa o jirima zi nyɛnu hali saha naa vɛ kpak bɔ.

Ju 13:21

Koosa naa ya bara sɔɔna tiina, zi yisi kin naa maga ma daŋniu a nyɛ ma, chen ni ma zi kotiu a tiŋ o tutɔ nɛnɛ. Yesu Kristo la suŋi ya di ya tum tum were a sɔɔni Koosa tuha. Ma nyɛ ya nyɛ Yesu wa jirima kinkan hali saha naa vɛ kpak bɔ. Ami.

1 Pita 4:11

Naa kpak Koosa papaha ti a kaa ŋɔ nara ni o wɛ, ma nyɛ o sɛm sɛm ta wa si sɛm ni. Naa kpak Koosa papaha ti a kaa tum a nyɛ o dɔŋtima ni, ma nyɛ o kpa Koosa kpok ti a tum nɛnɛ a nyɛ ba. Ya ya chen, Koosa zi na pɛgiu a li ya tum maga ni Yesu Kristo sɔn daha. Koosa zi kpak kpoku awa jirima kinkan hali saha naa vɛ kpak bɔu. Ami.

1 Pita 5:11

O kpok ti zi nyɛnu hali saha naa vɛ kpak bɔ. Ami.

2 Pita 3:18

Ma ka nyɛ ya kunyan Yesu Kristo suŋi ma ma wa zim un nɛnɛ aa gbaari. Ma nyɛ ya nyɛ naa funɛ yisi ya a li ya tum tagna ni, jirima kinkan hali saha naa vɛ kpak bɔ. Ami.

Juud 1:25

Waa funɛ tum ya kunyana Yesu Kristo di o wa yisi ya a li ya tum tagna ni. Koosa naa ya nibɛgim duŋduŋ kpak jirima kinkan awa kpok a kaali kina maga a li o piili ni a wa zinan kpa la hali saha naa vɛ kpak bɔ. Ami. Ma zaami ba naa maga nyɛn ma wati a nyɛ min.

JɔnN Deesi 1:9

Mu waa, Jɔn, ya ma niinbe. Mu wa ma la namsi Yesu daha, amaa o suŋi yau ya di un, chen ni ya zi la zu o koor tiu wuzu digi. Ba fun kpa min a la nyɛ mu nyɛn pulum we naa ba yir Patmɔs ka ni go un. Ba funɛ ya chene, domi mu funɛ mɔɔli Koosa laaboor weri ti a ŋɔ nara wuti naa Yesu fun biksi ya a li gbampulim ni chen wɛ.

JɔnN Deesi 20:6

Ba naa Kristo fun te lisi a lɛli ba a li ba sou ni, ba tusa zi sɔɔniu. Ba zi ya Koosa awa Kristo dam kɔkɔɔrsau ka ba wa un dɔ bun tusuga. Saha ti wa peti ka Koosa zi wa na ba naa kpalimi chen galimsa a ta ba yɔri, o wa zi wa la nɔɔni di o ya chen a nyɛ ba.

JɔnN Deesi 4:11

“Ya kunyana awa ya Koosa, hin naami kina maga. O ya i tutɔrɛ a nyɛn. Chendaha o deŋli wa ya jɛɛmi hin, domi i kpak jirima awa chaani wa kpok kinkan a kaali a maga.”

JɔnN Deesi 5:10

I funɛ vɔti ba koorsa a lisi ba di ba ya Koosa dam kɔkɔɔrsa a tum tuma a nyɛ ya Koosa ni. Ba zi dɔ tɛɛnɛ nɔ tim magau.”